ضاع الحلم وسبب إجازة موظف IOM

[omarsami]

احب اقلولك أنة اجاني موعد سفر بس الأسف يا فرحة ما تمت حيث تم كلمني موظف الا او ام يوم الخميس الفات وقلي تكدر سافر قبل يوم 16 كلتلة لا ما اقدر لان عندي أمور لازم اصفيها وكنسل فيزة الاقامة في الامارات وكتلة على انطيني نهاية الشهر كلي ما ادري اجيك ويهاهم وارجعلك هذا الحجي خابرني بعد عدة ايميلات للمنظمة والاخوان هسة تفطنوا المهم يوم الجمعة خابرني واحد ( وهو هذا سوسو البلا) من سعودية ب 1 بليل كلي ليش ما تكدر سافر قبل يوم 16 كلتلة عندي التزامات جان يكلي مؤ امنيتك صير اكسباير قلتلة اذا هيج حتى باجر اذا تريد اسافر لان بعد ما عندي صبر صار سنتين منتظر الامنية كلي خوش خلي ادز ايميل لامريكا ورجعلك هذا الحجي أني ما ادري شسوي أصفي لو ما اصفي اموري أبيع لو ما أبيع الحمدللة اللة هداني وبقيت كلشي بس سويت وكالة الواحد لان حتى اذا اريد اصفي ما راح الحك وهذا ألحجي من سائلتة كلتلة اصفي اموري يتهرب ويكلي بكيفك بس اقامتك لا تكنسلها لحد ما اخابرك وكلك كنسل وطبعا ظليت ما اعرف. شسوي اجا يوم السبت جان يكلي ما ردوا علية واليوم وباجر عطلة بامريكا شكد بقى من الايام بس يومين  هنوب التوقيت عندي صار بساعات كل ساعة تفوت اموت بيها مئة  موتة وانتظر الليل علمود رجعلي خبر لان اختلاف التوقيت بينا وبينهم جان اخابرة ب 1 بليل جان يكلي عندنا مشكلة ثانية كلي اوراقك على ما توصل من تركيا يرادلها يومين بس احنا انحاول جيبها اسرع لان حالة طارئة انتظر فد ساعة وارجع اخابرك راحت الساعة واجى يوم ثاني وجان اخابرة جان كلي واللة ما وافقوا امريكا طيرك كلتلة ليش هيج سويتوا من يمتى جاية امنتي جاني كلي صارلها شهر كلتلة وليش ما سفرتوني جان يكلي مؤ أني مجاز وماكو بديل بس انشاء اللة مرة ثانية اذا وصل ملفك عندي أخبرك من وقت كلتلة هية ضلت مرة ثانية وسديت التلفون  وهس
الحمدة للة على كل حال
فيا إخوان تابعوا ملفاتكم لان الإهمال واصل حدة بلمنظات الهجرة وكاعدين لعبون بمقدرات العالم ولا عبالك منظمات انسانية

[الدامرجي]

الله يكون بعونك ،.. ويصبرك..
شسوي اخي مابيدك شي ..
حسبنا الله ونعم الوكيل

[uae123]

الله يساعدك انا الي اعرف الامنيه ما اطول بس شهر وتنتهي ؟تبقى اكثر من شهر

[salam83a]

الله يعينك ويعينا

[سارة نبيل]

والله العظيم هاي كارثة

يعني اي موظف باي مكان بالعالم من ياخذ اجازة لازم اكو اخر
 يمشي شغله فكيف اذا بمصائر ناس تنتظر على احر من الجمر

بس ما نكول غير الله كريم

الله يكون بعونك

[fort carson]

جان المفروض من اول مرة خابروك بيهه الخميس الفات تكلهم اي او اتدبر حالك خلال اسبوع او تسافر ليش خليتهه الى اخر لحضة هيج 

[uae123]

والله اصدقائنا يومين انطوه وسافر والله بس يالله كلشي بالنصيب

[Abnaa Al-Iraq]

الله يكون بعونك بس لتهتم اخي صايرة مع الكثير وان شاء الله يحددولك موعد اخر باقرب وقت

[الاخيضر]

انت خليت نفسك بهذا الموقف اخي العزيز ووصلتها لحد اللوزه والا الناس قالوا لك سافر وانت ماقبلت.يعني لو مسوي مقارنه بين وجودك بالبلد وغراضك لو مستقبل قضيتك كان عرفت وقتها تحدد. على العموم الله يكون بالعون

[MohdS]

عمي الولد مؤ صوجة كللهم اني جاهز و ظل يركض ورآهم بس هم ناس مو يمهم السالفة الاخ مجاز و المنظمة تدز باليميلات و هو مو يمه يعني ميعرفون يخلون واحد مكانة حسبنا الله ونعم الوكيل

[** AL SHAEEA **]

 حسبي الله ونعم الوكيل

اخي لمن رب العالمين يأذن بالسفر راح تسافر   اصفن وتلكه كلامي صحيح

وان شاء الله يعوض صبرك خير وتسافر  ويفرجه علينه كلنا يا رب   وعلى الجميع

[ابومروان]

والله ياخويه الله يكون بعونك بس اوووووووووووووووووووووووووووووووووووف منكم هاي صار انت الاجيء مدري يارقم ياجل السفر ماله لمن يوصل للحلك ويكنسلون موضوعه لاحقا ......... اشلع واروح لمريكا واعوف الاول والتالي وبعدين وين تصفه خل تصفه

[the dreamer]

الله يصبرك

[the dreamer]

لكن نصيحة لك أخي العزيز ولك أخواننا ,
في حالة أتصال الهجرة وياكم وكالولكم سفركم باجر , كولو ( نعم أخنى حاضرين ) لان همه ترة بس يردون حجه حتى يأجلوكم

السفر للجميع أنشاء الله في الرقيب العاجل

[البغدادية2]

صدك جذب

[Dr.Sinan]

اخي العزيز الله يساعدك ع هالتأخير وما تعرف بعد شكد ح تنتظر بس اسمحلي اكلك انه انت السبب لأن رفضت السفر

[الصابر76]

هاي  شنو ؟؟؟؟؟ والله قهرتني .... الله يساعدك يا اخي

[s350thebest]

حسبي الله ونعم الوكيل
الله يفرجه عليك قريباً اخي.

[s350thebest]

حسبي الله ونعم الوكيل
اخي لمن رب العالمين يأذن بالسفر راح تسافر   اصفن وتلكه كلامي صحيح
وان شاء الله يعوض صبرك خير وتسافر  ويفرجه علينه كلنا يا رب   وعلى الجميع

1+

[jack black]

حسبي الله ونعم الوكيل 

[omarsami]

أشكركم إخواني على مشاعر كم  الطيبة . بس للعلم أني ما أجلت السفر بس همة جنت احسهم بس ريدون أكلهم ما أسافر علمود طلعون من المسؤلية لان يدرون بنفسهم ما لحكون سفرتوني

[شايلوك]

والله يابه حرنه مره يكلون احنه نتصل ومره يكلون روحوا على الموقع وتالي الواحد تجي سفرته للباب والموظف طالع لو مجاز هاي شلون مصيبه شيسوي الواحد هو اللي بقى فيووز واحد وخايف بس ليفصل وتالي من يخابروني اكلهم هسه اني مجاز

[MohdS]

دز رسالة و قدم شكوى لا تسكت حتى على الاقل يكون عندك ريكورد بالموقف الي صار

موتتني عمر سامي شلون بيك بس لا تقلق التسريع موجود