البريد السريع نصيحة

[كلش محتار]

السلام عليكم اخواني واخواتي وادعو الله سبحانه ان يحفظكم اين ما كنتم
قبل ايام كنت اريد ارسالة ورقتين عاديتين عن طريق البريد السريع dhl من بغداد الى الجزائر العاصمة ذهبت الى مكتبهم في المنصور طلب مني مبلع 70$ فرفضت وذهبت الى فرع فندق فلسطين فطلب على نفس الورقتين مبلغ 95$ يعني كلمن بكيفه تقفيص
اكو خلف مكتب dhl مكتب شركة aramex ذهبت اليهم فطلبو مني مبلغ 48$ فقط وقالو ان اوراقك تصل بعد ثلاثة ايام وتستطيع تتبعها يوميا عن طريق موقع الشركة
وفعلا سلمتهم الاوراق والمبلغ واخذت الوصل  وبيه رقم الشحنة مالتي اول ما وصلت البيت فتحت النت ودخلت على موقع الشركة ووضعت رقم الشحنة ظهر لي تفاصيل  شحنتي وصرت كل يوم اتابعها شي جميل طارت من بغداد يوم السبت وصلت الى دبي  استلمتها الشركة ويوم الاثنين وصلت الشحنة الى الجزائر العاصمة منتصف الليل ثاني يوم الصبح استلمها مكتب التوزيع  العصر الساعة 4 استلمها الشخص المرسل اليه فد شي جميل جدا والله انصح بالتعامل مع هذه الشركة لرخص اسعارها والجميل بهاي الشركة اذا ما يتصل بيهم المستلم وعلى الشحنة عنوان كامل يوصلوها اله للبيت

[** AL SHAEEA **]

مشكور اخويه وبارك الله بيك

[usa sky]

شركه aramex اني ادز وياهم داما طرود يحسبون على وزن كيلو 40 دولار او 35 دولار اقل من كيلو يعتبرو كيلو وزن ورقه لو خمسين ورقه نفس المبلغ شنو صعد السعر هسا ادز ويا وكيل شركه بالمنصور قريب سيد الحليب تقريبا يم جنسيه جه مقابيلها

[كلش محتار]

الشكر لله وحده اخوية الشائع

اخوية  USA اني انطيتهم ورقتين عي عبارة عن كفالة وشهادة جنسية استنساخ اخذو 48$ مهما يكون اهون من الدي اج ال الي طلب 95 $ بس اني عجبني الموقع مال ارامكس  يعني يعني تتبع الشحنة بكل دقة ويومية

[Safaa Alkhrkhy]

الشكر لله وحده اخوية الشائع

اخوية  USA اني انطيتهم ورقتين عي عبارة عن كفالة وشهادة جنسية استنساخ اخذو 48$ مهما يكون اهون من الدي اج ال الي طلب 95 $ بس اني عجبني الموقع مال ارامكس  يعني يعني تتبع الشحنة بكل دقة ويومية

هنا نفس الشي بامريكا تتبع الطرد بالساعة وحتى ايكلك انه فلان ساعة راح تستلمه والاحلى انه من يستلم الطرد الشخص المعني ويوقع تكدر اتشوف وصل الاستلام والتوقيع على الموقع وتتاكد بنفسك

ناس طاكة اخوية انتة

ابو سارة

[usa sky]

الشكر لله وحده اخوية الشائع

اخوية  USA اني انطيتهم ورقتين عي عبارة عن كفالة وشهادة جنسية استنساخ اخذو 48$ مهما يكون اهون من الدي اج ال الي طلب 95 $ بس اني عجبني الموقع مال ارامكس  يعني يعني تتبع الشحنة بكل دقة ويومية

انت شوداك على dhl اغله بريد سريع بالعالم تره اكو مكاتب تلكي ارخص هيا مكاتب عباره عن وكلاء كل واحد يسعر كيفه يتعاملون اذا عندك وزن هوايه تعاملهم عادي

[Eng.Samer]

 اخويه اني دزيت 4 اوراق لأمريكا من الDHL  اللي بشارع الصناعه مقابل المركز الوطني للحاسبات بالظبط  وصلوا خلال 5 ايام  صار سعرهم  41$  اعتقد هذا ارخص فرع بفروع الDHL

[گازه]

اخوية كل الشركات الشحن يحسب حسب القوانين بس يختلف من بلدلبلد اخر او حتى من مدينة لمدينة اخري قانون دي اج ال هو ياخذون 65 دولار لكلشي اذ وزنة اقل من نص كيلو و بعدن حسب الفرع ال انت تدز الاشياء منها اخذون كم دولار لشغلات الحماله و السيكيوريتي يعني كله كلاوات...
و بالنسبه لتتبع الشحنة كل الشركات عدهم هايه السستم تراكينك نمبر تكدر تشيك بيها الشحنه...
تحياتي

[محارب]

شباب اني موظفه بالدي اج ال ... الي عنده اي اشكال او استفسار عله اي شحنه او سعر اتصلو على الرقم 07901909486 الي هو رقم خدمة الزبائن

بالنسبة للاسعار ماكو شي اسمه هالكد عالكيلو... كل دوله سعرها يختلف عن اللخ حسب الديستنايشن
وللمعلومات كل ما يزيد وزن الشحنه راح يقل السعر عالكيلو

الاسعار الشركه محددتها اسعارها ثابته... صح الشركات البقيه اسعارهم ارخص بس الخدمه مالت الدي اج ال افضل من البقيه من ناحية السرعه والامان... ماعدنه شحنات اتضيع ولا شحنات تتضرر بالنقل...

واي استفسار اني حاضره.

الاخت عاصفة الصحراء
اريد ابعث الفحص الطبي وعدم المحكوميه للسفاره ببغداد شكد يكلف من داخل بغداد
 ومشكوره مقدمأ

[Aiham_]

يمعودة انتي شتحجين ,, وينا كوندا و خلي يجي يسولفلج شصار بمكتب الدي اج ال من ضيعو الجواز مال صديقة بمكتب ال دي اج ال باربيل
لو مكتب المريديان من يسحلون بالكواني مال البرد سحل , ثانيا للعلم و الاطلاع الدي اج ال بامريكا كلش قليل يستعملوها , يا اما فيدكس او يو بي اس , هاي يا خدمات الافضل ,, اشو عبالك علوة مال طماطة , كلمن يبيع بكيفة , اني رحت لابو المريديان راد الطرد لنبراسكا ب 85 دولاز و رحت لابو شارع الصناعة دزليا ب 41 دولار ,,,, شنو يعني اكو تقفيص مثلا ؟؟؟

[محارب]

اي والله صحيح
مال مكتب مرديان من اجه يسحل بالكونيه ويصيح اجه الخير اجه
وبعدين انشك الضرف الاصفر اللي ممنوع ان ينثقب بابره

[الخياط]

السلام عليكم عندي صديق بامريكا بولاية جورجيا اشترئ ملابس واريد اسرع طريقة ليوصلها الئ بغداد اقرب مكتب بولاية جورجيا وكم سعر الكيلو