منع الدخول الى الاردن وموضوع الغرامات

[الدفان]

اخواني العين كاويين عيدكم مبارك وكل عام وانت بالف خير وعساكم من عواده اخوان عندي سؤالين واتمنى من الاخوان واصحاب الخبره يجاوبوني حتى تعم الفائده عالجميع ايضا
السؤال الاول
اذا شخص بعمان متجاوز وعليه غرامات هوايه ويريد يرجع للعراق بدون دفع الغرامات كم مده المنع واذا حول ملفه من اي او ام عمان الى بغداد وبعدين طلعله سفر بغداد يسافر عادي اقصد من يطير ترانزيت الى عمان اوكي ماكو مشكله يدخل لو لا

السؤال الثاني
هل هناك اخبار فيما اذا احد سمع بعفو عن غرامات التجاوز للعراقيين بمناسبة العيد لو لا


وشكرا الكم مقدما

[مهاجرين بلا حدود]

عيوني الدفان حسب القانون بانه الابعاد 5 سنين ..وشغلة السفر من بغداد بعد المنع تكدر تسال بيها منظمة IOM كيفية تنسيق السفر عند دخولك الاردن بعد المنع واكثر احتمال تنزل بالمطار ولا تستطيع مغادرته ..ان شاءالله تكون اجابة وافية

تحياتي

[ــــ{{{ABADY}}}ـــــ]

تفوت بس ما تطلع من المطار

[حيدر الكرادي]

اخويه هسه القرار الجديد  صار عادي ادك مغادره  ميدكولك منع وتكدر تقدم فيزه من جديد بس من ترجع شكد عليك غرامات بالحدود تدفعهه تحياتي الك

[الدفان]

شكرا الكم اخوان على جميع الردود وجزاك الله خيرا
حبيبي حيدر الكرادي انت متاكد من هذا الشي لانوا اني قبل كم شهر رحت اشوف شكدعليه اني وعائلتي غرامات وما جان اكو هيج شي ارجو الشرح اكثر اذا امكن

وشكرا الكم مره ثانيه

[السهل الممتنع]

بخصوص وجودك بعمان وعليك غرامات الموضوع المتبع تذهب لوزارة الداخلية وتقدم على خروج وعودة وعند الموافقة لان المعاملة تأخذ أسبوعين يتم فيها التأكيد عدم وجود عليك ( مشكلة ) ويتم إعفائك من الغرامات ويسمح لك من تاريخ المغادرة التواجد بالعراق لمدة لا تزيد عن شهرين وقبل الشهرين يمكن أن تعود لان كتاب المعاملة يعتبر فيزا وبعدها تأخذ إقامة موقتة تبدأ بشهر وتنتهي بتسع أشهر بتقديم أوراق للعلاج اما في عدم السفر فالعراقيين معفيين من الغرامات ما قبل تاريخ 6 /2011 وبعد هذا التاريخ عليه الشهر ب 45 دينار للفرد وعند سفرك عن طريق الامم المتحدة او الهجرة في المطار يتم تخييرك اما الدفع في لحظة السفر او تاجلها لوقت اخر مثلا بعد العودة بالمستقبل واي شخص عليه منع سوى كان خارج العراق يمكن تقديم له معاملة تدعى عودة ابعاد لكن لابد من دفع غرامات ويمكن ان تخفض الغرامات بطلب استرحام من وزير الداخلية الاردنية  لكن الأمم المتحدة راح تعتمد ختم الجواز وتوقف عنك كل المساعدات باستثناء ما تم التوصل فيه من خطوات في ملفك أما باقي استفساراتك لا علمي بها الله يوفقك

[حيدر الكرادي]

شكرا الكم اخوان على جميع الردود وجزاك الله خيرا
حبيبي حيدر الكرادي انت متاكد من هذا الشي لانوا اني قبل كم شهر رحت اشوف شكدعليه اني وعائلتي غرامات وما جان اكو هيج شي ارجو الشرح اكثر اذا امكن

وشكرا الكم مره ثانيه

 اخويه العزيز اليوم اني وصاحبي رحنه وهوه  ختم مغادره وهيج كلوله واستفسرنه على كلشي وهذا الجديد الصاير وتكدر تروح وتتاكد بنفسك تحباتي الك

[الدفان]

تسلم حبيبي حيدر الكرادي ولو تعبتك اني بس ممكن تكولي وين رحتوا ختم مغادره اقصد الوزارة الداخليه نفسها لو للاقامه والحدود الي بتلال علي

وشكررررررررررررررراااااااااااااا

[كوكي 2004]

اخويه الدفان
التعليمات الجديدة بعد ماكو شي اسمه يختمولك منع بالحدود يعني الأبعاد بسبب الغرامات
هسه بالوقت الحاضر الشخص الي ميدفع الغرامات الي مترتبة عليه يرجعوا من الحدود الأردنية لعمان حتى يدفع كل المبلغ المترتب عليه يله يخلو يغادر الأردن
وهاي صارت ويه ناس اصدقاء النه والله رجعوهم من الحدود الأردنية علمود يدفعون الغرامات بعمان

وللأحسن وحتى تطمأن اكثر حضرتك روح بنفسك للأقامة والحدود بتلاع العلي واسألهم واسمع الجواب بنفسك



         تحياتي وبالتوفيق يارب

[حيدر الكرادي]

لا اخويه بخلدا رحنه اليوم الاقامه والحدود وانته تامرني اني حاضر