اخواني ربي يتقبل صيامكم ساعدوني يرأيكم

[انيس80]

السلام عليكم ورحمة الله وبركاته

رمضان كريم عليكم

اخوكم بمحنه ارجوكم شيرو علية

المنظمه ذابتني اني وعائلتي ببيت مؤقت متروس عزاب من كل الجنسيات صار شهرين ومن اكللهم على بيت يكولون انته دور على بيت احنه مالنه علاقه

والمصيبه لاحظت اكو ازدواجيه بالتعامل ويه اللاجئين يشتغلون بالمزاج واليعجبهم وماريد احجي اكثر ارجوكم انقذوني بمشورتكم الله ينقذكم من جهنم

احنه عراقيين وغيرتنه متقبل نسوانه يوكفن ويه عزاب يطبخن الى متى ياربي

اذا مصار حل خلال هالشهر راح الم جهالي وارجع

[Devil Dog]

الاخ العزيز انيس

مع خالص الاحترام لشخصك الكريم.
مسألة البحث عن منزل او شقة لا يوجد اسهل منه في اميركا تسطيع الدخول على الانترنت و البحث في المواقع التالية:
www.apartmentfinder.com او www.rent.com او www.apartmentguide.com او www.forrent.com
الاخ العزيز لا استطيع ان اتخيل الموقف الذي تعيشه الان و ليس لدي ادنى فكرة و لا اعتقد ان الاعتماد على المنطمة او الوقوف مكتوف اليدين بأنتظار الاخرين بالتحرك لشخصك سيكون قرارا حكيما و خاصة في اميركا فالكل يعتمد على نفسه.

ارجو ان لا اكون قد جرحتك بأي كلمة و اتمنى لك دوام الصحة و الموفقية

[انيس80]

حبيبي المشكله مو هنا

المشكله منو يأجرلك وانته معندك كريديت والمنظمه تكول مالي علاقه

[eng ali]

حبيبي المشكله مو هنا

المشكله منو يأجرلك وانته معندك كريديت والمنظمه تكول مالي علاقه

اخ انيس شنو مالها علاقه انت بيا ولايه وشلون تقبل تكعد ويا هيج لمه حبيبي انت حجيت ويا المنجر مال منظمه اني اول مره اسمع هيج يسوون بعائله غريبه جدا بس كلي ولايتك الله يخليك ماكو هيج شي عيني .

[steven_siv]

انتة وين عايش اخي بيا ولاية يمكن نكدر نسويلك شي اذا قريب

[البغدادية2]

لا اله الا الله اخويه الكريم انت اكتب اسم الولايه واسم ألمنظمه  اشويه تفاصيل اكثر دقه بلكي إخوانه النشامه ايساعدوك

أمانه ياعراقين هذا الرجال أمانه ابركبتكم  هووو وعائلته

[انيس80]

اعيش بكاليفورنيا سان فرانسيسكو منظمة الكاثوليك والله كرهت امريكا اعذروني اخوان تعبت حيل والله

[Kemo_sulli]

سلام..... يا اخي المحترم شوف المننظمة مراح يساعدك حتى يصير كفيلك لمرة ثانية بس قبل ما تجي يساعدوك لانك ات و عائلتك تعبانين من السفر و يرادولكم مكان حتى تباتون. تكدر تحاجيهم باسلوب رقيق مو متعصب اشرحلهم وضعك واذا شرحتلهم وضعك لازم يساعدوك و عادة ما يخلون عائلة بمكان حيث الاغلبية عزابية.في حال عدم مساعدتك تقدر تخابر واشنطن و تفهمهم وضعك و لكن خل يكون هذا اختيارك الاخير لان راح ياثر عليك في موضوع اللي يلكولك شغل لان صار هذا مع واحد عراقي بس مو قضية العائلة ما عجب وضع المكان  حيث اتواجد انا فيها ولكن مجبور حتى تلكى مان ثاني. خلي اكولك كلش عادي من تخابر واشنطن و اول كلمة من يسمعوك انو انت راح تخابر واشنطن راح يتراجعون عن موقفهم بس يعرفون العراقيين اكثريتهم ما يحجون لغة فما يكللولك راح نساعدك . واحسن مكان بلانترنت تلاكي غرف او شقة هو  www.craigslist.com


From Alabama.

[Attum Rose]

اخي العزيز صارت سابقا و يا عائلة و اثنين عزاب بس من لكوا مكان خبروا المنظمة تأجرللهم بس اهنا المنظمة تأجرلك بس اذ ايجار عالي يكلولك احنا بس نغطي كذا مبلغ و الباقي عليك.


فانت اختار المكان اللي تريده من المواقع مثل ما تفضلوا الاخوان مشكورين و خبر المنظمة و هي من واجبها تلبي طلبك من حيث مساعدتك بالايجار.

[هذا عراقي]

الله يهديك ويصبرك شنو هلوضع الله يعينك والله لايوفقك كل من ميساعد الناس وهو بمقدرتة
اخوية اطلع انت وزوجتك دوروا سكن من الصبح للليل لاتظل على هلوضع حتى لو غرفة بلجول احسن من الوضع هسة ويارب تفرج عليك وعلى كل اخوانة

[BUCCA]

السلام عليكم تحية طيبة للجمع.اخي العزيز انيس80 انت كلنة انت بيا ولاية على مود نشوف نكدر نسوي شي لو لاء لان انة بولاية كنتاكي فاذا انت بولاية كنتاكي هواي عندي معارف يعني ان شاء اللة نحلهة.

[** AL SHAEEA **]

اخوان للمساعدة جماعة كاليفورنيا سان فرانسيسكو منظمة الكاثوليك

[*Ray]

 up

[Attum Rose]

بالمناسبة اخ انيس اني هسة يلا انتبهت انت بسان فرانسيسكو معناته حضرتك وصلت لامريكا و عندك كفيل طيب كفيلكم وين خلي هو / هي يدورلكم مكان مناسب و يسأل المنظمة حتى تساعد بالايجار.

اني اللي قصدتهم ما كان عندهم كفيل و راحوا و صلوا و ما عندهم احد و دبروا امورهم.

[عراقي هواي]

ادعوا الله ربي ان يعينك ويسر امرك بحق هذا الشهر الفضيل
الاخوان اللي بامريكا انشالله ماتقصرون !!

[انيس80]

والله اخوتي متقصرون ومجرد دعائكم يسوى الدنيا كلها
وبلنسبه للي سئلو عن كفيلي بغير ولايه وجابوني هنا وكالو غلطنا بس اذا تريد تحول يمه تره تخسر المساعدات وكعدت وسكتت النوبه هسه يكولون دور واحد يأجرلك والبيوت هنا اسعارهه مو معقوله وردت اشكيلكم ماعندي احد اشكيله لان اهلي قاطعوني من اجيت كلهم ضدي لان مسمعت كلامهم وبقيت بلعراق حتى تلفون ميجاوبون وماعرف شسوي والمن اشكي معندي غير الله وانتو

[yasir fakhri]

الاخ الكريم اتمناك تكون قريب علي كان فدتك بموضوع الايجار
مع هذا اي شخص يسكن بكاليفورنيا قبل سنة مثلا يستطيع يكون كفيلك المادي اي كفيل ضامن بدفع الايجار ان تخلفت عن دفعه وهذه مسألة طبيعية جدا ولايراد منه غير مقدار الدخل الشهري مع توقيعه في العقد المبرم بينك وبين ادارة المجمع على ان يحضر بنفسه
لاكردت ولا غيرها من الشروط المعروفة
مع اني ابقى اذكر كل الاخوة واحذرهم بشدة من الذهاب للولايات الي يكثر فيها اللاجئين خصوصا العراقيين!!
وان تنصل المنظمات من واجباتها تجاههم هو خير دافع لعدم الذهاب لهذه الولايات
والاسباب متنوعة وبعضها مؤلم ولايمكن ذكرها على صفحات المنتدى
اخي الكريم الله يسهل الامور ويفرجها عليك
وانشاءالله تكون الفائدة اكبر مع الايام القادمة