مساء الخير اخواني ..
اني دزولي دعوة حضور مناسبة زفاف اخ زوجتي في امريكا قررت اروح شهر سياحة احضر الحفلة واتونس هناك وارجع.. عبيت الفورم الخاص بفيزا السياحة وطبعن انطوني موعد بالسفارة والموعد عن قريب .
واني حضرت المستمسكات المطلوبة وهي كالاتي :
1- رسوم الفيزا وهي 160 دولار سويت الوصل من مصرف بغداد وخاص بالفيزا السياحة .
2- وسويت حساب بالبريد الــFEDEX وعنونته وجبت الطرد وياية حتى ورة متكمل اجراءات الفيزا يدزون الاوراق الية عن طريق هذا الطرد للــFEDEX في حالة الرفض او القبول .
3- اكيد اجيب وياية مستمسكاتي الجنسية والشهادة الجنسية وعندي ايضا مترجمات ..
4- جهزت كل الاوراق اللي تثبت صلة القرابة هو عقد الزواج .
5- اخذ وياي طبعا اوراق الدعوة والكفالة ... ( الكفالة ) مطبوعه طباعه وموقعه من قبل شخصين اب وام العائلة وهم مواطنين في امريكا .
6- اثبات رجوعي الى العراق .. تاييد دراسة بالجامعة بتاريخ جديد ومترجم ومصدق من جمعية المترجمين ومترجم من مكتب النهاد .
7- جوازي .. ونسخة منه .
8- صور بمقاس 5x5 بخلفية بيضاء .
سؤالي الاول : شتكولون اوراقي كاملة لو بيها نقص ؟
سؤالي الثاني: اني عندي معاملة لم شمل وكملت المعاملة وتم الموافقة عليها وباقي اصدار الفيزا شتكولون اتأثر فيزا السياحة على معاملتي لو عادي ماكو اي تاثير في حالة الرفض او القبول ؟
اسف على الاطالة محبتي ومودتي لكل اعضاء المنتدى الراقي ..
اتمنى هذا المكان الصحيح لموضوعي ..
