اخواني شنو الموضوع اشو خابروني على اعادة مقابلة ثانية

[EOD MAN]

السلام عليكم
كل عام و انتو بالف خير و يارب تحقيق الاماني و السفر القريب لكل المنتضرين
قبل ساعة اتصلو بيه من عمان و بلغتني الموضفة انه عندي اعادة مقابلة محلفين بالايام الجاية مع انه اني مقابل محلفين ( بغداد ) قبل 6 اشهر و ما انطوني النتيجة لحد الان و استفسرت من الموضفة الي خابرتني ليش يعيدوهه كالت اكو اشياء عنك لازم تقابل حتى يعرفوهه ( اشو بالمقابلة ماكو شي ماعرفوه عني حتى اكو اشياء اني ما اعرفهه عني هم يعرفوهه ) 
اخواني و خواتي صدك هذا الاتصال ارعبني لان بصراحة ماسامع اعادة للمقابلة من قبل و اذا اكو احد يكدر يفيدني بالموضوع اكون شاكر و ممنون منه . انتضر ردودكم اخواني

[EOD MAN]

و النعم بالله اخ rawaan بس و الله العظيم لو تشوف التحقيق الي سووه وياي بالمقابلة و شصار بيه من قلق لحد ماطلعت بيومهه جان عذرتني على تخوفي من الموضوع و اني الوحيد بيوم المقابلة صارت مقابلتي 3 اقسام من ال9 الصبح لل 4 العصر و المشكلة اكول للمحلفة يابة اكو تواريخ اني مرات انساهه بحكم العيشة بهيج بلد تكولي لا ماكو واحد بالعالم ينسى التواريخ بحياته . اكلكم الحجي بيناتنه اني قلقت

[فارس العراق 90]

اخي العزيز مجنت ماخذ موافقه شلون هنا بعمان ايسموه  قيد الدراسه تعليق يعني ممتخذ بيك قرار المحلف فسولك اعاده محلفين مرات متعيد تجيك موافقه راسا ومرات اتعيد حسب وضعيه الكيس
بتوفيق انشاء الله

[desertrose235]

يعني عادي اتصير تره ، احتمال اكو فد شي مفتهموه، احتمال نسو يسالوك عله اون بردات البيت 
اتوكل عله الله ولا تفكر فلها مدبر
الي كاتبه رب العالمين انشوفه لتحير وتخاف لان الي بيه الخير رب العالمين يقدملكياه وان شاء الله ماكو غير الخير

[ابن واسط]

العزيز رحم الله والديك انا همات عندي اعادة محلفين بس ما اتصلو بية يمكن علا الجايات

[mustafa ahmad]

اخي العزيز مجنت ماخذ موافقه شلون هنا بعمان ايسموه  قيد الدراسه تعليق يعني ممتخذ بيك قرار المحلف فسولك اعاده محلفين مرات متعيد تجيك موافقه راسا ومرات اتعيد حسب وضعيه الكيس
بتوفيق انشاء الله

كلام صحيح ميه بالميه
لتخاف اخويه ضبط تواريخك وقصتك وتوكل على الله

[ابن واسط]

يعني عادي اتصير تره ، احتمال اكو فد شي مفتهموه، احتمال نسو يسالوك عله اون بردات البيت 
اتوكل عله الله ولا تفكر فلها مدبر
الي كاتبه رب العالمين انشوفه لتحير وتخاف لان الي بيه الخير رب العالمين يقدملكياه وان شاء الله ماكو غير الخير

يعني انا والله نفس حالة الاخ من 10 الا 4 عصرا بس اريد اسال الاخ ابو الموضوع كان حال المقابلة ثانية بالبروسس يعني فعال لو شنو؟

[EOD MAN]

اخواني صدك ردودكم طمنتني و الله يطمنكم دنيا و اخرة بس و الله اتخبل من شغلت الاسئلة و الاجوبة و خاف ذوله يردون يوكعون الواحد بالحجي و يطلعوه جذاب و يدرون احنة العراقيين منحفظ تواريخ مال الاحداث تسلمولي على ردودكم . و بالنسبة للموقع مدايشتغل عندي و هم بعد احسن .

[THE DIPLOMAT]

عيني أبو الموضوع ...
أولا لا تقلق و أذهب للمقابلة هادئ و حاول تتذكر التواريخ و إذا نسيت تاريخ ترى عادى قول انك نسيت التاريخ .
محد بقدر يطلعك كذاب ألا اذا انت حشاك طبعا كذاب ..
مدام انتة صادق وياهم أمورك اوكي ...
بس قلي , ليش طولت مقابلتك هيجي ؟

[EOD MAN]

اخي العزيز بالنسبة للي يكذب صدكني مراح يخاف من اي مقابلة هههههههههههه . و بالنسبة للمقابلة مالتي ماصارت 7 ساعات جرة وحدة بس اخذو البصمات بالبداية اول ما دخلت و وراهه بشويه دخلت للمحلفة و ظليت تقريبا ساعة و نص و وراهه طلعت انتضرت ساعة و هم صاحولي دخلت بغير غرفة و قابلتني غير بنية و صارت مقابلتهه بخصوص شي واحد يعني ما سالت على غير شي و هم طولت يمكن نص ساعة يعني كسر بجمع 4 ساعات ...

[THE DIPLOMAT]

اخي العزيز بالنسبة للي يكذب صدكني مراح يخاف من اي مقابلة هههههههههههه . و بالنسبة للمقابلة مالتي ماصارت 7 ساعات جرة وحدة بس اخذو البصمات بالبداية اول ما دخلت و وراهه بشويه دخلت للمحلفة و ظليت تقريبا ساعة و نص و وراهه طلعت انتضرت ساعة و هم صاحولي دخلت بغير غرفة و قابلتني غير بنية و صارت مقابلتهه بخصوص شي واحد يعني ما سالت على غير شي و هم طولت يمكن نص ساعة يعني كسر بجمع 4 ساعات ...

شنو الأسئلة غالبيتها كانت عن شنو ؟؟؟

تحياتي

[EOD MAN]

التهديد و سبب اللجوء لاميركا

[THE DIPLOMAT]

التهديد و سبب اللجوء لاميركا

شكرا عيني و اتمنالك الموفقية

تحياتي