مرحبا
اني و مجموعه من الاخوان و الاخوات الي قضايانه معلقه و الي امنيتهم متاخره رح انروح الى منظمه الهجره (اي او ام) يوم الاحد القادم 26-8 الساعه 11 صباحا ف الي يحب يجي نلتقي اهناك . اخواني و خواتي هسه الوقت مناسب فقط للي يشوف انه قضيته تاخرت اكثر من اللزوم لانه هسه ده نسمع انه اكو تسريع و هذا التسريع ده يشمل ناس و ناس يعني الي دنشوفه الكيسات القديمه دتمشي بالقطاره و الجديد ده يمشي اسرع , الفرصه هسه احسن لاين المحلفيين موجودين و لازم معاناتنه توصل الهم او لاي واحد صاحب قرار بالاي او ام .
اخواني و خواتي اهناك اذا رحنه واحد لو اثنين من عدنه يتحدث باسم الكل باسلوب هادئ و حضاري و صدكوني رح نوصل النتيجه مهما تكون احسن من ما كاعدين وننتظر الفرج ومثل ما كلت هسه احسن وقت لاين التسريع يجوز يكون لمده معينه و بعدين ترجع سنطه.
بالنسبه الي اني مستلم مغلف و النتيجه تعليق صار سنه ونص و ليهسه ماكو نتيجه و الي ويايه الجماعه منهم تعلييق قديم همين و الي عل الامنيه صارله 2او 3 سنين و هكذا.
ارجو من الاداره المحترمه ان لا تنقل الموضوع عل الاقل الى يوم الاحد
ابن بطوطه عمان
