اخوية ايريد يزوج وما اعرف شاسوي اريد مساعدتكم

[TROY]

اني مخلص المقابلة الاولى والفحص الطبي والبصمات وانتضر ببس مقابلة المحلف واني (iom) بغداد واخوية هسة ديفكر يخطب اكدر اضيف زوجتة بعد مقابلة المحلف واذا قدمتله هم تاثر علينة لو بس علية تاثر (تاخرة) اذا قدمتله قبل مقابلة المحلف يمكن راح ننتضر الى ان تكمل المقابلة الاولى وتقابل ويانة الثانية لان اني قدمت لأختي ورة المقابلة الاولى وهسة سوت بصمات ويانة كلنة

اسف علة الاطالة شكرا لمروركم

[برنسو]

والله اخوية مو متأكد من جوابي بس اللي اعرفه انه اذا اخوك بكيس بوحدة ومسوين ربط ضعيف فزواجه راح يأثر فقط على كيسه..

وان شاء الله يجون اهل الخبرة يفيدوك اكثر


تحياتي....برنسو

[الاخيضر]

اخي العزيز .... اذا قدم اخوك اوراق زوجته بهذه المرحله راح تتاخرون اذا كلكم بكيس واحد... والله اعلم..

[TROY]

اشكركم علة حضوركم البرنسو والاخيضر بس هوة الكيس مالتة بحدة شي اكيد بس مثل ما كلت اني قدمت لأختي كملت المقابلة الاولى والفحص الطبي وسوت البصمات ويانة هسة قبل فترة

ارجو توضيح اكثر

[abo shams]

اخي العزيز ...
اذا كان بكيس وحده مثل ما حضرتك اتكلمت ... فأكيد ما ياثر عليكم لكن هو يتاخر اكيد لحد ما تقابل اولى و توصل ويا لمرحلة المحلف
و الشيء الاخر ... انه سوي ربط ضعيف مع ملف اخيك علمود ما تنتضر اجراءاته بس تكمل امنيتك ان شاء الله ممكن تدخل على تفاصيل السفر
و بالتوفيق ان شاء الله

[ATHEER.ALAZAWI]

والله يا اخي اني نفس القضيه الي طرحتها حضرتك مقدم من سنه 2010 ومكمل كل شي وبنتظار الامنيه ارسلتلهم كلتلهم اني راح اتزوج اتصلو بيا وكالولي تره معاملتك راح تتاخر لان انت راح اتضيف شخص ثاني وياك بالكيس وراح تنتظر اتكمل كل المعاملات من جديد وشفتها الشغله نايمه عليها طابوكه كلت هي متاخره متاخره اتزوجت وضفت زوجتي ويايا والله الي ايسهل الامور

[TROY]

اني اشكركم جدا علة الردود بس اني بهاي الحالة يعني انتضر اقابل المحلف وبعدها اضيفها احسن حتة هوة اخوية وزوجتة يبقون الى ان  تكمل القضية مالتهم