مثل متعرفون الاسنان والعيون غالية بامريكا فانصح ان تسوون هاي الاشياء بالاردن الي يريد عالكارتاس فتطول المواعيد للشهر 10 يجيك موعد والسبب طبعا الاخوة السوريين لانو حسب قول الموظفة الي اعرفهة كالت اغلب العراقيين سافرو ومن شفت العراقيين الموجودين كلهم جدد استغربت بصراحة المهم وحتة الموظفة باوعت علية وكالت هاي بعدك هنا عبالي سافرت يلة فتحتلي فال نرجع للموضوع واذا تريدون على حسابكم الشخصي دكتور كلش زين واسعارة مناسبة ومو جشع مثل باق الدكاترة مال الاسنان اسعارة حشو يكلف من 10 الى 20 دينار والتركيب 50 الى 60 طبعا هذا الدكتور اني شفتة كلش زين وحتة بجكة الابرة ايدة كلش خفيفة بحيث محسيت الحمدلله العنوان مستشفى الامل للولادة خلف المستشفى بشارع اسمة الكرمل واول فرع عاليسرة تدخلة واسم العمارة يوسف ويمة صيدلية واسم الدكتور نائل الكرمي وبالنسبة للعيون فمستشفى ابن الهيثم نظارات وفحص عيون واني شفتهة اسعار مناسبة وهمة الكاريتاس يحولوكم بس مشفت فرق بالسعر نفس الشي فرق بسيط اذا ترحون علة حسابكم والمستشفى بشارع المدينة موجودة تحياتي للجميع وصحة وعافية للكل ورمضان كريم
