سؤال عن الكفالة الخماسية الى كندا ارجو الاجابة

[iraq1980]

السلام عليكم اخواني
عندي استفسار الرجاء من اصحاب الخبرة والمعرفة افادتي بالجواب مع جزيل الشكر والتقدير

انا مواطن عراقي مقيم في الاردن في الشهر الخامس قدمت على الكفالة الخماسية الى كندا وقمت بتعبئة الفورمات وارسالها بواسطة DHL الى الكفيل الرئيسي حيث قام بتقديمها الى مكتب الهجرة في اوتاوا وبنهايه الشهر السابع (يوليو) استلم الكفيل الرئيسي رسالة من مكتب الهجرة تفيد بالموافقة علي الفورمات (APPROVED) وقاموا بتحويلها الى مكتب الفيزا في عمان ومكتوب في نفس الرسالة ان مكتب الفيزا سيقوم بالاتصال بنا

سؤالي هو : ماهي الاجراءات القادمة وماهي المدة لكل اجراء ؟

شاكرا تعاونكم جميعا

اخوكم عراقي

[steven_siv]

اخي اذا مامستلم فايل نمبر راح يجيلك فايل نمبر ووراها يتم الاتصال بك لاجراء الفحوصات الطبية ووراها باقرب طيارة ويسفروك بس تختلف المدة من مكان لمكان للحصول على الفايل نمبر يعني اللي لاحظتة اللي مقدم لفانكوفر يجيه الفايل نمبر اسرع من اللي مقدم لكاكري وهكذا وحاليا بسبب الزخم الحاصل يمكن شوي تاخير اكثر دا يصير

[iraq1980]

اشكرك اخ ستيفين .. احنة بالرسالة ناطينا رقم لكل فرد من افراد العائلة .. زين شكد الوقت المتوقع لانهاء الاجراءات

شكرا مرة اخرى

[steven_siv]

وين انتة مقدم يامكان بكندا

[iraq1980]

اوتاوا

[steven_siv]

حبي من تقدم على الكفالة الكنسية والمعلومات موجودة على صفحات الموقع  الرسمي للسفارة الكندية يكولك تطول 24 شهر بس المدة ورة استلام الفايل نمبر هي وحاليا ستة

[iraq1980]

اخي العزيز الارقام تبدي ID ووراها ثمن ارقام

اعمارنا هي اني 31 سنة وزوجتي 28 سنة وابني سنة وحدة

[iraq1980]

لا عزيزي .. اني قدمت بشهر الخامس ومليت الفورمات كلها الي ولعائلتي ووقعت الفورمات ودزيت صور من الاشياء المطلوبه وترجمتها بالدي اج ال الى الكفيل الرئيسي الي هو احد الكفلاء الخمسه .. وهو وباقي الكفلاء سوو الفورمات مالتهم ودزوها ويه الفورمات الي اني دزيتلهياه كلها بظرف واحد لمكتب الهجرة بكندا ... ورة شهرين دزوله رسالة كايلين بيها انه المعاملة صارت ابرووفد ونطونا ارقام تبدي بحرفين ID 989838293 بهاي الطريقة ومكتوب بالرسالة انه ملفكم تحول لمكتب الفيزا بالاردن وانتظروا منهم الاتصال واعتقد الاتصال خاص بالمقابلة اذا اني مو غلطان

[iraq1980]

اي اعتقد الخطوة الاولى هي الاقرب وحسب ماقريت بموقع الهجرة انه هناك رقم ملف تحصل عليه اول شي وبعدين ورة المقابلة ينطوك رقم جديد والي هو راح يكون رقمك الي تراجع بي

[الله...محبة]

اخي العزيز الرقم اللي اجاك بورقةالموافقة (Approval) يختلف عن رقم الملف بالسفارة (الفايل نمبر) هسة انت تبدأ رحلتك مع المراجعات وراح ينطوك الفايل نمبر وبعدها راح يتصلون بيك على موعد مقابلة... واحتمال اذا الاجراءات مثل سوريا راح ينطوك اوراق الفحص الطبي اثناء المقابلة ووراها ان شاء الله يتصلون بيك على سحب الجوازات لوضع الفيزا.... (بس لا تسأل على المدة )

ان شاء الله يبلشون بجماعة عمان قريبا

[iraq1980]

شكرا جزيلا اخي الله محبه وبارك الله بيك وبجهودك

تحياتي

[sooon]

سؤال رجاء بحكم خبرتكم احنا قدمنا عالخماسية صار 3 اشهر تقريبا وحسب مااعرف ماستلم كفيلنا اي رسالة هل يبدي هو يتصل بيهم احسن؟
هاي اولا
وثانيا اذا استلم رسالة الAPPROVED هل معناها انو نضمن الموافقة ولا بعد اكو امور تحسم الموافقة؟؟

[sooon]

احنا ايضا مقيمين بعمان

[immigrant1972]

اخوان اذا ممكن توضيح ... انتو تحجون على الكفالة الخماسية لو على الكفالة الكنسية ... اذا ممكن معلومات اكثر وشكرا مقدما

[الله...محبة]

شكرا جزيلا اخي الله محبه وبارك الله بيك وبجهودك

تحياتي

تأمر أمر عزيزي

سؤال رجاء بحكم خبرتكم احنا قدمنا عالخماسية صار 3 اشهر تقريبا وحسب مااعرف ماستلم كفيلنا اي رسالة هل يبدي هو يتصل بيهم احسن؟
هاي اولا
وثانيا اذا استلم رسالة الAPPROVED هل معناها انو نضمن الموافقة ولا بعد اكو امور تحسم الموافقة؟؟

اخي/اختي
بالحالات الاعتيادية الموافقة (Approval) تصدر بعد شهر الى شهرين من تاريخ التقديم... واعرف اكثر من حالة راجعوا دائرة الهجرة واخذوا الموافقات... فخلي كفيلكم يراجع وان شاء الله يحصلها

سؤالك الثاني اذا طلعت موافقة دائرة الهجرة فهذا ضمان اكيد (وهي الموافقة اللي يوكلون محامين من اجلها)... همة يكولون تبقى موافقة القنصل بعد المقابلة لكن الى الان ما سمعت بحالة رفض بعد المقابلة على الاقل في سوريا... وعلى الاقل اللي اعرفهم... وهمة هوااااااي

تحياتي

[الله...محبة]

اخوان اذا ممكن توضيح ... انتو تحجون على الكفالة الخماسية لو على الكفالة الكنسية ... اذا ممكن معلومات اكثر وشكرا مقدما

اخي الكريم الخماسية والكنسية نفس الاجراءات (ما بعد موافقة دائرة الهجرة في الولاية)... الاختلاف فقط في وقت انجاز المعاملة... يعني رسميا الخماسية تأخذ وقت اكبر لكن مو قاعدة

تحياتي

[only me]

مساء الخير
ارجوكم الكفالة الكنسية او الخماسية موجودة الان يعني؟ اكدر اقدم عليها لان عندي شخص بكندا والمشكلة مايعرف مفتوحة لو لا وكال انت اسأل واني حاضر بس الله يخليكم مفتوحة الكنسية او الخماسية لو لا؟ لان سمعت انو هي مسدودة من شهر الواحد 2012 هل صحيح

[only me]

شكرا الك اخي Zeus Greek  على الرد بس ممكن تفهمني اكثر لان اتصلت بأبونا سرمد وسدها بوجهي وكان اسلوبة جدا جاف واني كلش متبهذل ممكن افتهم اكثر عن موضوع الكفالات لان ما اعرف بيها شي والشخص الي عندي بكندا صارلة 30 سنة بعيد عن هالسوالف فمايعرف شي عنها واني جدا ممنون الكم اخواني

[الله...محبة]

شكرا الك اخي Zeus Greek  على الرد بس ممكن تفهمني اكثر لان اتصلت بأبونا سرمد وسدها بوجهي وكان اسلوبة جدا جاف واني كلش متبهذل ممكن افتهم اكثر عن موضوع الكفالات لان ما اعرف بيها شي والشخص الي عندي بكندا صارلة 30 سنة بعيد عن هالسوالف فمايعرف شي عنها واني جدا ممنون الكم اخواني

اخي العزيز هو الشخص اللي بكندا خلي يتفق وية اربعة اشخاص حتى يصيرون خمسة ويسوون خماسية الك والخماسية ما تنسد لان مو فقط للعراقيين... او يروح لاحدى الكنائس اللي يعرفها ويحاول يفهم من عدهم اذا الكنسية لا زالت موجودة او لا... لكن خليه يحاول مع اكثر من كنيسة... والقس سرمد لا تحاول وياه لان عنده هواي معاملات لا زالت معلقة وايضا عنده (شروط معينة) بكفالته

حاولوا مع كنائس اخرى وياريت اذا على كالكري او ساسكاتون إلخ... يعني المدن اللي ما عليها ضغط .. مو مثل تورونتو او فانكوفر اللي عدها مئات المعاملات المعلقة الى الان

احترامي

[only me]

شكرا اخوية الله محبة على ردك واني رح ابلغ الشخص الي عندي بكندا وانشالله خير بس انتو تعرفون اسم كنيسة في وينزر علمود اكلة عليها لان هو مايعرف لان هو تقريبا كندي صار مايعرف شي بهالسوالف ومايروح لكنيسة العراقيين واني اشكر تعبكم وياي اخواني الاعزاء

[sooon]

اخي الله محبة
اشكرك انا ام زياد...هل افهم انو همة اللي لازم يراجعون دائرة الهجرة لو بالبريد همة يستلمون شي؟؟لان عدهم كسل بهالموضوع

[iraq1980]

يستلمون بالبريد بس اذا طولت الشغله يكدرون يراجعون قسم الهجرة او يرسلون لهم ايميل