بالفترة الاخيرة اتكررت حالات تأجيل او الغاء السفر المفاجي و الي ديبلغون بيه الشخص بيوم السفر و هو واصل للمطار ومستلمه موظف ال IOM الي بالمطار و منطيه اوراقه و داخل جوه و على ابواب الطيران.؟؟؟؟؟؟؟ متشوفوه حالة عجيبة و مو منطقيه لان اتكررت هوايه؟ يعني حالة حالتين انكول خطأ عابر. بس من تتكرر هوايه فينرادله صفنه ؟؟؟؟
والسؤال الاهم العجيب الي انتبهتله ( شلون يصير و ليش المنظمة اتخابر على صاحب الكيس مباشرة و هو بالمطار و ميخابرون موظفيهم الي متواجدين اهناك حته يمنعون الشخص من السفر و يبلغوه بالموقف او ميسلموه اوراقه ولا يدخلوه للصاله لان سفره ملغي؟؟؟؟؟؟ اكثر من حالة اتكررت بحيث الواحد يحس انو اكو بالشغلة انه , من ابسط الامور الادارية انو التعامل ويه اصحاب الكيسات لازم من خلال موظفيهم رسميا , يعني معقولة متعمدين يتهربون من الاتصال بموظفيهم لاسباب ادارية ويمكن حته يتعاضون عن اخطائهم و يطمطموه و بالتالي الله يدري شراح يكتبون بتقريرهم بموقف السفر والمسافرين, اني اتوقع يمكن يكتبون لم يحظر صاحب الملف ويطلعون منه و ما يتحملون مسوؤليه خربطتهم ولا ينطون لزمة على سوء ادارتهم للملفات. او يتعمدون يدخلوا الواحد للصالة ويثبتون استلامه لاوراق السفر و بعده يخابروه و يبلغوه بالخبر ويذبون الصوج على الامور الامنيه الي بالمطار؟
احد الاخوان نزل موضوع البارحه ابو اوريغن هم نفس الحالة. والعجيب همينه كايليله حته لو صعدت الطيارة و وصلت لعمان او امريكا فمراح يدخلوك؟؟؟؟؟؟؟؟؟ والله عجيبة يعني اكو امكانيه انو يصعد و يوصل زين شلون؟ لعد شنو شغل موظفيهم وشنو هايه البروسيجر الغامض , زين بله اذا واحد مرد على موبايله او قافله اصلا شنو راح يصير الموقف؟ فاهنا لو اكو خربطة بالمنظمة مو طبيعيه او اكو تجييك امني معين يصير بيوم السفر على كل الاشخاص.
اكو بيه انه
Dollar
