ماكو اعز من روحي غير اطفالي وماكو شي يقهرني اكثر من ان اشوف طفل جوعان
اليوم بالمقابلة طبعا المنظمة الان مخصصين غرفة للاطفال بيها سراير للنوم ومفروشة كاربت وتلفزيون ودك شونا شيب وتوم اند جيري ومشكورة المنظمة بس التقصير من الاهالي يعني الكل ديطولون بالمقابلات من خمسة ساعات وانته صاعد والله اني عشر ساعات طولت اكو عوئل عدهم اطفال ابو السنة يشرب ممه الام جايبة ممه وحدة لو طفل بعمر سنتين وتلاثة جايبيله اهله بس عصير واحد وجبس اكله بالباب وسكت كعد يتفرج على الباقين هم الاكل اللي يوزعوا مو اكيد تحصل لان احتمال قليل او انته تكون بالمقابلة فلا تعتمدون عليهم والله طببنا جنطة كاملة بس اكل لفات مال فطور ومال غدا واكل الاطفال لاتسولفون الحمد لله والشكر بس هذا طفل خوما تخلوا يموت من الجوع اخذوا فاكهة لفات عصاير نساتل جبوسا اي اكل بالك يخطر وما يكلولك ممنوع بس الممه اذا بيها حليب ومي يجبوها واي سكين او الة حادة ممنوع تدخل اضافة الى انه المشرفة على هاي الحضانة امراة حبابة جدا وتخاف الله بتعاملها مع الاطفال وطيبة جدا واي شي تحتاجون منها هي ادبره الكم هذا الباب الاول
الباب الثاني
اخذوا لاطفالكم ملابس سميكة شوية حتىلو توصل للقماصل لان غرفة المحلف او الموظف مترين بمترين ويدك بيها سبلت طنين ونص اتصير زمهرير الاطفال راسا يتمرضون ومن اكمل المقابلة اخفف ملابسهم والمحلف سوى درجة الحرارة مالت الغرفة 18 كام يمسح بالعرك مالته فرجع خلاها على 16
فرجاءا عينكم على اطفالكم بالاكل والملابس
سلامي وتمنياتي بالصحة للجميع
