تعالو شوفو المهزله مال DHL لعبو بيه طوبه

[Torture Killer]

السلام عليكم

بعد انتظار 16 شهر اجاني ايميل يكول طلعت الفيزا مالتك روح استلمها من مكتب DHL وهذا جان يوم الخميس خابرتهم كالو لا ما اجانه شي خابرنه السبت وهم خابرتهم السبت كالو لا ماكو شي خابرنه الاربعاء ورا العيد نفتح وطبعا خابرتهم اليوم كالو لا يابه السبت انفتح انت متوهم كتله للي جاوبني يمعود هاي لازم ادزها قبل 25 على مود البنفت والسبت تره 25 كلي اي هذا الحجي احجي ويا السفاره مو ويايه وسد التلفون بوجهي

هسه فهموني شسوي

[رافت العراقي]

 الله لا يوفقهم شلون مكاتب تعبانه حتى اسلوب ماعدهم

 اكيد ذوله مكتب  فندق فلسطين ,,,,, ما عدهم اسلوب ومخربطين

[jack_of_arabia]

السّلام عليكم .... أخي العزيز Torture Killer اذا كنت مقدم اصلاً على البنفت وداز استمارات الحصول على البنفت ومحصل IZ Number قبل إصدار الفيزا فيمكنك إرسال الفيزا خلال فترة ال 3 اشهر (مدة الفيزا) , اما اذا كنت ما مقدم اصلاً فيجب عليك إرسال الفيزا خلال 10 ايام من صدورها ... تحياتي . جاك

[محارب]

مكتب فندق فلسطين
اسوء مكتب
هاي سوالفهم
لاحول ولاقوة الا بالله
اتصل بجماعة البنفت واسألهم

[ابن الحله]

ابت الحقاره ان تفارق اهلها
يعني ليش هيج يسون قبل فتره اسلمت طرد منهم ومن خابرني جان ابد مو ادمي تعال هسه لو نتلف الطرد و اني هم ماقصرت كتله مد ايدك عليه وشوف اله اكسرلكياه بكيفك بس هو مو صوجك..من شافني عصبي كال اخي تعال استلم الطرد مالتك وسكت كتله يصير خير و سد التلفون.
ابد مو اوادم
حسبي الله و نهم االوكيل بيهم غير احنه مسويلهم سوك

[THE DIPLOMAT]

شلون ميستحون ....هاي بعض العراقيين حتى إسلوب ما عدهم !
روح عليهم و تفاهم وياهم مو بالتلفون ....

[أبو أياد]

السلام عليكم

بعد انتظار 16 شهر اجاني ايميل يكول طلعت الفيزا مالتك روح استلمها من مكتب DHL وهذا جان يوم الخميس خابرتهم كالو لا ما اجانه شي خابرنه السبت وهم خابرتهم السبت كالو لا ماكو شي خابرنه الاربعاء ورا العيد نفتح وطبعا خابرتهم اليوم كالو لا يابه السبت انفتح انت متوهم كتله للي جاوبني يمعود هاي لازم ادزها قبل 25 على مود البنفت والسبت تره 25 كلي اي هذا الحجي احجي ويا السفاره مو ويايه وسد التلفون بوجهي

هسه فهموني شسوي

السلام عليكم أخي
اني العام الماضي لمن رجعولي الجوازات بدون الفيزا من السفارة

دزولي رقم الايربل ورحت المكتب فلسطين بعد ما دزولي مسج من تلفون الموظف بفلسطين اقصد ابو الدي اج ال فدور وكلي ما دازين اي رسالة وجوازاتك ماكو فتصور اني راسا كتلة لعد منو دزلي رسالة خلي اخابر عليه فدك التلفون بجيبه وراه الافندي كام ودور 3 ظروف لكاهن احد الظروف فموجودة اخي بس الاحتمال الاكثر دزوهن باسم زوجتك او احد اطفالك  يعني ما اعرف شلون اغبياء وتصور وقاحته لهذا الموظف يفتح الظروف علمود يشوف الجوازات وراها يكلي لعد وين التاشيرة ما اعرف شنو ها الموظفين الفضوليين والاغبياء شلون شغلوهم بهيج شغلة  

[F-18]

اخوية لتضوج انت اذا داز اوراق البنفتس قبل متطلع الفيزا فماكو مشكلة واذا مدازها دزها خلال اول عشرة ايام من تاريخ صدور الفيزا لان هية مالها علاقة اله تستلم الفيزا بايدك__ لا مدام عرفت شوكت صدرت الفيزا لازم هاي الاوراق تدزها خلال اول عشرة ايام والك مجال تدز الفيزا الى NVC قبل عشرة ايام من انتهاؤ الصلاحية يعني بين قوسين الفيزا شوكت متستلمها استلمها مو مشكلة اهو شي اوراق البنفتس

[الفرج2]

السّلام عليكم .... أخي العزيز Torture Killer اذا كنت مقدم اصلاً على البنفت وداز استمارات الحصول على البنفت ومحصل IZ Number قبل إصدار الفيزا فيمكنك إرسال الفيزا خلال فترة ال 3 اشهر (مدة الفيزا) , اما اذا كنت ما مقدم اصلاً فيجب عليك إرسال الفيزا خلال 10 ايام من صدورها ... تحياتي . جاك

كلام مضبوط ميه بالميه

[kunda]

turture killer انت على دي اج ال اربيل اذا مو غلطان مو؟
اولا خليها بعلمك انه احقر ناس واكثرهم حقدا على كلمن يستلم فيزا همه جماعة الدي اج ال ومااعرف ليش؟؟(حشا الزينين منهم)
ثانيا جماعة مكتب اربيل مصيبة سودة اتذكر اني بالعركات يالله اخذت جوازاتي منهم وبسبب اهمال وحقارة الموظفين مالتهم جانوا محضريها للتلف  مال مخازن مالتهم وطلعنا الباكجات مال العالم كلها جانت مشمرة بالكًاع ومحضريها للذب والناس اتدوس عليها وليهسه جوازي بالذات معقج شوية على الرغم من انه الباكج تنحفظ بطريقة جيدة  .
عندك صاحبي مااخذ جوازاتة منهم الا بالمحاكم والشكاوي والتهديدات وبسببه انفصل واحد من موظفيهم الي تضارب بوكسات هو وصاحبي اباب المكتب لانه كًالة طز بيك وبجوازك وبامريكا مالتك بس بيهم ولد كلش حباب وابن اوادم  وهو اللي ساعدني بوقتها بس ان شالله يكون بعدة موجود لانه هو همين siv .
ملاحظة: مكتب الdhl ماعدهم غير كيات اثنين للمحافظات وحدة للبصرة والثانية اربيل ومن يعطلن يدزون الباكجات بايد السواق الغربة من كًراج العلاوي ., هالمعلومة عرفتها منهم بوقتها.
انت اول شي تابع الباكج مالتك اونلاين عبر التراكنك نمبر وتأكد انها واصلة اربيل اول شي .

[steven_siv]

تنتظر واللة كريم
واذا عندك حاجة يمة كلة عمي 

[Torture Killer]

السلام عليكم

اشكركم اخوان على تعاطفكم وبالفعل اني مقدم عالبنفت من زمان يمكن قبل سنه وصحيح انطوني iz# ومثل ما كلتو عندي مجال هوايه ادز الفيزا وهيج انحلت مشكلتي

بس اتخيلو لو نفس الموقف بس اني ما مقدم اصلا وضاع عليه البنفت من ورا اهمال اشخاص ومع الاسف اكو ناس لاموني على موضوعي الي انمسح والكل اعتبروني خائن من ورا والكل كالو العراق زين وناسه بعد احسن
وين النخوه والغيره التحجون بيها اذا جواز اخوك العراقي امانه يمك وتعرف حياته كلها معتمده عليك وتتعمد تهمله لو تضيعه لو مثل ما كال اخويه كوندا يريدون يتلفوهن ويضيعوهن وبهذا المثال تنطبق نظرية ( افكس عيني حتى تعمي صاحبي )

[ABO SARAH]

السلام عليكم


توبة بعد DHL  اني مجرب FedX بره وخدمتهم تخبل بالعراق ما ادري بس ان شاء الله اجربهم على الفحص القادم.


ابو سارة

[مرسي الزناتي]

و الله انعل والد والديهم اني يحجي وياي هيج احرك والدك والديه هذوله قشامر الواحد ينتظر الفيزه بفارق الصبر هلنوب يجي ابو DHL يفيك بروسنا

امانه بركبتك لمن تروح و تستلم جوازك ترزله رزاله غسل و لبس و اذا انت بغداد اني اجي وياك و الله اطلع حركه SIV بيهم

[عبق الورد]

هاي فوك قهر الانتظار وواحد ميصدك تصدر فيزته انوب يجون هل شكولات يفيكون بروسنه
اووووووووووووووووووووووووووووووووووف

[اسطنبولي]

والله عيب عليهم هيجي اي سوون اني منك اروح عليهم ع المكتب والعب بيهم طوبه والله 

[محارب]

دي اج ال فندق فلسطين دزيت من يمهم الفحص للسفاره وتندمت لان مو مكان مال خدمه مال اوادم لا تبريد لانظافه لاترتيب
بي اني كنت مسوي الظروف مال الجوازات من مكتب شارع فلسطين اللي مقابل الجامعه
كلش خوش مكتب ومرتب والموظف ابن اوادم
ومن رحت دا استلم الفيزا
كال هاك اخويه شوف الظرف تاكد منه ما مفتوح
وحتى بقيت كاعد يمه لان التبريد كان يخبل
وخطيه الولد باركلي على الفيزا وظل يستفسر
وانطاني كيس كبير حتى ما تنتلف الظروف ونصحني اخلي الجوازات بمكان امن


بس هذا اللي يريد يتلف الظرف والله لو هيج حاجي وياي يمكن اطبله بالسياره للمكتب مالته
ابن الحله من تستلم عن قريب ان شاء الله انطيني خبر خلي اجي وياك
اريد اسويلي جم عركه قبل ما اسافر

[سارة نبيل]

يا اخي اذا انت متاكد الفيزا مالتك يمهم
 المفروض تروحلهم وتطلع الجواز من عيونهم

الشغلة مو مال اتصال تلفون
كلشي توقع من هيج نماذج

حسبنا الله ونعم الوكيل

[iraq1980]

هو مو صوجهم صوج الدي اج ال الي تنطي توكيل لهيج شكولات ... هو لعد ليش دننهزم من البلد غير من ورة هالشكولات .. اللسان شطوله وبس لغوة فارغه وكل الناس صار براسها خير الا العراق ومع الاسف الاجيال الجايه اتعس واتعس.. الله ينتقم منهم .. هاي هي اخي العزيز اتحمل هي ظلت على هاي

[الطيار العراقي]

بصراحة كوله صوجكم ... لو منكم ادز ريفيو للسفارة ... ولو عشرة منكم وصلوا هاي الحالة السفارة بعد ما تتعامل وياهم وهم الي يخسرون

[desertrose235]

اصلا الدي اج ال مكتب المنصور يخبلووووووووون واحد ميعجبه يطلع من يمهم ، بس اذا الدوام يبدي عدهم وره العيد شلون ؟
انت دز الايميل لجماعة البنفتس وكولهم الشوارع مسدوده لهذا اني مكدرت اوصل ومكتب الدي اج ال معزل

ان شاء الله كل التوفيق والله يسهل امورك يارب