كل مايخص برنامج الويك WIC مهم جدا جدا للعوائل

[eng ali]

بسم الله الرحمن الرحيم

عند وصولي الى الولايات المتحده الامريكيه وعند بدايه تقديمي للفود ستامب والسوشيال سيكيوريتي نمبر والمديكاير طلبت انا شخصيا من المنظمه ان يقدمو لابني على برنامج الويك wic وهذا البرنامج لمن لايعرفه فهو برنامج مساعدات مقدم من الحكومه الامريكيه وليش من المنظمه للاطفل ابناء اصحاب الدخل المحدود وهم دون طفل الخامسه حسب ولايه فلوريدا والله اعلم بقيه الولايات المهم عند طلبي من المنظمه ابلغوني باني يجب ان احصل على السوشيال نمبر قبل تقديمي وفعلا انتظرت وبعد حصولي على السوشيال نمبر طلبت من المنظمه مجددا ان يقدموا لي او بصيغه اخرى ان يساعدوني في التقديم وفعلا كان هناك شخص بالمنظمه تولى الموضوع وهو ليش الكيس ووركر وانما شخص ثاني في المنظمه يعمل هذا عمله المه اخذني الى دائره الويك وهناك وجدت بضعه عوائل امريكيه وعائله عربيه واحده ايضا معنا المهم طلبوا مني وثيقه ال I94 فقط ولم يطلبوا السوشيال يعني ضيعت وكت بلاش المهم اعطوني وثيقه لاملئها وهذه الوثيقه هيه عباره عن اسئله عامه تخص ابني صاحب السنه والنصف من العمر والاسئله جميله حسب غذائه تحديدا كم كاس حليب يشرب باليوم وكم كوب من الماء يشرب بوميا واسئله عن وجباته وماذا يحب وهل ياكل انواع معينه يعني ورقه كامله تصوروا حتى هناك اسئله انه اذا سابقا اكل ورق او كارتون ههههه طبعا ابني يحب الكلينكس ههههه فعلا المهم مليت الوثيقه وقدمتها ونادوا اسمنا وتقدمنا دخلوا ابني للفحص وعملوا له جيك كامل full check يعني فحص دم وعمليه وزنه وقياس طوله وفحص عام يعني جيكوه من الاول للاخير وصحته وبعدها جلسنا مع الطبيبه الاختصاصيه وكلمتنا اني وزوجتي وابني عن الطفل وقددمت لنا مجموعه نصائح ثمينه لاتقدر بثمن شلون؟؟؟ مثلا انطتنا كتلوك بيه الاغذيه المفيده لابني والللي موجوده اصلا بالاسواق الامريكيه والفواكه اللي تفيده ونوع الحليب اللي يناسب عمره وشنو العصير اللي لازم يشربه وشنو البقوليات اللي لازم هسه ياكلها طبعا هذه المعلومات تختلف حسب الاعمار وحسب حاجه الجسم لكل طفل المهم شرحتلنا الكتلوك بالتفصيل وانطتنياه وبلغتني انه راح ينطوني المساعدات بس شهر واحد وراها بالتاسع ارجع اروح وهنا اذا شافوني بعدني محتاج يجددولي هذه المره خمس اشهر مره واحده وهكذا كل فتره يجددون خمس او ست اشهر طالما واردي قليل ودخلي محدود هسه نجي شنو نوع المساعدات ووين الكاها ؟؟؟؟
المساعدات عباره عن ثلاث صكوك +id card هذه الصكوك هيه مو قيمه ماديه وانما قيمه حجميه شلون راح افهمكم وشنو بيها
الصك محددلك نوع حليب وكميه غالونين حليب هنا بامريكا يعني جكين حليب وكميه عصير حصرا التفاح فقط ومن نوع معين كذا اوز يعني قيمه حجميه هنا كلها بال oz تنقاس وطبعا حبوب الافطار الكورن فليكس وخبز من نوع معين وجبن من نوع معين وفاكهه وخضار معينه وبقوليات فاصولياء معينه ومجموعه شغلات والله لا اذكرها تحديدا طبعا اني اتسوقتلك صك واحد جربته والجميل بالموضوع شوفوا امريكا شلون تقدر الطفل انه من تروح للسوبر ماركتات الكبيره خصوصا مثلا في فلوريدا الpublics وال walmart تلكه عالبضائع جنب السعر مكتوب wic باللون الاحمر حتى تميزها انه هيه مناسبه لابنك ومن ضمن برنامجك يعني مو اي نوع ولازم نفس الحجم المخصص الك من الغذاء وتنطيه الكارت للكاشير وتوقع انت عليه انه انت صرفته طبعا الجميل بالامر كله هذا مو القيمه الماديه لان اول صك يمكن حسابه كله ماطللع 30 دولار بس الجميل انه انت دتاخذ شغلات مفيده لاطفالك ومعلومات عن صحتهم تسوه الدنيا واخذت نصائح لاتقدر بملايين الدولارات عن الوجبات الغذائيه اليوميه اللي لازم طفلك يحتاجها وشنو ممكن يضره والله كلش فرحت بالبرنامج لانه يهتم بصحه ابني مو لسبب ثاني ولانه الصحه اغله شي بالكون اخوان يعني لاتستنكفون ان قيمه الصك قليله لانه احد الاخوان العراقيين كلي ماتسوه تعبك لاتروح ولاتجي بس حبيت اجرب بنفسي ولكيت انه فائده النصائح والمفيد لابني تسوه ملايين الصكوك بالنسبه اليه ماعرف باقي الناس شلون تفكر بس اني عندي معلومات عن صحه ابني وانه وزنه طبيعي وطوله طبيعي وهذا الغذاء يضر وهذا يفيد تسوه عندي الكون يمكن طولت عليكم بس والله النصيحه حلوه وحبيت انصحكم بها البرنامج عسا ولعل انه اطفالكم يستفادون شويه وانتوا تعرفون شتوكلوهم ربي يسعد الجميع وربي ينطي الصحه لكل العراقيين وخصوصا الاطفال احباب الله وشكرا

اخوكم مهندس علي
تامبا -فلوريدا

[steven_siv]

اخي موضوع ممتاز وبالمناسبة باجر عندي وعد وياهم تحياتي

[good55]

شكرا جزيلا للاخ الكريم "المهندس علي " على هذه المعلومات المفيدة والهامة

[CHICAGO STAR]

عاشت ايدك على الموضوع الجميل والمفيد اتمنى يستفيد منه كل اصحاب العوائل
تحياتي الك

[michigan]

بارك الله بيك اخويه احلى شي بهذا البرنامج هو التجييك الصحي للطفل حسب الموعد الي همه يحددو بالمناسبه في مشيكان الموعد يكون كل ثلاث اشهر  وكارت الطعام  يشبه كارت الفود ستامب بس مكتوب عليه WIC

[فـلـونـا]

موضوع رائع وطول علينا بالكتابة شكد متريد

وعاشت ايدك اخي والله يخليلك ابنك

[الخديدي 2008]

بارك الله بيك اخويه على النصايح الحلوه لخدمه اخوانك هنا في المنتدى

[kunda]

صح برنامج الويك برنامج راقي ويقدم خدمات راقية للاطفال منذ الحمل ولغاية عمر 5 سنوات .... وفعلا حليب الاطفال هنا غالي جدا لولا توفره عبر برنامج الويك لكانت مصاريفه كارثية . اقصد الحليب الباودر .. لحد عمر ستة اشهر

[a7med_al3ra8e]

الف شكر على المعلومات القيمه .

[*Ray]

شكرا ع الملعومات ان شاء الله يستفادون منه العوائل

[dannybasim]

م. علي الورد
عاشت ايدك على هالموضوع كلش حلو وكلش مفيد واني راح يفيدني علمود بنتي ام الست شهور
اشكرك وما قصرت وبالمناسبة انتظر مواضيعك اول بأول.

تحياتي

[سوسو اسو]

شكرااا جزيلااا اخي على هاي المعلومات ..  فعلا صحه اطفالنه اهم شئ بالدنيا
الله يخليلكم ابنكم يارب

[espero]

رحم الله والديك وعاشت ايدك ....فعلا موضوعك جميل جدا ومفيد

[eng ali]

اخي موضوع ممتاز وبالمناسبة باجر عندي وعد وياهم تحياتي

الله يسهلك وطمنا عود عاللي صار وياك اخ ستيف

[eng ali]

بارك الله بيك اخويه احلى شي بهذا البرنامج هو التجييك الصحي للطفل حسب الموعد الي همه يحددو بالمناسبه في مشيكان الموعد يكون كل ثلاث اشهر  وكارت الطعام  يشبه كارت الفود ستامب بس مكتوب عليه WIC

اخ مشيكان الله يسلمك يعني احتمال من يثبتوني الشهر الجاي كالوا ننطيك خمس اشهر احتمال ينطوني كارت اعتقد الكارت اسهل لان الصك جبير وبيه كلام هوسه لازم تفصله نقطه نقطه عالكتلوك عندك علم بهذا الشي.

[eng ali]

صح برنامج الويك برنامج راقي ويقدم خدمات راقية للاطفال منذ الحمل ولغاية عمر 5 سنوات .... وفعلا حليب الاطفال هنا غالي جدا لولا توفره عبر برنامج الويك لكانت مصاريفه كارثية . اقصد الحليب الباودر .. لحد عمر ستة اشهر

طبعا الاخ كمده ذكرني اكو نقطه نسيت اكولها انه هذا البرنامج يشمل ايضا النساء الحوامل في فتره الحمل وهذه فائده ثانيه للي منتظرين طفل طبعا.

[eng ali]

م. علي الورد
عاشت ايدك على هالموضوع كلش حلو وكلش مفيد واني راح يفيدني علمود بنتي ام الست شهور
اشكرك وما قصرت وبالمناسبة انتظر مواضيعك اول بأول.

تحياتي

اخ داني جدا راح يفيدها للحلوه الصغيرونه صدكني وتسلم عالكلام الحلووو اخويه

[eng ali]

شكرا لكل اللي شاركوا وربي يحفظ ابنائكم وينطيكم وينطيهم الصحه والعافيه جميعا
steven_siv
good55
CHICAGO STAR
michigan
فـلـونـا
الخديدي 2008
kunda
a7med_al3ra8e
*Ray
dannybasim
سوسو اسو
ياروحي
espero

[michigan]

اخي العزيز ENG.ALI اني اول مارحت قدمت لبنتي انطوني الكارت +ورقه مكتوب بيهه تفاصيل انواع وكميات الاكل والشرب المسموح بيهه وكلولي الموعد القادم بعد 3 اشهر ومن ذاك الوقت احنه نروح كل 3 اشهر.الله يحفظ ابنك وتشوفه بطولك

[eng ali]

اخي العزيز ENG.ALI اني اول مارحت قدمت لبنتي انطوني الكارت +ورقه مكتوب بيهه تفاصيل انواع وكميات الاكل والشرب المسموح بيهه وكلولي الموعد القادم بعد 3 اشهر ومن ذاك الوقت احنه نروح كل 3 اشهر.الله يحفظ ابنك وتشوفه بطولك

تسلملي حبيبي يحفظلك الصغيره يارب

[قارءالفنجان]

شكرا اخي على الموضوع  القدمته مفيد جدا للاطفال الجدد والى الطفال دون سن الخامسه الله يوفقك ويحمي ابنك

[bashar73]

السلام عليكم

شكرا على عذا الموضوع المهم والقييم

تحياتي

[eng ali]

الاخ بشار والاخ قاريء الفنجان تسلمون عيني وربي يحفظكم ويحفظ عوائلكم انشاء الله

[ورد الشام]

السلام عليكم
شكرا اخي على الموضوع
ويحفظك الله ويحفظ عائلتك من كل سوء .
اختكم ورد الشام.

[Hasan&Yaseen]

تسلم او عاشت ايدك على المعلومات

[فارس البغدادي]

مهندس علي السلام عليكم

اني بالرغم انه الكفيل مالتي حاصل على الجنسية الامريكية من سنة 1963 هي خالتي بس كون على ثقة ما متوقع انه استفاد من عدهم بكد ما حضرتك دتنورنا لان قد تكون امور غير مهمة للبعض وكل مواضيعك اني حريص انه اقراها لا بل واخزنها همين حتى نتسلح بيها من نوصل لهناك اذا رب العالمين قسم النا

وبارك الله بيك

[العياش في الاحلام]

السلام عليكم اخ علي شكرا ً على هذا الموضوه المهم   وبارك الله في  انتظر من المزيد تحياتي [/size]

[eng ali]

السلام عليكم
شكرا اخي على الموضوع
ويحفظك الله ويحفظ عائلتك من كل سوء .
اختكم ورد الشام.

شكرا اختي العزيزه ويحفظج من كل سوء يارب

[eng ali]

تسلم او عاشت ايدك على المعلومات

اخ محمد حبيبي انت العايش يارب وربي يحفظك

[eng ali]

مهندس علي السلام عليكم

اني بالرغم انه الكفيل مالتي حاصل على الجنسية الامريكية من سنة 1963 هي خالتي بس كون على ثقة ما متوقع انه استفاد من عدهم بكد ما حضرتك دتنورنا لان قد تكون امور غير مهمة للبعض وكل مواضيعك اني حريص انه اقراها لا بل واخزنها همين حتى نتسلح بيها من نوصل لهناك اذا رب العالمين قسم النا

وبارك الله بيك

الاخ النعيمي تسلملي حبيبي وربي يحفظك ويحفظ الاهل وتنورنا بامريكا يارب

[mohammedchemical]

حبيبي علاوي شلونك شخبارك والله مشتاقين
طبعا انا ماطلبو مني السوشيل سكيورتي لان بعد ممطلع طلبو فقط الجوازات العراقية ...بلنسبة للويك كانت ثلاث صكوك شهر واحد  وكل شهر اجدد محتويات الصكوك واحد من الصكوك كان 2 كالون حليب كامل الدسم مع حبوب مع رز.. الثاني 6 باوند فواكه... الثالث ايضا 2كالون حليب مع كالون عصير مع خبز ....الشي الي كنت خايف منه هو الحليب لان شوية معدة بنتي  حساسة  للحليب بس الحمد لله مشت على هذا الحليب
والله ان اشوف الشي المفيد بي هو الحليب


 

[eng ali]

حبيبي علاوي شلونك شخبارك والله مشتاقين
طبعا انا ماطلبو مني السوشيل سكيورتي لان بعد ممطلع طلبو فقط الجوازات العراقية ...بلنسبة للويك كانت ثلاث صكوك شهر واحد  وكل شهر اجدد محتويات الصكوك واحد من الصكوك كان 2 كالون حليب كامل الدسم مع حبوب مع رز.. الثاني 6 باوند فواكه... الثالث ايضا 2كالون حليب مع كالون عصير مع خبز ....الشي الي كنت خايف منه هو الحليب لان شوية معدة بنتي  حساسة  للحليب بس الحمد لله مشت على هذا الحليب
والله ان اشوف الشي المفيد بي هو الحليب


 

حمودي مشتاقين والله حي الله اهل البصره هههه حبي بالنسبه للسوشيال شد شويه عالكيس ووركر مالتك ولح عليه واكو سالفه التلفون المجاني ابو ال250 دقيقه هم خل يقدملك عليه هوه مو منهم بس هوه يساعدك يقدملك اني قدمولي اخويه بالنت بس ميحتاج روحه..

[أبو كرم البغدادي]

مواضيعك حلوة وتعجبني

[ساحة التحرير]

بارك الله فيك اخى العزيز على هاى المعلومات المفيده و الرائعه الى راح نستفاد منهه ان شاء الله عندما نوصل ياربى
وياربى يحفض طفلك ويخلى

[eng ali]

مواضيعك حلوة وتعجبني

انته الحلو ابو كرم شكرا الك ورحمه الله والديك

[eng ali]

بارك الله فيك اخى العزيز على هاى المعلومات المفيده و الرائعه الى راح نستفاد منهه ان شاء الله عندما نوصل ياربى
وياربى يحفض طفلك ويخلى

شكرا حبيبي والله هيه هاي الغايه انه الكل يستفاد من هيج موضوع خصوصا العوائل وربي يخليك شكرا عالدعاء

[الصابر76]

ما قصرت اخي العزيز الله يوفقك على كد اعمالك يا رب

[eng ali]

ما قصرت اخي العزيز الله يوفقك على كد اعمالك يا رب

حبيبي اخويه العزيز الصابر اشكرك وربي يوفقك يا عسل

[Wingo]

موضوع حلو و مفيد و رائع
تسلم إيدك و الله يحفظ لك ولي العهد 

[eng ali]

موضوع حلو و مفيد و رائع
تسلم إيدك و الله يحفظ لك ولي العهد 

شكرا ونغوو ههههههه الله يسلمك عيوني ويحفظك انت والاهل ياغالي

[eng ali]

معلومه للاضافه انه منظمه الويك راح تطلب منك دفتر اللقاحات مال الطفل وبما انه الدفتر بالعربي ماراح يفتهمون منه شي وبالبرامج مال الترجمه العاديه هم  صعب تلكه ترجمتها الصحيحه لانه مصطلحات طبيه طبعا اني يمي منظمه الويك استنسخوه وكالولي عوف ترجمتك انت هههه احنه راح نترجمه الك الزياره الجايه تلكاه جاهز بس لو ماردتوا تدوخون اكو موضوع كلش حلوو ومرتبط بموضوعي نزله الاخ عراقي 72 بيه الترجمه لدفتره اللقاحات اني استنسخت الترجمه للفائده العامه وصدقوني راح تحتاجوه اللي عنده اطفال دون الخامسه لازم يكملون لقاحاتهم.


مرحبا اعزائي الورود والعوائل العراقية الحلوة .

موضوعنا اليوم عن دفتر لقاحات الاطفال تحت سن ال5 سنوات وما يحويه من اسماء للقاحات وترجمتها للغة الانكليزية.


داخل الدفتر التلقيحي يكون باللغة العربية مكتوب الاتي:


ومن اليمين لليسار

اللقاح               تاريخ اعطاء اللقاح           (هنالك بعض التفاصيل مراح اذكرها هنا لانه غير ذات اهمية)


بي سي جي        ..................


__________________________________________

الترجمة تكون كالتالي:

Vaccine           Date

BCG            Date

__________________________________________


شلل الاطفال الفموي

جرعة الصفر            ............
الجرعة الاولى         ............
الجرعة الثانية          ............
الجرعة الثالثة          ............
__________________________________________
الترجمة تكون:


OPV

Dose 0
Dose 1
Dose 2
Dose 3

__________________________________________


الثلاثي
.............

الجرعة الاولى         ..............
الجرعة الثانية          ..............
الجرعة الثالثة          ..............


الترجمة تكون:

DPT

Dose 1
Dose 2
Dose 3

______________________________________

التهاب الكبد الفايروسي
.................................

الجرعة الاولى            ................
الجرعة الثانية             ................
الجرعة الثالثة             ................



الترجمة تكون :

HBV

Dose 1
Dose 2
Dose 3

_________________________________________

الحصبة المنفردة        ............

(طبعا تعطى في عمر ال9 اشهر)


الترجمة تكون

Measles       ..................



__________________________________________

الحصبة المختلطة
.........................

الترجمة تكون:

MMR .....................
__________________________________________

ثنائي الصغار
..................

الجرعة الاولى
الجرعة الثانية

الترجمة تكون:

PT

Dose 1
Dose 2

______________________________________

الثلاثي وشلل الاطفال

الجرعة المنشطة الاولى
الجرعة المنشطة الثانية

الترجمة تكون:

DPT & OPV


Booster Dose 1
Booster Dose 2

_____________________________________

لقاحات اخرى تذكر

ترجمة:

Other Immunizations


اتمنى الموضوع يفيدكم ان شاء الله وتقبلوا خالص تحياتي ويارب السفر للعوئل وللعزاب علمود ميزعلون علينا .. وطبعا دعواتكم ألي ضرورية

[العراقي72]

عاشت أيدك على هذا الموضوع وعلى كولتك بالنهاية كل واحد يعرف أبنه وأولاده شنو اليفيدهم وشنو اليضرهم ,, بس موضوعك وضحلي هواية أمور مهمة وشكرا ألك أخوية مهندس علي .

[eng ali]

عاشت أيدك على هذا الموضوع وعلى كولتك بالنهاية كل واحد يعرف أبنه وأولاده شنو اليفيدهم وشنو اليضرهم ,, بس موضوعك وضحلي هواية أمور مهمة وشكرا ألك أخوية مهندس علي .

بالضبط اخويه العراقي وهو هذا المهم وربي يوفقك بحياتك القادمه باذن الله

[بشار الراوي]

شكرا استاذ على على الموضوع القيم ولكن لدي سؤال ان امكن انا طالب بعثة على حساب الحكومة العراقية ولدي ثلاث اطفال عمر الكبرى 4 سنوات وراتبي الشهري يبلغ 2625 ىدولار ونوع الفيزا الخاصة بي هي J1 فهل يحق لي التقديم على هذا البرنامج ام لا؟؟؟

[eng ali]

شكرا استاذ على على الموضوع القيم ولكن لدي سؤال ان امكن انا طالب بعثة على حساب الحكومة العراقية ولدي ثلاث اطفال عمر الكبرى 4 سنوات وراتبي الشهري يبلغ 2625 ىدولار ونوع الفيزا الخاصة بي هي J1 فهل يحق لي التقديم على هذا البرنامج ام لا؟؟؟

صديقي كونك موجود بالولايات المتحده بصفه فيزا j1 اذن هيه رسميه يحقلك تقدم بس تبقه انه همه يعتبروك من جماعه ال LOw Income  هذا ماعرف بصراحه اني اعرف اللي راتبه 2000 قبلوه انت تروح وتقدم هذا اكيد وينطوك اول شهر هم اكيييد طبعا حصرا الاطفال تحت سن الخامسه بس ورا الشهر يطلبون الانكوم مالتك وراها يقررون فروح قدم وتوكل على الله انشاء الله مقبول حبيبي.

[سميراميس1960]

صباح ومساء الخير على الجميع
عاشت ايدك  مهندس علي على المعلومات
بس اكو شغله انبهكم عليها
وهي لمن يكتبولكم نوع الحليب الباودر  كلولهم احنه مسلمين , لان اكو انواع من حليب الاطفال بي خنزير ,
مثل مصار مع جماعه يمنه  , والعامله بالولمارت هيه كالتلها على الحليب بعد ماشافتها لابسه حجاب , كالتلها هذا بيه خنزير 
روحي خلي يكتبولج غيره , بالفعل راحت وكتبولها غير نوع (خالي من الخنزير)

مع كل الاحترام والتقدير

[eng ali]

صباح ومساء الخير على الجميع
عاشت ايدك  مهندس علي على المعلومات
بس اكو شغله انبهكم عليها
وهي لمن يكتبولكم نوع الحليب الباودر  كلولهم احنه مسلمين , لان اكو انواع من حليب الاطفال بي خنزير ,
مثل مصار مع جماعه يمنه  , والعامله بالولمارت هيه كالتلها على الحليب بعد ماشافتها لابسه حجاب , كالتلها هذا بيه خنزير 
روحي خلي يكتبولج غيره , بالفعل راحت وكتبولها غير نوع (خالي من الخنزير)

مع كل الاحترام والتقدير

الاخ سيراميس حبيبي تسلملي والله بصراحه اني ماشتري شي الا اقراه المحتويات لان خبلوني انت شايف جبن بابورني بيه دهن خنزير مافتهم ليش عالعمو خلوني اشك بكلشي والله كلشي نجيك وبارك بيك عالنصيحه صديقي وعلى شعورك الطيب ياريت باقي الاعضاء هم يقرون هذا الكلام اكيد للفائده العامه ونورتني صديقي.

[بشار الراوي]

صديقي كونك موجود بالولايات المتحده بصفه فيزا j1 اذن هيه رسميه يحقلك تقدم بس تبقه انه همه يعتبروك من جماعه ال LOw Income  هذا ماعرف بصراحه اني اعرف اللي راتبه 2000 قبلوه انت تروح وتقدم هذا اكيد وينطوك اول شهر هم اكيييد طبعا حصرا الاطفال تحت سن الخامسه بس ورا الشهر يطلبون الانكوم مالتك وراها يقررون فروح قدم وتوكل على الله انشاء الله مقبول حبيبي.
[/quote]

الاخ العزيز شكرا جزيلا على المعلومات وبالفعل قمت بالتاكد من موقع البرنامج على شبكة الانترنت
واظهرت المعلومات انه يحق لي التقديم مع خالص الشكر والتقدير

[eng ali]

صديقي كونك موجود بالولايات المتحده بصفه فيزا j1 اذن هيه رسميه يحقلك تقدم بس تبقه انه همه يعتبروك من جماعه ال LOw Income  هذا ماعرف بصراحه اني اعرف اللي راتبه 2000 قبلوه انت تروح وتقدم هذا اكيد وينطوك اول شهر هم اكيييد طبعا حصرا الاطفال تحت سن الخامسه بس ورا الشهر يطلبون الانكوم مالتك وراها يقررون فروح قدم وتوكل على الله انشاء الله مقبول حبيبي.

الاخ العزيز شكرا جزيلا على المعلومات وبالفعل قمت بالتاكد من موقع البرنامج على شبكة الانترنت
واظهرت المعلومات انه يحق لي التقديم مع خالص الشكر والتقدير

[/quote]

بالخدمه اخ بشار وربي يوفقك ويحفظلك الصغار انشاء الله