السلام عليكم.. رمضان كريم للجميع
اني اختكم سالي محتاجة مساعدتكم لان الصراحة معرفت احد يساعدني غير وصفولي هالمنتدى الرائع وكالولي بيه ناس يكدرون يساعدوج
بالاول تعرفوا على قصتي حتى الاسئلة تكون واضحة.. اني جنت عايشة بمصر وية اهلي وجننا مقدمين هجرة قبل 13 سنة.. وعندي عم بأمريكا فخابروه كالوله اخوك مقدم من 13 سنة ليش ما يحوله على ال IOM ؟؟؟ المهم قدمنا ووصلنا الى ما قبل البصمات لما كالولنا انو ولدكم ترة حيكونون بالاحتياطي اي شي يصير خطر احتمال يلتحقون بالجيش الامريكي.. هنا والدي رفض.. وسوة للكيس Pause يعني ما وكفه بس أجله..
وراها رجعنة للعراق ما عدا اخوية الكبير بقة بمصر ورة ما كمل دراسة راح لل IOM وكاللهم اريد افصل الكيس مالتي عن اهلي واريد اروح لامريكا.. فصارت السالفة وسافر وحاليا بتكساس..
اني عندي عمام ثنين بـأمريكا وعندي اخ وعندي كرايب كثير..
ولازم اروح واني حاليا بالعراق شلوووون؟
1- يصير اقدم من العراق عالIOM واني ممشتغلة وية الامريكان؟
2- يصير افتح الكيس مال عائلتي اللي قدمناه من مصر وانفصل عن اهلي واكمل الاجراءات واني بالعراق؟
3- يصير اخوية يسويلياها من امريكا؟ ويسويلي كيس مال هجرة ويسحبني وابقا هناك؟
4- يصير اخوية يقدملي دعوة واني من اروح هناك اكوللهم ماريد ارجع؟ واكو احتمال يرفضون ويرجعوني غصب؟
شباب اروجوكم مساعدتي اني مستعدة كلشي اسوي بس اروح لامريكا
ارجو توضيح كل الامور والاليات التقديم والقبول وايجاب الاسئلة اللي سألتها.. واذا اكو طريقة ثانية اروح بيها لامريكا واني ماعندي علم بيها ارجو توضيحها.. وشكرا واسفة عالاطالة
اختكم سالي
