السلام عليكم
اخي اهلنة من كالوا الامثال كالوهة عن تجربة ف انصحك بالمثل القائل لاتكول سمسم الاتلهم وما اريد احبط معنوياتك بس ماكو حالة تشبه الثانية يعني مو الكل يمرون بنفس الاجرات يعني صديقي مكمل كلشي من 21/4 ولحد اليوم ماكو شي لا احد خابرة ولاشي وللعلم كل ما يخابر يكولون امنيتك بعدهة ما جاية واذا تريد تعرف شلون عرف انه مكمل فهو الكفيل مالتة يشتغل بوحدة من المنظمات اللي تستقبل الوافدين الجدد وعن طريق معارفة دخل على معلومات الكيس وشاف التفاصيل وبلغة انه كلشي كامل من تاريخ 21/4 /2012 وللعلم صار يعيد الفحص الطبي للمرة السادسة واخر فحص قبل 5 اشهر وراح يصير اكسباير وماكو شي ومعلومة ثانية عاد محلفين مرة ثانية لان الاولى صارت اكسباير وهو من جماعة الكيس 109XXX يعني ( مكمك) ستوة .
