مقارنة بسيطة بين الـ Debit Card and Credit Card

[Schwany]

تحية طيبة

هذه مقارنة بسيطة لبعض خصائص ومميزات بطاقتي الـ Debit Card و الـ  Credit Card اتمنى ان تنفع اللاجئين العراقيين او الاشخاص الذين ينوون على السفر قريبا. الموضوع يحتمل اكثر من هذه المقارنة البسيطة وهناك اختلاف كبير في التفاصيل باختلاف المصارف صاحبة هذه البطاقت ولكن ما ساذكره هو غالبا مفاهيم عامة تساعد على معرفة ماهية وكيفية الحصول على هذه البطاقتين بصورة سليمة تساعد اللاجئ او المقيم الحديث. ارجوا المعذرة ان اخطات في تفصيل او نقطة معينة وارجوا ان ينفع الجميع.

Debit Card

1. غالبا يحتاج الى وجود حساب جاري. ولكن قد يمكن الحصول على بطاقة مشابه تسمى بالـ Prepaid Card  دون فتح حساب جاري. هناك انواع عديدة من البطاقة المدفوعة مسبقا.

2. في معظم البطاقات، البطاقة تستخدم احدى انظمة الدفع الالكتروني VISA or Master Card

3. يمكن استخدام البطاقة للشراء من نقاط البيع التي تشمل المحلات التجارية والمطاعم واي مركز تجاري يقبل نظام البطاقة للدفع (بعض المحلات التجارية الصغيرة قد لا تقبل الا النقد). ويمكن ايضا استخدامه في الشراء من خلال شبكة الانترنيت بواسطة ادخال البيانات وايضا من خلال الهاتف.

4. يمكن استخدامه للايداع او السحب او نقل الاموال من خلال اجهزة الصراف الالي مع احتمال تحمل رسوم معينة في حال استخدام صراف الي غير مملوك للجهة المصدرة او رسوم اضافية في حال استخدامه خارج البلد.

5. في حال استخدام البطاقة في شراء البضائع والخدمات بقدر يتجاوز مبلغ الرصيد الداعم له في الحساب الجاري فيحدث ما يسمى بالـ   Overdraft يؤدي اما الى موافقة المصرف على الدفع من اموالها وتحميل صاحب البطاقة رسوم عالية لعدم كفاية الرصيد او ما يسمى Insufficient Fund  او يؤدي الى رفض الشراء والبطاقة. هناك ادوات حماية تعرضها بعض المصارف تسمى Overdraft protection  او Debit Card Coverage

6. غالبا تعطي المصارف هذه البطاقة بدون رسوم اضافية وتعطيها كوسيلة مرافقة للحساب الجاري ويمكن ربط حساب التوفير بيه ايضا لكي يتمكن صاحب البطاقة من نقل الاموال من حساب التوفير الى الجاري من خلال اجهزة الصراف الالي او معرف حسابه بنفس الطريقة. التسعيرة سياسة مصرف ويمكن تختلف باختلاف المصرف.

7. استخدام هذه البطاقة له فوائد كثيرة منها السهولة والسلامة والامان ولكن لا يساعد على بناء او تحسين التاريخ الائتماني لصاحبه. ولكن الاستخدام الجيد للبطاقة قد يساعد في بناء تاريخ ائتماني جيد مع المصرف الذي قد يؤثر ايجابا على الزبون في الحصول على رعاية خاصة من المصرف في بعض الحالات.
-----------------------------------   

Credit Cards

1. الكردت كارت لا يحتاج لاصداره او الحصول عليه الى وجود حساب جاري او توفير ولكن في حالة الـ Secured Credit Card قد يطلب المصرف فتح الحساب الجاري او التوفير وذلك لايداع مبلغ الضمان المطلوب للحصول على البطاقة. تصدره المصارف وبعض الشركات والمؤسسات المالية الاخرى التي لا تنتظم قانونا كمصرف.

2. معظم المصارف والمؤسسات المالية تصدر بطاقات الكردت كارد من خلال نظامي Master Card and VISA ولكن هناك انظمة اخرى مستقلة للكردت كارت مثل American Express and Discover  التي لديها نظام خاص بها للدفع. شركات فيزا كارت وماستر كارت ليستا صاحبة البطاقة وانما هي الجهة التي تقوم بادارة عمليات الصرف والدفع والتسديد الكترونيا بالنيابة عنى المصارف والمؤسسات المالية او التجارية الاخرى التي فعليا تصدر هذه البطاقة وتضع الشروط على استخدامها.

3. مقبول كوسيلة دفع في معظم عمليات الشراء الا من امتنع عن قبول الكردت كارد.

4. يمكن استخدامه لسحب الاموال نقدا من اجهزة الصراف الالي ولكن برسوم مكلفة جدا.

5. تجاوز الحد الاعلى الممنوح لصاحب البطاقة او ما يسمى الـ Credit Limit  قد يؤدي الى رفض عملية الشراء ولكن ربما يسمح المصرف بتجاوز هذا الحد. التجاوز على سقف الائتمان هو شي سلبي من ناحية التاثير على التصنيف الرقمي للتاريخ الائتماني للشخص او ما يسمى الـ Credit Score. يمكن ايضا استخدام الكردت كارت كحساب داعم لبطاقة الائتمان في حال عدم كفاية الرصيد في الحساب الجاري ولكن يكون مكلفا. افضل شي هو استشارة المصرفي.

6. بعض بطاقات الكردت كارت تكون بدون رسوم سنوية ولكن هناك بطاقات تاتي مع رسوم سنوية قد تبلغ 100 دولار او اكثر. هذا الرسم السنوي لا علاقة له باستخدام البطاقة، بمجرد تفعيله يترتب عليك ما لم تلغ البطاقة كاملا.

ولكن الفرق الاهم هو وجود فائدة سنوية على الارصدة غير المدفوعة للبطاقة. معظم الشركات والمصارف ترسل قائمة بجميع المصروفات خلال فترة شهر لصاحب البطاقة وتعطيه فترة قد تصل الى 21 يوم او اكثر او اقل حسب المصرف لدفع الرصيد كاملا دون اي فائدة مع قبول حد ادنى للدفع لكي يتجنب اعتباره متخلفا عن السداد وبالتالي تحميله غرامة عدم سداد الحد الادنى. ولكن مع عدام السداد الكلي او الجزئي يقوم المصرف بتحميل الفائدة على الرصيد. نسبة الفائدة قد تصل الى حوالي 30% او اكثر. هذه النسبة تقل او ترتفع مع تغير الـ Credit Score  لطالب الحصول على البطاقة. عدم سداد الحد الادنى قد يؤدي ايضا الى زيادة نسبة الفائدة على مصاريف البطاقة من قبل المصرف.

7. ربما يكون افضل طريقة لبناء التاريخ الائتماني وتحسينه او ربما يؤدي الى تدميره اذا لم يحسن استعماله. وسيلة مغرية للصرف وقد يؤدي بك الى الانجراف الى الصرف غير المسؤل لسهولة صرف ما لا تملكه مع وجود هذه البطاقة وبالتالي الغرق في الديون المتراكة.

[*George*]

1. الكردت كارت لا يحتاج لاصداره او الحصول عليه الى وجود حساب جاري او توفير ولكن في حالة الـ Secured Credit Card قد يطلب المصرف فتح الحساب الجاري او التوفير وذلك لايداع مبلغ الضمان المطلوب للحصول على البطاقة. تصدره المصارف وبعض الشركات والمؤسسات المالية الاخرى التي لا تنتظم قانونا كمصرف.
عمي personal banker  على كيفك علينا شوية
اول شي اغاتي العزيز بالنسبة الى تقديم الطلب على الكردت كارد يصاحبه طلب معلومات وملئ ابلكيشن ومن ضمن هذا الابلكيشن هو ما هو عملك الحالي وما هو ايجارك الحالي وما هي الصرفيات الشهرية او الثوابت حسب مصطلحاتنا مثلا اجور كهرباء والانشورنس ومن هذا القبيل وذلك لاحتساب الوارد الكلي واقتطاع الضرائب وبعد ذلك احتساب الصافي هل يكفي تحصيل مبلغ ال 300 دولار البدائية او لا
في حال عدم وجود كفاية من حيث تسديد مبلغ ال 300 دولار شهريا لا يتم الموافقة على اصدار الكردت بنسبة 50 بالمية مع العلم ان البنك يستقطع مبلغ ال 300 دولار اساسا من حسابك الجاري مقدما
ارجو التأكد من معلوماتك مرة ثانية واشكر توصيلك المعلومة وان كان بها خطأ بسيط لكن عاشت ايدك يا وردة
جورج

[gustavo]

اب للفائدة ..
حجي جورج اشلونها الامور؟
على كيفك ويه الولد..خخخخخخخ.
 اذا اكو بعض النقاط ومنكم نستفيد .
واحدنا يكمل الاخر اهنا. والخير للجميع .
تحياتي واشواقي.

[مغترب بلا وطن]

مواضيع الكردت بالمنتدى اكبر من ان تحصى

بس رفيقي انت نسيت اهم فقرة وهيه

الديبت كارت هيه فلوسك انت وتصرف بيها براحتك

الكردت كارت هيه فلوس المصرف الي تاخذها منه بالدين

[Dollar]

مواضيع الكردت بالمنتدى اكبر من ان تحصى

بس رفيقي انت نسيت اهم فقرة وهيه

الديبت كارت هيه فلوسك انت وتصرف بيها براحتك

الكردت كارت هيه فلوس المصرف الي تاخذها منه بالدين

والله وردة مغترب بلا وطن

يعني بكلمتين ما اتجاوز السطر كدرت تنطي مفهوم واضح وشامليخلي القاري يفتهم ويعرف الفرق. بس كلي اذا الكريدت كارت هو دين تاخذه من المصرف فـ
1- على اي اساس ينطوك فلوس دين و انت ما عندك حساب يمهم؟
2- والدين هذا اله سقف او مبلغ محدد ما يمكن ان يتجاوزوه؟ لو مفتوح الاف الدولارات؟
3-وهذا الدين لازم خلال اشكد اتوفيه؟
4-واذا ما وفيته شنو يصير؟
5- واني اصلا ليش راح  اسوي كريدت كارت واخذ دين من بنك او غيره اذا اني اصلا عندي حساب مصرفي و اكدر اسحب من حسابي و اصرف ولا دين ولا هم يحزنون

شكرا لصاحب الموضوع بس حظرتك دتطرح المعلومات بشكل غير ممنهج ولا تسلسلي ( يعني بيه تفاصيل لامور هيه اصلا هايه الامور مو واضحه شنو مفهومه) بحيث الي يقرا يشوف ويحس اكو معلومات قيمه بس ما يستفاد من الي يقراه كلشي لان صايره هوسه وتسفيط معلومات مبعثرة.

مثال واحد من هوايه نقاط غير واضحه مطروحه:  انت تكول   الكردت كارت لا يحتاج لاصداره او الحصول عليه الى وجود حساب جاري او توفير!!!
لعد منين يندفع الفلوس اذا ماكو اليه حساب يم الجهة الي تصدر الكردت كارت؟ منين يجيبون فلوس و يدفعون من جيب الخلفوهم  هيج سبيل يعني؟ لو همه اصلا من ينطون كردت كارت يخلوك تدفع فلوس قيمة الكارت؟ لو شنو

تحياتي

Dollar

[mosul87]

شكرا اخي العزيز على الموضوع المفيد و المهم

بالنسبة للكريدت اتمنى تنزل موضوع شامل و مفصل
كيفية فتح كريدت و شلون فترة التسديد
و شنو هي المخاطر اللي نتجنبها يعني بشكل مفصل قدر الامكان
و اتمنى تربطلنا موضوع الكريدت سكور لان الا علاقة بالموضوع
و كيفية رفع السكور باسرع وقت و شكرا

[*George*]

شكرا اخي العزيز على الموضوع المفيد و المهم

بالنسبة للكريدت اتمنى تنزل موضوع شامل و مفصل
كيفية فتح كريدت و شلون فترة التسديد
و شنو هي المخاطر اللي نتجنبها يعني بشكل مفصل قدر الامكان
و اتمنى تربطلنا موضوع الكريدت سكور لان الا علاقة بالموضوع
و كيفية رفع السكور باسرع وقت و شكرا

اخي العزيز
حضرلك كلاصين جاي عراقي مضبوط ابو الهيل وراها ادخل اقرا هذا الموضوع
http://www.ankawa.com/forum/index.php/topic,605282.0.html

[Schwany]

1. الكردت كارت لا يحتاج لاصداره او الحصول عليه الى وجود حساب جاري او توفير ولكن في حالة الـ Secured Credit Card قد يطلب المصرف فتح الحساب الجاري او التوفير وذلك لايداع مبلغ الضمان المطلوب للحصول على البطاقة. تصدره المصارف وبعض الشركات والمؤسسات المالية الاخرى التي لا تنتظم قانونا كمصرف.
عمي personal banker  على كيفك علينا شوية
اول شي اغاتي العزيز بالنسبة الى تقديم الطلب على الكردت كارد يصاحبه طلب معلومات وملئ ابلكيشن ومن ضمن هذا الابلكيشن هو ما هو عملك الحالي وما هو ايجارك الحالي وما هي الصرفيات الشهرية او الثوابت حسب مصطلحاتنا مثلا اجور كهرباء والانشورنس ومن هذا القبيل وذلك لاحتساب الوارد الكلي واقتطاع الضرائب وبعد ذلك احتساب الصافي هل يكفي تحصيل مبلغ ال 300 دولار البدائية او لا
في حال عدم وجود كفاية من حيث تسديد مبلغ ال 300 دولار شهريا لا يتم الموافقة على اصدار الكردت بنسبة 50 بالمية مع العلم ان البنك يستقطع مبلغ ال 300 دولار اساسا من حسابك الجاري مقدما
ارجو التأكد من معلوماتك مرة ثانية واشكر توصيلك المعلومة وان كان بها خطأ بسيط لكن عاشت ايدك يا وردة
جورج

اني اولا مو عمك. اخترت لنفسي لقب موجود في اعلى الصفحة. غابة الاحترام لنفسك ولي ان تناديني باسمي المعروف لديك الذي هو لقبي او كنيتي بهذا المنتدى. وثانيا اني ما جاي ادفعك او ارميك بحجر حتى تكلي على كيفك. اني كتبت كلمات للجيمع وانت حر في ان تقراه ام لاء.

ثانيا. كلامك فيه تفاصيل صحيحة بخصوص بعض الاجراءات التي تتضمنها طلب الكردت كارت. ولكن ما علاقة هذا بي؟ اني مهدت لنقاطي بمعلومة وهي اني لم اغط كل شي. قصدي كان اظهار بعض اوجه الشبة والاختلاف بين البطاقتين وادراج بعض المعلومات التي تساعد على فهم البطاقتين بصورة عامة. لم ادع باني ساغطي جميع ما يعنيه الكردت كارد او الدبت كارت. قلت ان الدبت كاردت مرتبط بحساب جاري لان مثل ما قال السيد مغترب بلا وطن هو مالك والكردت كارد ما يتطلب لان كما قال السيد مغترب بلا وطن هو مو مالي بل هو دين. فهل احتاج الى ان اقول الذي كتبته انت حتى يفهم القاري قصدي؟ لا اعتقد ذلك.

واخيرا انا ايضا مو وردة. ولا تحتاج ان تمدحني على ما كتبت. ربما فعلت كلما افعل لارضي غروري الذاتي بان احسن انه عندي معلومات ومجرد رؤية عدد القراء يشبع هذا الغرور. الشكر والذم ما راح ياثر علي بشي.

تقبل احترامي وتقديري لشخصك الكريم

[steven_siv]

مقارنة اخرى احب اضيفها وهواي دا ينسوها
الكردت كارت تهجم بيتك اذا ماعندك شغل ثابت
بينما الدبت كارت حتى لو ماعندك شغل فعادي

[Schwany]

مواضيع الكردت بالمنتدى اكبر من ان تحصى

بس رفيقي انت نسيت اهم فقرة وهيه

الديبت كارت هيه فلوسك انت وتصرف بيها براحتك

الكردت كارت هيه فلوس المصرف الي تاخذها منه بالدين

والله وردة مغترب بلا وطن

يعني بكلمتين ما اتجاوز السطر كدرت تنطي مفهوم واضح وشامليخلي القاري يفتهم ويعرف الفرق. بس كلي اذا الكريدت كارت هو دين تاخذه من المصرف فـ
1- على اي اساس ينطوك فلوس دين و انت ما عندك حساب يمهم؟
2- والدين هذا اله سقف او مبلغ محدد ما يمكن ان يتجاوزوه؟ لو مفتوح الاف الدولارات؟
3-وهذا الدين لازم خلال اشكد اتوفيه؟
4-واذا ما وفيته شنو يصير؟
5- واني اصلا ليش راح  اسوي كريدت كارت واخذ دين من بنك او غيره اذا اني اصلا عندي حساب مصرفي و اكدر اسحب من حسابي و اصرف ولا دين ولا هم يحزنون

شكرا لصاحب الموضوع بس حظرتك دتطرح المعلومات بشكل غير ممنهج ولا تسلسلي ( يعني بيه تفاصيل لامور هيه اصلا هايه الامور مو واضحه شنو مفهومه) بحيث الي يقرا يشوف ويحس اكو معلومات قيمه بس ما يستفاد من الي يقراه كلشي لان صايره هوسه وتسفيط معلومات مبعثرة.

مثال واحد من هوايه نقاط غير واضحه مطروحه:  انت تكول   الكردت كارت لا يحتاج لاصداره او الحصول عليه الى وجود حساب جاري او توفير!!!
لعد منين يندفع الفلوس اذا ماكو اليه حساب يم الجهة الي تصدر الكردت كارت؟ منين يجيبون فلوس و يدفعون من جيب الخلفوهم  هيج سبيل يعني؟ لو همه اصلا من ينطون كردت كارت يخلوك تدفع فلوس قيمة الكارت؟ لو شنو

تحياتي

Dollar

السيد الكريم

انت بكلمتين ما يتجاوز السطرين اخذت المفهوم الكامل والشامل وافتهمت الفرق فلماذا تهتم لبقية الكلام الذي انا طرحته باسلوب غير ممنهج ومتسلسل؟ 

عموما، مستويات ادراك الناس تختلف والظاهر انه مستواي يختلف تماما عن مستوى تفكيرك وادراكك لذلك عجزت عن ان اطرح لك الامور بشكل واضح وسهل حتى اكدر على الاقل اوصلك النقطة الاولى (التي وضحها السيد مغترب بلا وطن مشكورا) وننتقل الى النقطة الثانية. اعتذر كتابتي لم تكن مناسبة لك ولم تكن تستهدفك.

[Schwany]

مواضيع الكردت بالمنتدى اكبر من ان تحصى

بس رفيقي انت نسيت اهم فقرة وهيه

الديبت كارت هيه فلوسك انت وتصرف بيها براحتك

الكردت كارت هيه فلوس المصرف الي تاخذها منه بالدين

سيدي الكريم

شكرا لان حضرتك انتبهت الى هذا الغلط او الخطا الذي ارتكتبته. جل من لا يخطأ او ينسى.

وكلامك صحيح، مواضيع الكردت كارد لا تحصى بهذا المنتدى. ولكن كنت اتمنى ان ينتبه احد القراء الكرام من الاعضاء القدامى في هذا المنتدى الى مقال اعجبني حقا باسلوبه الممتع والسهل وروح المزاح في شرح كيف تسوي فيزا كارت الذي قرا لغاية الان اكثر من 2200 مرة. مع كل احترامي لكاتب المقالة ولكن لم يعلق احد على تعريف الاخ كاتب المقالة للفيزا كارت حين قال في اول سطرين ما يلي: اكثركم يتسائل شلون نسوي فيزا كارد احنا اللي نسميه ديبت كارد ...[/color

هل الدبت كارت هو فيزا كارت؟ هل كل فيزا كارت هو دبت كارت؟ وهل كل دبت كارت هو فيزا؟

الظاهر حضرتك عندك معرف وعلم واسع بجميع المجالات بما فيها هذا المجال الذي جعلك تنتبه الى انني نسيت فقرة جوهرية ولكن استغربت حين لم اجد لك تعليقا على الفرق بين الفيزا كارت والدبت كارت. ربما انا مخطا مجددا فربما لم تقرا تلك المقالة. تقبل اعتذاري.

[لاچع]

شكرا عزيزي على هالمعلومات الحلوه, الله يوفقك يا ذهب.

اخوك
سيف

[Dollar]

المعلومات غير دقيقة ومهلهلة وطريقة عرضها غير مهني
هو مو بس تسفيط حجي
و الموضوع مو كلام مال واحد يعتمد عليه ولا مال واحد يشتغل بانكر بمصرف بصراحه. هو  قابل كلمن اشتغل اي شغله بمصرف صار بانكر؟     
مو تزعل 
 

[eng ali]

اخي العزيز صاحب الموضوع جهد تشكر عليه وربي يوفقك

[مغترب بلا وطن]

1- على اي اساس ينطوك فلوس دين و انت ما عندك حساب يمهم؟

على اساس تعاملك المادي السابق مع المؤسسات المالية الامريكية او ما يسموهم بال Creditors ومايسموهم بالعربي ( المرابين )
 
2- والدين هذا اله سقف او مبلغ محدد ما يمكن ان يتجاوزوه؟ لو مفتوح الاف الدولارات؟

اله سقف طبعا وما يمكن ان تتجاوزه او بالاحرى والافضل ما يمكن ان تتجاوز 30 بالمية من قيمه ذلك السقف, المرابي هو الي يحدد هذا السقف تبعا لمعيار يعرف ب Credit worthiness

3-وهذا الدين لازم خلال اشكد اتوفيه؟

تعتمد على الاتفاقية بينك وبين ال Creditor ( المرابي ) بعض المرابين يطلبون التسديد ب 25 يوم وبعضهم 30 يوم.

4-واذا ما وفيته شنو يصير؟

تدخل مرحله الفائده Interest  وتدخل المرحله الحقيقيه لل(ربا) وتبدي تدفع الفائده المتفق عليها بينك وبين المرابي سلفا , مسامع ابو جهل بفلم الرساله من يكول ( ان الربا يتضاعف يتضاعف   )
 
5- واني اصلا ليش راح  اسوي كريدت كارت واخذ دين من بنك او غيره اذا اني اصلا عندي حساب مصرفي و اكدر اسحب من حسابي و اصرف ولا دين ولا هم يحزنون

لان اميركا ALL ABOUT CREDIT , اعكس سؤالك وراح تعرف الجواب.


مثال واحد من هوايه نقاط غير واضحه مطروحه:  انت تكول   الكردت كارت لا يحتاج لاصداره او الحصول عليه الى وجود حساب جاري او توفير!!!
لعد منين يندفع الفلوس اذا ماكو اليه حساب يم الجهة الي تصدر الكردت كارت؟ منين يجيبون فلوس و يدفعون من جيب الخلفوهم   هيج سبيل يعني؟ لو همه اصلا من ينطون كردت كارت يخلوك تدفع فلوس قيمة الكارت؟

كلام صاحب الموضوع صحيح , المرابي ما يشترط وجود حساب مصرفي معه بل يتم النظر الى تعاملك السابق مع بقيه المرابين , وجود مليون دولار في حسابك غير مهم اذا كنت غير مهتم بتسديد الديون المترتبه عليك مسبقا , ممكن بليله وحدة بلاس فيغاس تروح هاي المليون دولار ادراج الرياح   بس يبقى المهم التزامك المالي مع المرابين. اني عندي حساب مصرفي واحد فقط , هذا المصرف ماعندي وياه كردت كارت وانما عندي 7 كردت كارت ويه غير مصارف  

[مغترب بلا وطن]

مواضيع الكردت بالمنتدى اكبر من ان تحصى

بس رفيقي انت نسيت اهم فقرة وهيه

الديبت كارت هيه فلوسك انت وتصرف بيها براحتك

الكردت كارت هيه فلوس المصرف الي تاخذها منه بالدين

سيدي الكريم

شكرا لان حضرتك انتبهت الى هذا الغلط او الخطا الذي ارتكتبته. جل من لا يخطأ او ينسى.

وكلامك صحيح، مواضيع الكردت كارد لا تحصى بهذا المنتدى. ولكن كنت اتمنى ان ينتبه احد القراء الكرام من الاعضاء القدامى في هذا المنتدى الى مقال اعجبني حقا باسلوبه الممتع والسهل وروح المزاح في شرح كيف تسوي فيزا كارت الذي قرا لغاية الان اكثر من 2200 مرة. مع كل احترامي لكاتب المقالة ولكن لم يعلق احد على تعريف الاخ كاتب المقالة للفيزا كارت حين قال في اول سطرين ما يلي: اكثركم يتسائل شلون نسوي فيزا كارد احنا اللي نسميه ديبت كارد ...[/color

هل الدبت كارت هو فيزا كارت؟ هل كل فيزا كارت هو دبت كارت؟ وهل كل دبت كارت هو فيزا؟

الظاهر حضرتك عندك معرف وعلم واسع بجميع المجالات بما فيها هذا المجال الذي جعلك تنتبه الى انني نسيت فقرة جوهرية ولكن استغربت حين لم اجد لك تعليقا على الفرق بين الفيزا كارت والدبت كارت. ربما انا مخطا مجددا فربما لم تقرا تلك المقالة. تقبل اعتذاري.

صدكني اني مو من ال 2200 , دخولي للمنتدى كلش قليل والموضوع الي يصير كبالي اجاوب عليه

[Sound of Soul]

موضوع يستحق الثناء عاشت ايدك اخونا الكريم
سيتم نقله الى اهم مواضيع المنتدى
تحياتي
ساوند .