ماذا بعد الرفض من الولايات المتحده في تركيــــــــــا ؟؟؟؟

[المرفوضه]

اخواني وخواتي الطيبين السلام عليكم اما بعد :
حبيت اسولفلكم قصتي واتمنى من كل اللي مثل وضعي يكتبلنا حتى الكل تستفاد اذا اكو معلومات جديده نكدر نتواصل من خلالها ونرجع الامل الحياتنا شويه من بعد هذا الأنتظار المدمر ..
مقابلتنا الاولى مال un جانت بشهر الرابع 2011 والثانيه بشهر السادس واللي هيه الاولى مال icmc والاخيره جانت بشهر التاسع ووره 14 يوم بالضبط نزلت النتيجه على الموقع بالرفض ووصلت الرساله للبيت ومكتوب تم الرفض لعدم المصداقيه !!!!
ومن هذاك الوكت واني وزوجي وبنتي بالانتظار يعني صار 11 شهر وماكو اي جديد برأيكم شوكت يتحول الملف الغير دوله علمآ احنه مسوينه استئناف لان كالولنه الاستئناف ايطول سنه مرات وتكون نتيجته الرفض ايضآ !!! على اساسها كلنه الخيره فيما اختارها الله انشالله تطلعلنه غير دوله لان حسب علم الجميع كندا او استراليا او الدول الاوربيه الاخرى احسن من امريكا حاليآ .. منو مثلي سواء اتحول او بعده بالانتظار وحاولوا تكتبولنا التواريخ اذا امكن وانشالله الفرج والسفر والاستقرار للجميع .. اختكم المرفوضه

[الفرج2]

  اختي العزيزه المرفوضه , انت تقولين:


        ( بالضبظ نزلت النتيجه على الموقع بالرفض ووصلت الرساله للبيت ومكتوب تم الرفض لعدم المصداقيه !!!! )
                                                                                                             ============

اذا كان سبب الرفض هو عدم المصداقية وكما توضحين فكيف تتأملين ان يتم تعيين دوله او تسوين استئناف ويوافقون ؟؟؟؟

ليش اكو دول تقبل بعدم المصداقيه ودول ما تقبل ,, فهميني أرجوك ؟؟؟؟؟؟

[كوكي 2004]

أختي العزيزة الله يعينكم ويسهل امرك
بالنسبة لنظام عمان اليجي رفض وميسوي استئناف ملفه ميتحول لغير دولة ·· اما اذا سوه استئناف واجا رفض ثاني بهذه الحالة يرجع الملف
لل un ويتحول الى دولة ثانية في حالة اكو دول فاتحة توطين بذاك الوكت


       تحياتي وبالتوفيق

[THE DIPLOMAT]

  اختي العزيزه المرفوضه , انت تقولين:


        ( بالضبظ نزلت النتيجه على الموقع بالرفض ووصلت الرساله للبيت ومكتوب تم الرفض لعدم المصداقيه !!!! )
                                                                                                             ============

اذا كان سبب الرفض هو عدم المصداقية وكما توضحين فكيف تتأملين ان يتم تعيين دوله او تسوين استئناف ويوافقون ؟؟؟؟

ليش اكو دول تقبل بعدم المصداقيه ودول ما تقبل ,, فهميني أرجوك ؟؟؟؟؟؟

أخي المحترم الفرج

أذا تسوي إستئناف و تشرح الأسباب أحتمال يقتعون بيها , ليش ماكو مرفوضين سوو استئناف و انقبلو؟
قبل فترة قريت هنا موضوع لشخص مرفوض و مستأنف و تم قبول الأستئناف مالتة

تحياتي

[الفرج2]

  اختي العزيزه المرفوضه , انت تقولين:


        ( بالضبظ نزلت النتيجه على الموقع بالرفض ووصلت الرساله للبيت ومكتوب تم الرفض لعدم المصداقيه !!!! )
                                                                                                             ============

اذا كان سبب الرفض هو عدم المصداقية وكما توضحين فكيف تتأملين ان يتم تعيين دوله او تسوين استئناف ويوافقون ؟؟؟؟

ليش اكو دول تقبل بعدم المصداقيه ودول ما تقبل ,, فهميني أرجوك ؟؟؟؟؟؟

أخي المحترم الفرج

أذا تسوي إستئناف و تشرح الأسباب أحتمال يقتعون بيها , ليش ماكو مرفوضين سوو استئناف و انقبلو؟
قبل فترة قريت هنا موضوع لشخص مرفوض و مستأنف و تم قبول الأستئناف مالتة

تحياتي

شكرا اخي العزيز على هاي المعلومه وتسلم

[THE DIPLOMAT]

  اختي العزيزه المرفوضه , انت تقولين:


        ( بالضبظ نزلت النتيجه على الموقع بالرفض ووصلت الرساله للبيت ومكتوب تم الرفض لعدم المصداقيه !!!! )
                                                                                                             ============

اذا كان سبب الرفض هو عدم المصداقية وكما توضحين فكيف تتأملين ان يتم تعيين دوله او تسوين استئناف ويوافقون ؟؟؟؟

ليش اكو دول تقبل بعدم المصداقيه ودول ما تقبل ,, فهميني أرجوك ؟؟؟؟؟؟

أخي المحترم الفرج

أذا تسوي إستئناف و تشرح الأسباب أحتمال يقتعون بيها , ليش ماكو مرفوضين سوو استئناف و انقبلو؟
قبل فترة قريت هنا موضوع لشخص مرفوض و مستأنف و تم قبول الأستئناف مالتة

تحياتي

شكرا اخي العزيز على هاي المعلومه وتسلم

بخدمتك أخوية المحترم ....


عيني المرفوضة , والله من أسمكي أخاف !
عيني قدمي إستئناف و أحكي قصتكي بالتفاصيل المملة و أرسليها الهم يجوز يعيدون النظر بقضيتكي
و هالمرة ضعي الصدق أمام عينيكي و الا ترى اذا انرفضتي مرة اللخ لا سمح الله انسي شي إسمة أمريكا

و لا تصدقين انو أكو بلد مثل أمريكا , أمريكا لا مثيل لها ,
هذا الحكي مو تفستق هذا وااقع


تحيتي و محبتي

[المرفوضه]

اخوتي الاعزاء شكرآ على ردودكم ومشاركتكم مشكلتي .. شنو الحل برأيكم هسه اكدر اسوي استئناف لو ميصير بعد ؟؟ يعني احنه انريد كندا او استراليا علمود هاي مسوينه استئناف !! هل هذا الشي حيآثر على الملف بالنسبه للدول البقيه والله ما اعرف شنسوي ؟؟؟ احنه بتركيا من 2010 يعني شكد ننتظر بعد !!

[THE DIPLOMAT]

اخوتي الاعزاء شكرآ على ردودكم ومشاركتكم مشكلتي .. شنو الحل برأيكم هسه اكدر اسوي استئناف لو ميصير بعد ؟؟ يعني احنه انريد كندا او استراليا علمود هاي مسوينه استئناف !! هل هذا الشي حيآثر على الملف بالنسبه للدول البقيه والله ما اعرف شنسوي ؟؟؟ احنه بتركيا من 2010 يعني شكد ننتظر بعد !!

عيني أكو مثلكي ما مرفوضين و لحد هسة دينتظرون , و ليش شنو قابل أستراليا لو كندا راح تطلعولها بسرعة ؟
نفس الإنتظار . رأيي تسوون استئناف لا تظيع منكم المشيتين , تالي لا أمريكا و لا أي دولة أخرى
سوي استئناف شتنتظرين يا عيني !
مو عندكم مهلة 90 يوم ما أعرف كم ؟

سوي أستئناف و انتظري


تحيتي

[المرفوضه]

اخي العزيز ال 90 يوم خلصت من زمان اني صارلي 11 شهر مرفوضه يعني شهر الجاي اكمل سنه واعتقد حقي بالاستئناف صار اكسباير بعد واحنه خابرنه المنظمه كلش هوايه وكل مره ايكولولنه انتظروا تحويل الملف الدوله ثانيه الملف موجود بس ننتظر سفاره من السفارات تطلب الملف وما اعرف هذا حجي صحيح لو بس تخدير اعصاب ولذلك اني نزلت هذا الموضوع اريد اعرف اكو احد مثلي وحولوا الملف مالته ؟؟ لان اني بيني وبين الرجعه شعرايه يوم اكول ارجع السالفه ما منها رجى ويوم اكول اخاف ارجع واتندم ويضيع تعب سنتين !!!

[كوكي 2004]

اخويه الدبلوماسي  
الأخت المرفوضة ذكرت انه صارلهم 11 شهر من استلموا الرفض وعمل الأستئناف لازم يكون خلال 90 يوم يعني بعد ميحقلهم يعملون استئناف


تحياتي لحضرتك

[THE DIPLOMAT]

اخويه الدبلوماسي  
الأخت المرفوضة ذكرت انه صارلهم 11 شهر من استلموا الرفض وعمل الأستئناف لازم يكون خلال 90 يوم يعني بعد ميحقلهم يعملون استئناف


تحياتي لحضرتك

أشكركي أخت كوكي ...
آني أعرف و لهذا ذكرت هذا الشي بردي .
من وجهة نظري لو كانت مقدمة أستئناف أحسن ...

تحياتي الكي

[أسراء الوردة]

السلام عليكم ورحمة الله وبركاته

أختي الكريمة

الكلام بما مضى ظياع الحاظر

نعم توجد كثير من الملفات رفضت لعدم المصداقية وتحولت الى دولة ثانية وأصحابها الأن ينعمون بخير دولهم ( وأكيد أفضل من أمريكا )

راجعوا وراجعوا وراجعوا ( UN ) كل يوم توطين من كل أسبوع ولا تعتمدوا على المكالمات الهاتفية ( عند مراجعتكم يأخذون ورقة الحماية ويسجلون رقمها ) ويسجلون السبب من المراجعه / في سجل المراجعات الخاص بهم / وهنا تحققون شيء مهم وهو بقاء ملفكم على الطاولة وليس تحتها لا قدر الله .... ولكم ما قسم الله ..... وعليكم السعي لذلك :

بخصوص الرجوع للعراق ......  بأس القرار أن فكرتم به .... ومصيبة أن نفذتموه ............................... :

الصبر صبران .... صبرا على ما تحب ..... وصبرا عما تكره

ملفنا بدون رفض دخل السنة الخامسة ( فأين أنتم من ذلك )

أرجوا لكم التوفيق

[الفرج2]

السلام عليكم ورحمة الله وبركاته

أختي الكريمة

الكلام بما مضى ظياع الحاظر

نعم توجد كثير من الملفات رفضت لعدم المصداقية وتحولت الى دولة ثانية وأصحابها الأن ينعمون بخير دولهم ( وأكيد أفضل من أمريكا )

راجعوا وراجعوا وراجعوا ( UN ) كل يوم توطين من كل أسبوع ولا تعتمدوا على المكالمات الهاتفية ( عند مراجعتكم يأخذون ورقة الحماية ويسجلون رقمها ) ويسجلون السبب من المراجعه / في سجل المراجعات الخاص بهم / وهنا تحققون شيء مهم وهو بقاء ملفكم على الطاولة وليس تحتها لا قدر الله .... ولكم ما قسم الله ..... وعليكم السعي لذلك :

بخصوص الرجوع للعراق ......  بأس القرار أن فكرتم به .... ومصيبة أن نفذتموه ............................... :

الصبر صبران .... صبرا على ما تحب ..... وصبرا عما تكره

  ملفنا بدون رفض دخل السنة الخامسة ( فأين أنتم من ذلك )
================================

أرجوا لكم التوفيق

الله يكون بالعون , ويفرجها عليكم






الفرج ............................................................... لكم جميعا بعون الله تعالى .

[Sound of Soul]

اختي المرفوضة
انا اعرف شخص بتركيا انرفض اميريكية واتحول استراليا وورا سنة انرفض همين وصارله اكثر من سنة ينتضر تحويل على كندا
لهسة ماكو اي شي يعني ماعندج غير  الانتضار واما شغلة الاستئناف فهمين حبالها طويلة جدا وعن تجربة واقعية
مع عائلة كانت معي في تركيا طول الاستئناف مالتهم تقريبا سنتين ونص الى ان سافرو لامريكا قبل اقل من شهر وصلو لهنا
وهمة من جماعة المرفوضين بشهر التاسع 2009 فاتخيلي المدة هاي يجوز تكونين متحولة واصلة لغير دولة
مع امنياتي الج بالتوفيق والفرج القريب ان شاء الله ...

[الهاشمي_3]

السلام عليكم اخواني واخواتي انا كنت مرفوض من الوفد الامريكي بالشهر 3/2011 بسبب خدمتي العسكريه بانه انا كنت مشارك بحرب ايران والكويت واعتبروني مشترك باضطهاد الاخرين علما ان صنفي كان اداري وكله بالخلفيات لارايح جبهه ولا حتى رامي طلقه واحده المهم المحلف كان جدا صعب ويايه وكانت النتيجه عدم مصداقيه وبعد شهرين قدمت استئناف بشهر 5/2011 وقدمت نفس المعلومات فقط كلام نفسه اللي قلته للمحلف ولم اقدم اية مستمسكات او دليل يعززكلامي وبعد سنه وشهر جاءني قبول موافقه اتصلو بي الهجره الدوليه بالمزه كوني في سوريا وثاني يوم اجريت الفحص الطبي انا وعائلتي والحمد لله وانا الان انتظر الامنيه تخلص علما اني كنت حزين ويائس جدا بعد انتظار ست سنوات وياتيك رفض وحياتك مهدده ولكن رحمة رب العالمين واسعه فتفائلوابالخير ولا تيأسو من رحمة الله والحمد لله على كل حال علما اني كنت متوقع الرفض مره ثانيه للاستئناف لاني لم اضيف شئ جديد وجاءت النتيجه قبول وربي ييسر امر كل مرفوض والسفر للجميع ان شاءالله لان العراقيين مظلومين مضاعف *****   اخوكم ابو افنان الهاشمي سوريا

[احبكم1]

اختي العزيزه
اولا احجيلج علاستئناف الاستاناف كلمن وحظه وحجيه واثباتاته اكو ناس استانفت وره 3 اشهر انقبل الاستئناف وهسه همه بامريكا واكو واحد استانف وياهم ابنفس اليوم وجان واكف كدامه بالسره وصارله سنتين ونص ينتظر وماكو رد كلما ايخابر ايكولوله النتيجه بعد ما اجتي
اما الي مثل حالتج الي انرفضو فالملف طبيعي وره سنه يله يتحول دوله ثانيه وعلاكثر كندافانتظراكم طبيعي
اكو ناس انرفضو من امريكاوره سنه اتحولو وره سنه قابلو يعني الشغله اتطول انت ابتركيا وتعرفين العراقين ماعدهم غير فلان انطو وفلان رفظو وفلانوفلان فحص
المهم انتو ديربالكم اترجعون لان انتو احسن من غيركم اكو ناس صارلهه سنه وماكو فسفوره علاقل انتو دتتنتظرون اوربا فالشغله تسوه
واني ما اريد اهبط معنوياتج بس انتو يرادلكم صبر3سنوات من تاريخ دخول تركيا اكوناس انرفضو من امريكا وره 3 سنوات و4 شهور بالضبط طارو كندا  فانتو خلو ابالكم هذا الشي والعلم عند الله
وانشالله اقل لان المرفوضين من امريكا شويه شغلتهم اتحب صبر مو مثل الي يقدمو كبل اوربا
اهم شي الصبر لا رجعه لان حرامات انتو عدكم فسفوره
وانتو خوش صبرتو فتره حلوه ومبقالكم شي وره السنه انشالله يجيكم شي والله بس ينطوكم الفورمات حياتكم تتغير وتصير الامور طبيعيه.
وانشالله الموفقيه

[المرفوضه]

اختي اسراء الورده اشكر مشاركتج البناءه وكلامج الذهب .. انشالله انحاول انراجع انقره بس هيه المشكله اكو هوايه ناس اتروح الانقره وتالي ايكولولهم بالباب انطونه رقم الملف ووره اسبوعين انخابركم وكلشي ماكو !! يعني بس تخدير اعصاب لا اكثر !! اما بالنسبه الحضرتج ف كان الله بالعون 5 سنين !!! هذا صبر ايوب الله يعوضكم بالخير انشالله ويوم الموفقيه والاستقرار لكل اخوانا وخواتنا بالمنتدى  ...  تحياتي ومودتي

[المرفوضه]

اشكرك اخي مغامر انشالله السفر والاستقرار للجميع بجاه هذا الشهر الفضيل

[المرفوضه]

الاخ المحترم sound of soul
كلامك صحيح ميه بالميه لان احنه من اجانا الرفض نصحونه بعدم الاستئناف والولد اللي نصنحه هوه موظف بمكتب ASAM التابع لليو ان بمحافظتنه وكان كلامه ( اكو هوايه ييجيهم رفض ويسوون استئناف وتالي ايطولون فوك السنه وهمينه النتيجه رفض فعلى هذا الاساس انتو اتلحكون تتحولون الغير دوله وتمشي اموركم وبكل الاحوال كندا واستراليا احسن بالوقت الحالي من امريكا ) انشالله نصبر ونتآمل خير بالجاي اشكر مشاعرك الطيبه ومشاركتك وانشالله الفرج عالجميع ...

[المرفوضه]

اخي المحترم ابو افنان الهاشمي الله يعوض صبركم خير انشالله ولا يآس من رحمه رب العالمين انشالله الفرج للجميع وعن قريب اما بالنسبه الزوجي ف اصلا مخادم عسكريه (تحت سن الخدمه) وجانت المقابله على خير مايرام لأخر لحضه بس المحققه جانت شديده هوايه على ما يبدو واجه رفض هوايه للناس القابلتهم جانت اسيويه الله يستر عالجميع منها ومجان اكو اي سبب للرفض بنظرنه بس كلشي بالدنيا قسمه ونصيب (وعسى ان تكرهوا شيئآ وهو خير لكم وعسى ان تحبوا شيئآ وهو شر لكم ) ...

[Sky net]

الله يسهل امرك اختي وان شاء الله تتحولون على اي دولة يجللعكم الله سبحانه وتعالى بيها اسباب الرزق والتوفيق

ويعوض صبركم خير ان شاء الله

[المرفوضه]

اشكرك اخي احبكم على الرد الواضح والمفيد واللي بيه قصص من الحياة الواقعيه وهذا اللي اني محتاجه اسمعه حتى اعرف شكد باقيلي وقت حتى اتهون فتره الصبر علينه اقلها دنسمع انه اكو ناس دتقطف الثمار من بعد طول الانتظار واحنه وياهم انشالله اهم شي الامل ايكون موجود لان بدونه حتى الصبر ايصير صعب وممل ومتعب وصحيح كلامك احنه همينه احسن من غيرنه الحمد لله على كل الحال والله يسمع منك ويجينه الفورمات وتبدي تتغير الامور للاحسن ويرجع الواحد يفكر ويخطط للمستقبل وللحياة الجديده ...

[المرفوضه]

اشكرك اخي sky net واشكر مشاعرك الطيبه وانشالله السفر والتوفيق للجميع بآذن رب العالمين 

[ايو خلدون]

الى الاخت المرفوضة اختي اني داخال الى تركيا في 2=12=2010 وكمالت اخر مقابلة وكانت المقابلة رقم 6 في يوم 30=5=2012 وفي يوم 28=7=2012 اتصالت فيهم وقالو انك مرفوض وفي يوم 6=8=20120 ارسالت لهم فاكس والى اليوان فاكس ايضن وسانتظر الرد عالمن اني سابقا في تركيا 5سنوات ولا اعود الى العراق عامن اني بعيدعن زوجتة واطفالى 4 من تاريخ 23=6=2012  اختة العزيزة عليكى بالصبر والله كريم