ملخص لقرائتي في عين كاوة لمده 3 سنوات

[$$$$$]

كل عام وانتو بخير حبيت اكتب هذا الموضوع ولكم التعليق

الناس في عين كاوه نوعين:

النوع الاول عراقي دينتظر الفيزا وهذا حاله
والله مليت من الانتظار وصبري خلص بس خلي تطلعلي الفيزا والله بس اوصل هناك اشتغل اي شي حتى لو انظف تواليتات المهم اوصل .... عيني اهم شي وصلتو وخلصتو وحمد لله على سلامة الوصول الى ارض الاحلام مو مشكله عيني اذا نمت بملجأ وية الصوماليين هاي شنو من اول موقف اهتزيت وضعفت اني لو بمكانك حتى بالشارع انام بس خلي تطلعلي الفيزا وكلها هينه..... عيني معليك بالحجي اللي تسمعه العراقيين هناك كلهم متونسين وعايشين احسن عيشة اذا همه متبهذلين ليش ميرجعون لعد؟؟

النوع الثاني عراقي من وصل لامريكا وانصدم بالواقع
هيه هاي امريكا اللي جنه نسمع عنها بلد الاحلام والله شغل ماكو وام المنظمه تكول اللي متقبل باول شغلة تجي اللي هي بالتنظيف راح نكطع عنك المساعدات.... والله صارلي 6 اشهر ادور على شغل وماكو مخليت مكان مادورت على المواقع ويشركات التوظيف وماكو بس تنظيف تواليتات...
والله يا اخوان خلصت فلوسي وماعندي ادفع ايجار اخر شهر وهسه اني حاير مادري ارجع للعراق مادري انتقل لغير ولاية انصحوني الف رحمه على والديكم..

تعليقاتكم

[علي النعيمي]

اخوية اسئلك سؤال وجاوبني بصراحة العراق احسن لو امريكا بس انطيني سبب مقنع حتة اجاوبك

[العزاوي 55]

والله يا اخي اني بسوريا ومن تسألني وين احسنلك بالعراق لو بسوريا لو بامريكا جوابي راح يكون امريكا  ليش؟
اولا اني ما افكر بنفسي افكر بمستقبل اولادي بالعراق ضاع مستقبلهم من وره التهديدات والتهجير بسوريا لازم عندك بنك يله تكدر
تخلي اولادك يكملون دراسه ناهيك عن التعامل بالمدرسه كيف يتعاملون مع الطالب العراقي كمدرسين وكطلاب والله نفسيأ تعبو من
القهر والذل ما نكول غير حسبنا الله ونعم الوكيل
بس اقلها بامريكا ماكو تعنصر لا للدين ولا للطائفه ولا للعرق اقلها تكدر تضمن مستقبل اولادك ممكن يشتغل ويدرس والاب والام من يوصلون
لعمر كبير يعطوهم تقاعد ووووو
والله العظيم صار 8 سنوات بسوريا شفنه الظيم مع العلم انا كونت علاقات كثيره معهم كجيران واصحاب عمل وقسم بالدوله بس اهم شي المصاري
والماعنده فلس ما يسوى ربع فلس
تحياتي

[$$$$$]

والله يا اخي اني بسوريا ومن تسألني وين احسنلك بالعراق لو بسوريا لو بامريكا جوابي راح يكون امريكا  ليش؟
اولا اني ما افكر بنفسي افكر بمستقبل اولادي بالعراق ضاع مستقبلهم من وره التهديدات والتهجير بسوريا لازم عندك بنك يله تكدر
تخلي اولادك يكملون دراسه ناهيك عن التعامل بالمدرسه كيف يتعاملون مع الطالب العراقي كمدرسين وكطلاب والله نفسيأ تعبو من
القهر والذل ما نكول غير حسبنا الله ونعم الوكيل
بس اقلها بامريكا ماكو تعنصر لا للدين ولا للطائفه ولا للعرق اقلها تكدر تضمن مستقبل اولادك ممكن يشتغل ويدرس والاب والام من يوصلون
لعمر كبير يعطوهم تقاعد ووووو
والله العظيم صار 8 سنوات بسوريا شفنه الظيم مع العلم انا كونت علاقات كثيره معهم كجيران واصحاب عمل وقسم بالدوله بس اهم شي المصاري
والماعنده فلس ما يسوى ربع فلس
تحياتي

تحية لابن عمي العزاوي والله يسهل امرك

[الوثاب]

اخي العزاوي
كلامك على راسي من فوك واهم شي هو ضمان مستقبل اولادنا مو اخليهم بالعراق وية الحشاشة والقتلة والارهابيين او مااعرف شراح يكون مصيرهم على الاقل بامريكا يشتغل ويدرس ويتعب او بعدين يلعب مو مثل العراق ياما درسنا وتخرجنا من الجامعة واشتغلنا بس ماكدرنا نلعب لان همة لعبوا بينا وسوونا مثل الشوادي همة يصفكولنا واحنا نركصلهم

[الهاشمي_3]

والله ياخواني انا اؤيد كلام الاخ العزاوي55 وصحيح اهم شئ مستقبل اولادنا لان احنه كبرنا وخضنا الوكت وشفنا ايام حلو وايام مره بس اولادنا شنو شافو غير البهذله والرعب والخوف وامريكا افضل من العراق وسوريا تتعب تلعب واهم شئ احترام الانسان وتعامل انساني ومحبه واهتمام بالصغير قبل الكبير بمعنى اخر رايت الاسلام ولم ارى المسلمين لكن هنا رايت المسلمين ولم ارى الاسلام  تحياتي للجميع

[العزاوي 55]

$$$$$ اتشرف بيك وبكل اهلنه العراقيين فنحن اخوه واولاد عم
انته مبين عليك تحب الدولارهوايه

الوثاب  والهاشمي تحياتي لكم والله ييسر امركم وامر الجميع ان شاء الله

[$$$$$]

up

[غسان العبيدي]

كل عام وانتو بخير حبيت اكتب هذا الموضوع ولكم التعليق

الناس في عين كاوه نوعين:

النوع الاول عراقي دينتظر الفيزا وهذا حاله
والله مليت من الانتظار وصبري خلص بس خلي تطلعلي الفيزا والله بس اوصل هناك اشتغل اي شي حتى لو انظف تواليتات المهم اوصل .... عيني اهم شي وصلتو وخلصتو وحمد لله على سلامة الوصول الى ارض الاحلام مو مشكله عيني اذا نمت بملجأ وية الصوماليين هاي شنو من اول موقف اهتزيت وضعفت اني لو بمكانك حتى بالشارع انام بس خلي تطلعلي الفيزا وكلها هينه..... عيني معليك بالحجي اللي تسمعه العراقيين هناك كلهم متونسين وعايشين احسن عيشة اذا همه متبهذلين ليش ميرجعون لعد؟؟

النوع الثاني عراقي من وصل لامريكا وانصدم بالواقع
هيه هاي امريكا اللي جنه نسمع عنها بلد الاحلام والله شغل ماكو وام المنظمه تكول اللي متقبل باول شغلة تجي اللي هي بالتنظيف راح نكطع عنك المساعدات.... والله صارلي 6 اشهر ادور على شغل وماكو مخليت مكان مادورت على المواقع ويشركات التوظيف وماكو بس تنظيف تواليتات...
والله يا اخوان خلصت فلوسي وماعندي ادفع ايجار اخر شهر وهسه اني حاير مادري ارجع للعراق مادري انتقل لغير ولاية انصحوني الف رحمه على والديكم..

تعليقاتكم

صح لسانك اشهد ما بالله صحيح ومن دكلة تعال ارجع يكلك اني ارجع للضيم شعندي كله لعد ليش تتبجبج

تحياتي

[جون ترافولتا]

عادي تره تلكي كل النماذج مثلا صديقي يحجيلي على ولد يعرفه راح لامريكه ثمن اشهر بعدين عافهه ورجع للبنان ضل كم شهر وتاليهه رجع للعراق اشتراله سايبه وهسه دا يشتغل تكسي ... زين هاي شتخليلهه وتطيب

[Torture Killer]

عادي تره تلكي كل النماذج مثلا صديقي يحجيلي على ولد يعرفه راح لامريكه ثمن اشهر بعدين عافهه ورجع للبنان ضل كم شهر وتاليهه رجع للعراق اشتراله سايبه وهسه دا يشتغل تكسي ... زين هاي شتخليلهه وتطيب

هاي علاجها نعال ممتاز ايراني حجم 49 وتشده على عوده مال ماسحه وتشد براسه تيزر مشحون زين وخبز على ظهره لحد ما يصحى

[steven_siv]

حاليا العراق من ناحية الشغل وبالنسبة للمستقبل اظن هسة اذا ماتعرف وين تعيش بامريكا اظن بايدك تخلي ابنك يضيع وخصوصا هسة والتقارير مالية الجرايد من التايمز من البي والخ قلة الوظاثف كثرة العصابات المخدرات السلب القتل الاغتصاب يعني اخوان خلي شوي نكون واقعيين العراق احترك حرك بس كم حالة اغتصاب صارت بي العراق احترك حرك كم طفل صار تاجر مخدرات لو قاتل ترى لو قارنا الاعداد يبقى العراق احسن ومرة 2 اذا لم تعرف اين تعيش بامريكا لاتجذب على روحك وتكول اهنا امن واحسن لعائلتي ولاطفالي

[المهاجر الجديد]

         

                               كل عام والجميع بخير

 اخوان ملخص الحجي وكسر بجمع  شتريد بامريكا تلكى((( مخدرات- عصابات- قتل- اغتصاب- تهديد- انحلال بالاخلاق -تفكك))) واكو شغلات متخطر ببالك تجدها بامريكا..  وامريكا((( فيها ارقى جامعات العالم..الشهاده الامريكيه من اعلى الشهادات العالميه.. الصحه- الخدمات- التطور- التكنلوجيا.واكو شغلات متتصورها ولايشيلها عقلك من التطور لانا ماشايفيها ببلدنا ولا بالبلدان الي كنا فيها.. انت شتريد؟؟؟؟؟؟ هنا السؤال.. تريد تكون من النوع الاول تصير وبكل سهوله.. تريد من النوع الثاني ممكن وتصير وبسهوله .. بس يظل شغله اصرارك على تحقيق ماتريد..هنا تشوف الاستهتار والخلاعه والكفر والالحاد...وهنا ايضا تشوف الالتزام والحجاب والتدين والايمان.. الحريه الدينيه الي ماشفناها بالبلدان الاسلاميه..كل شي موجود.. واجمل مافي امريكا انه كلمن بحاله. البس ماشئت افعل ماشئت عيش كما تريد لك الحريه.(( طبعا دون مخالفه القانون))
امريكا تستقبل لاجئين ومهاجرين من كل انحاء العالم.. فتجد فيها كل الجنسيات وكل الثقافات..
من ناحيه العمل فيها عمل..للذي يريد ان يعمل..ربما احيانا يكون دون الطموح لكن كبدايه ممكن تجد فرصه عمل.. انا في امريكا من ذاكثر من سنه عندما كنت لاجيْ في سوريا  كنت عندما ادخل منتدى عين كاوا واسمع كلام بعض العضاء عن الوضع في اميركا صدقا احيانا كنت اعيد النظر بموضوع السفر لامريكا من كثر ماسمعت انه لايوجد عمل والمساعدات تنتهي  ولايوجد من يعينك و...وو.... الخ من هذا الكلام الي يكلب المعده ..كلت عمب اذا على هذا الحجي يعني اني مراح اطول هناك شهر بعدما تخلص المساعدات.. بس من وصلت وشفت الوضع.. حسيت ان انتظاري 6 سنوات للسفر والوصول الى هنا ماراح ببلاش  وحقيقة تسوى الصبر والتعب.. ليس دفاعا عن امريكا .. لكن هنا تحس بنفسك انسان الك حقوق وتعيش حياتك مثل ماتريد وبحريه وان كنت على حق تاخذ حقك وتكدر تعترض وتحجي عل موظف والشرطي وحتى على اوباما نفسه..بس اذا الواحد يكلك لا والله هاي الشغله  تعب.. واني تاليها اشتغل  ههاي الشغله .. لاعمي  اني  وين  وهاي الشغله وين..طبعا مراح يكدر يشتغل.. واكو من كاعد ينتظر المساعدات وماكو جمعيه ميعرفها ولاكنيسه ميندلها ولاجامع مرايحله. وكاضيها مساعدات (( والعب بيها يابو    س ميره)) ومن تحجي وياه  يموعود هيه امريكا  والله لواعف هيج مجان اجيت.. لا والله اني راح  ارجع.. ههههههه  يابه هذيج شركات السفر  وهذاك المطار  والله ومحمد وعلي وياك.. بس منو حرام مشفت احد رجع.. بس طبيعتهم يصرفون عيون ويهبطون المعنويات.. اما ارقى شغله ولد صديق كلي اياها ((( وشوفوا اخوان تفنن بعض الناس بالاحتيال والجديه..هذا الشخص عليه دين .. ايجار الشقه لانه لم يعمل لاسباب صحيه. يكول شفت واحد اعرفه  كلي ها فلان شلونك اخبارك.. دفعت الايجار الي عليك هذا الولد جاوبه كله لا والله بعدني ..كله هم زين  شفتك. اكو جامع ينطي مساعده فلوس لمثل شغلتك بس انت عندك اتذار من صاحب الشقه. هذا الولد كله ي عندي  خوش جيب الانذار ويوم الجمعه اشوفك حتى نروح للجامعويجوز ينطوك  من 1000 الى 1500 دولار.. يابه بارك الله بيك  وكثر الله من امثالك الي  بعد بيهم نخوه وشهامه ويساعدون اخوانهم الاجئين.. لهنا الكلام حلو ومرتب..جان يكله يابه  ومن ادليك واجي وياك شكد ينطوك فلوس الي بيهن عشرين بالميه من حلال طيب. هذا اتفاق من البدايه....هنا الولد يكول انصدمت بعد مااعرف شكله...ودون شعور كتله الله كريم وعغته..وظليت افكر صدك   جذب هذا هيج يحجي  يعني  ياخذني  يجدي بيه  ..ههههههههههه لك  هاي  شنو .. ويوم الجمعه اخونا بالله خابر هاي وينك يموعود  وين صرت  مو اني  دا  انتظرك  صارلي ساعه مشتول بالشمس ليش مااجيت  اني غير على مودك  واريد احلك ازمه. هيه مو شفلتك يلا تعال بسرعه لاتتاخر..ويكول هو ابو الراهي عليه..ولا رحتله ولاهم يحزنون.. وكام من يشوفني يدير وجه  وموزعلان الاخ.. اسف طولت عليكم  بس هذا نموذج حي لبعض العراقيين الي كاضيها بهل طريقه  ويحجي على امريكا .ومن سالت على هذا الشخص طلعت ههاي شغلته يودي للجوامع وباخذ 20% وجماله يكول من حلال طيب وهذا اتفاق.. زبده الكلام اخواني  والله الي شفته لكو شغل لليدور ويريد يشتغل. هذا الكلام في شيكاغو ماارف شلون بغير ولايه  حتى لحد يكول هذا شيحجي.. ورحمه لوالديكم  يعني الواحد شجان يشتغل اذا بسوريا لو الاردن  لو لبنان  لومصر هذا اذا لكى شغل اصلا.. ليش من يجي امريكا يريد ((( خبز باب الاغا..حار ومكسب ورخيص))) يريد شغله مابيها تعب ودوامها قليل وراتبها هوايه ومو بعيده.. وين اكو هيج شي عمي.. اسف مره ثانيه اطلت عليكم


                                                                                                                                         ابوحارث