جماعـــــه تركــــــيا الي مقدمين على استراليــــا

[فلوس ماكو]

السلام عليكم
اخوان الي عنده اي معلومة في تركيا عن استراليا خلي يقدمه حتى يستفاد كل اللاجئين الي في تركيا شكد تطول المعاملات وبيه رفظ لو لا وكم مقابلة او وين ؟
جزاكم الله الف خير

[sniper elite]

اخي العزيز ..

هذا سؤالك صعب شوية .. لأن ماكو احد يكدر يعرف شكد ح تطول فترة الأنتظار بتركيا ... كلمن والكيس مالتة .. اما بخصوص استراليا فقد سمعت (مو متأكد ) انه اكو جماعة 8 اشهر واكو ناس طولوا 3 سنوات وبعدهم بدون طيران .. بس هي تكون مقابلتين مال استراليا الأولى مال يو ان (الفسفورة ) والثانية مقابلة المحلفين الأستراليين .. يعني صح عدد المقابلات اقل من امريكا بس همة الله يسلمهم نحسين الأستراليين ..

اتمنالك التوفيق

[فلوس ماكو]

اشكرك اخ sniper elite همه كلش نحسين من صارت الظربة مال الابراج مال امريكا صار بيها تاخير وخاصة على العراقيين اني صارلي 11 شهر وحولوا ملفي على استراليا وبعد حتى مانازل على الموقع كلشي وعندي اخوية هناك باستراليا بس ردت اسال يعني ماكو احد مقابل استراليا حتى نعرف نوع المقابلة
وشكرا جزيلا

[المرفوضه]

السلام عليكم .. عزيزي الاخ ماكو فلوس ممكن اعرف وره شكد حولوا ملفك لستراليا وشنو الخطوات اللي اتبعوها وياك ؟ لان اني مرفوضه من امريكا ودا انتظر تحويل ملف صار 10 اشهر وكلشي ماكو .. واكو هوايه مرفوضين من امريكا مثلنا ؟؟ وشنو فتره تحويل الملفات حاليآ اذا عندك علم وسعيك مشكور مقدمآ

[فلوس ماكو]

السلام عليكم
الاخت المرفوضه مساء الخير ....
اني 11 شهر تقريباً اتصلوا بي وقالوا لي الان ملفك سيتحول على الاستيطان فعندك الولايات المتحدة الامريكية أو أستراليا فأنا اختاريت استراليا وقال لي سوف تتأخر تقريباً سنة ونصف فأنا وافقت .
بلنسبة لتحويل الملفات وتأخيرها اسف ما عندي علم بيها .
واني خادم وانشاء الله الفرج للجميع ..........