اتمنى التوفيق للجميع
اليوم قابلة محلف واخيرا خلصت جنت مخنوك من هالمقابلة جدا بس الحمد لله عدت انشاء الله على خير طبعا اني iom بغداد +++116 جانت الاجواء جدا مشحونة اول ما دخلنا طبعا مشحونة بالنسبة النا اهل المقابلات سولنا تسهيل انه اخذو بصمات يعني شغلتين بشغلة هاي نكدر نكول انه من باب التسريع ومن باب التسريع ايضا انه مقابلات اولى ومحلفين وتثقيفية وبصمات بدو يشتغلون يوم السبت همين فاتوقعوا انه يحددون الكم موعد يوم السبت لاحد يستهين بي هذا صار واقع حال ....
وسالت الموظف الاردني كتله اكو تسريع انشاء الله بالمعاملات كال لا كل ملف ياخذ وقته وحسب ظروفه هذا الحجي اللي صار بس وسالت موظفة عراقية حبابة حبابة جدا كالت هي حظوظ ناس تمشي بسرعة وناس تتاخر فماكو قياس ....
اما بالنسبة للمقابلة فطولت من العشرة ونص الى الثالثة عصرا لان عدنا فد ظرف خاص هذا الظرف وحدة اخذ ساعتين بالاضافة الى انه اني ضايف ملفيين وياية ....
المحلف كان خلوق الى ابعد حد بحيث من يغلط يعتذر مني ما دور تواريخ غلط ومن هالسوالف ونفس الاسئلة العامة اللي كاتبين عنها الاخوان واقل شوية بس الخاصة لح وياية وطول ورحب بينا جدا وشكرنا من طلعنا واني بعت ويا مصداقية بعثي اي بعثي مؤيد كتله لا نصير وكله الحجي وثائق وصور ....
بالاضافة الى كل ما تقدم انه جاية من اميركا وجبة مترجمين عراقيين كبار بالسن ينحطون على الجرح الجرح يطيب والله العظيم فد خوش اوادم الناس العراقية الطيبة اهل كبل اللي يحملون المبادئ وروح المحبة والتعاون والبساطة والاخلاق هاي الامور اللي للاسف اصبحت الان التعامل بيها عيب عند البعض مو الكل بس منتشر هذا التعامل .....
اتمنى الموفقية للجميع للي ما مقابل يقابل واللي مقابل يسافر حتى لحد يزعل عليا
واني مستعد لاي استفسار
سلامي
