اعاده محلف بعد (قيد دراسه ) ثلاث سنوات ماهي الاساله الممكن ان يسالها لي المحلف

[قيد الدراسه الى الابد 3]

الاخوه والاخوات السلام عليكم
طبعا اخوكم صارلي مده مكدرت ادخل للمنتدى لضروف صحيه قاهره مع كابه حاده
لطول انتظار قيد الدراسه ثلاث سنوات
وهسه انطوني موعد لاعاده المحلفين
السؤال الاول ليش حطني قيد الدراسه لثلاث سنوات ثم اعاده
السؤال الثاني شنو الاساله التي سيسالها لي مجددا
ارجو من لديه معلومه او تجربه ان يساعدني
اخوكم قيد الدراسه الى الابد

[THE DIPLOMAT]

الاخوه والاخوات السلام عليكم
طبعا اخوكم صارلي مده مكدرت ادخل للمنتدى لضروف صحيه قاهره مع كابه حاده
لطول انتظار قيد الدراسه ثلاث سنوات
وهسه انطوني موعد لاعاده المحلفين
السؤال الاول ليش حطني قيد الدراسه لثلاث سنوات ثم اعاده
السؤال الثاني شنو الاساله التي سيسالها لي مجددا
ارجو من لديه معلومه او تجربه ان يساعدني
اخوكم قيد الدراسه الى الابد

أخوية عوف الكآبة لأن ما تفيد .
و نريد تحكيلنا عن مقابلتك ويا المحلف و شلون كانت و شنو الشي اللي خلاة يشك بقصتك
و أيضا , انتة مقدم من بغداد لو من عمان ؟ و يا ريت تقلنا شنو يردون عليك من تراسلهم بخصوص ملفك

حتى نقدر نساعدك

تحياتي

[أسراء الوردة]

وعليكم السلام ورحمة الله وبركاته

جواب السؤال الأول / لحاجة ملفك أو قصتك لمزيد من البحث والتجييك وعند ظهور النتائج أيجابية جدا تم الأعاده (وهذة لمصلحتك )

جواب السؤال الثاني / أذا دخل أحد أولادك سن 15 سنة يستوجب البصمات وكم سؤال :::أو سؤالك شخصيا عن بعض النقاط التي تحتاج
                           لشرح مفصل  // وبكلا الحالتين عليك تذكر أسئلة وأجوبة المقابلة الأولى ( للأحتياط )


النصيحة / مبروك كون هذة السنوات الثلاث عملوا على التجييك الأمني ولم يجدوا شيء سلبي (لغلق الملف ) وعليك الهدوء والذهاب للمقابلة
             بروح متفائلة وسيكون النجاح حليفك أن شاء الله :

            ذكر في المنتدى حالتين ( قيد الدراسة ) واحدة منها أستمرت سنتين وبلغوا بموعد سفر وسأبحث لكم عن الرابط

             مع فائق الأحترام والتقدير

[دهينية كوم]

ان شاء الله تفرج عنك وتكون مقابلة سهلة

[أسراء الوردة]

السلام عليكم

شكرا جزيلا ( يا روحي )

أخي الكريم هذا الرابط / يرجى الأطلاع عليه

http://www.ankawa.com/forum/index.php?action=printpage;topic=582029.0

أرجوا لكم التوفيق والنجاح

[قيد الدراسه الى الابد 3]

شكرا لاشتراككم بلموضوع
طبعا اخوكم قديم بلمنتدى من زمان صفاء الكرخي وابو خالد وريم عبد وروبن هود يعني مرت علي
اهواى شغلات وساهمت ببعض المواضيع المهمه
بس من وصلت بمشكلتي قفلت مكدرت استوعب
اولا : جرت المقابله الاولى لمده ساعتين اساله منفرده مع زوجتي لمده نصف ساعه
والباقي ويايه جلب بموضوع العسكريه وسالني عن دفتر العسكريه وكتله ماعندي
سالني كلي اين هو
كتله ماادري يمكن ضاع  وما احتاجه ويمكن يسبب لي مشكه في وقتها
المهم كلي سابعث ملفك الى واشنطون وهمه يبتون في امرك
ثانيا : بلنسبه الى الاخت اسراء الورده
بلنسبه للامنيه اكتملت عندي بعد المقابله بشهر (كلير )
ونسحبت في هذه الفتره ثلاث مرات اكسباير وموجوده حاليا يعني الامنيه موجوده
يمكن جان طالب امنيه معينه الله اعلم
ثالثا :عندي ابني جان عمره 15 وبصم
وعندي بنتي جان عمره في وفتها 13 ومابصمت بس هسه عمره 15 يمكن علموده عادو المقابله
المشكله عندي هي اكو اخوان في المنتدى اجتهم موافقه بعد سنتين ونصف قيد دراسه
ليش اني اعاده الله اعلم
اخوكم قيد الدراسه الى الابد

[قيد الدراسه الى الابد 3]

شكرا للاخوه الاعزاء على مشاركتهم ودعائهم لي
ملاحظه : اخوكم من مصر

[قيد الدراسه الى الابد 3]

سؤال للاخت ساره
هو لازم اذا صار عمر بنتي 15 لازم اتسوي بصمات
لو اتكون مهمه للذكر فقط
لان بنتي صار عمره 15 قبل ثلاث اشهر
وشكرا

[أسراء الوردة]

السلام عليكم

أخي الكريم

هذة المعلومات من تجربتي التي تجاوزت الأربع سنوات

كل قيد الدراسة يعني الملف يحتاج الى تدقيق وتجيك أكثر من الطبيعي ولو ترجع حظرتك للمغلف الأول ستقراء فيه ما ذكرته لكم

الأن /  عليك أعادة الذاكرة مع جميع عائلتك حول ماجرى قبل ثلاث سنوات ( وأن كنت أنت سبب اعادة المقابلة فعليك بالصبر ويجب أن تكون أجابتك موجزة ودقيقة ( مع أبتسامه بسيطة بوجه المحلف )
وأن كانت فقط تجييك جوازات وأسئلة بسيطة   فالحمد لله وأستعد لأكمال السفر أن شاء الله

مع فائق الأحترام والتقدير

[hornet]

الاخ قيد الدراسة

 ما تفضلت به الاخت الفاضله اسراء افاض واوفى
فقط اكلك حالة من قلب المنظمة في مصر

اخوية على لسان المنظمة ماكو شي اسمه اعادة محلفين بعد وهذا الاجراء انتهى
يعني كل الموعد مالتك هو فقط اخذ فنكر برنت لبنتك الله يحفظه لان دخلت بالعمر القانوني للبصمات

 تمنياتي بالتوفيق والسفر القريب


 ابو مريومة
cairo

 

[قيد الدراسه الى الابد 3]

شكر وكل الشكر للاخت الورده  (اسراء الورده ) وانشاء الله تكون توقعاتج في محلها وينطيج على كد نيتج والله يوفقج
شكرا جزيلا للاخ الفاضل ابو مريومه الورده على مشاركتك وتكون توقعاتك هي وتكون مجرد اساله شكليه
وشكرا للكل الاعظاء

 اخوكم قيد الدراسه الى الابد

[THE DIPLOMAT]

السلام عليكم

شكرا جزيلا ( يا روحي )

أخي الكريم هذا الرابط / يرجى الأطلاع عليه

http://www.ankawa.com/forum/index.php?action=printpage;topic=582029.0

أرجوا لكم التوفيق والنجاح

هذا الموضوع واحد من أحلى المواضيع اللي قريتها بالمنتدى .
عيني أبو الموضوع , بعد 3 سنوات دراسة و ما إجاك رفض , بعد من شنو قلق ؟  
لا تقلق و لا شي

تحياتي

[أسراء الوردة]

الشكر لله الكريم

والشكر لكم لصدق طرحكم ....ونبل أخلاقكم...وأتمنى لكم الفرح العاجل ...وياريت تفرحنا بأخبارك بعد المقابلة

أخي الكريم أبو مريومة شكرا جزيلا لطرحك ....( أكو أمل تصير ألنة جارة )

مع فائق الأحترام والتقدير

[hornet]

الشكر لله الكريم

والشكر لكم لصدق طرحكم ....ونبل أخلاقكم...وأتمنى لكم الفرح العاجل ...وياريت تفرحنا بأخبارك بعد المقابلة

أخي الكريم أبو مريومة شكرا جزيلا لطرحك ....( أكو أمل تصير ألنة جارة )

مع فائق الأحترام والتقدير

ههههههههههه
للاسف اخت اسراااء امل اتزوجت وراحت بعد   

[أسراء الوردة]

والله صحيح ....أمل راحت بعد

أشكرك أستاذي الكريم......يوم الي تفرحنا بسفرك