اخواني اجاني هذا الايميل siv

[السومري الاخير]

اخوان اجاني هذا الايميل
علما انا من جماعة الشهر السابع فشنو ممكن اسوي اكمل الاجراءت بسرعة لو السالفة طويلة
*** PLEASE DO NOT REPLY DIRECTLY TO THIS EMAIL ***
 
Dear Sir,
 
Please be informed that we are ready to finalize your application. We have reviewed your file and note that your police certificate and medical examination have expired. We must therefore kindly ask that you provide new ones and mail the original documents to:
 

[مرسي الزناتي]

يا الله بشاره خير هاي سويهن صديقي و دزهن انت شوكت قابلت؟

[السومري الاخير]

اشكرك
شهر السابع 2011

[امين عبد الله]

اخي الكريم

عدم المحكومية و الفحص الطبي صاروا اكسباير فالمطلوب منك ان تجديدها وترسلها اليهم باسرع وقت هذا ما ذكروه لك في الايميل.

اما نحن فنستطيع ان نقول لك الف الف مبروك مقدما

[bashar73]

السلام عليكم

حبيبي روح سوي عدم محكومية على السريع لان تاخذ وقت 10 ايام وتطلع النتيجة.

بالنسبة للفحص اكو عيادة (اور) بالمسبح وره السفارة الالمانية القديمة خلفها بفرعين مباشرة تمشي بالفرع ( بيت على ايدك اليسرى الباب سودة والبيت نثر اصفر لونه وبي مولدة بيركنز بيضة بالكراج . من تروح لهناك تاخذ وياك
1. الايميل مال NVC الاول الي حددولك موعد مقابله الي هيه بشهر 7 كل شخص نسخة يعني تحسب كم نفر انتوا بالعائلة تاخذ لكل نفر نسخة من هذا الايميل.
2. هوية الاحوال المدنية (الجنسية) مستنسخة واصلية.
3. صور 5*5 عدد (4) لكل فرد من العائلة
4. اذا عندك اطفال من الضروري جدا جدا جدا اخذ دفتر اللقاحات مالتهم لان هذا يساعدك بتقليل كلفة اللقاحات.
5. اكو محل مواد غذائية قريب من العيادة اذا حسيت بالجوع
6. التعامل كلش حلوووووو والجماعة كلشش مؤدبين ويه الكل
7. البنية الي تنطي لقاحات كلش متعاونة وايدها بزرق الابر كلش خفيفة ما تتصور.
8. اخذ الايميل مال اعادة الفحص وياك احسن
9. احتمال كبير الدكتور يجي للعيادة الساعة 1ونص ظهرا لان هو مرتبط بدوام ثاني.
10. اكو لقاحات سعرها 110 دولار للكبار واكو لقاحات بسعر 40 دولار للصغار .

واي شيء تحتاج اكتبلي على الخاص لان اخوك مكمل فحص يوم الاثنين وانتظر العدم محكومية اسبوع القادم.

تمنياتي بالموفقة والف مبروك مقدما 

[السومري الاخير]

ممنون اخوان على الردود
اني بوحدي لاولد ولا تلد ايهما افضل عيادة اور لو ابن البيطار اني بصراحة ماريد اخذ اللقاحات
زين عدم محكومية وين صارت هسه بيا مكان بالضبط

[bashar73]

[font=Times New Roman]العدم محكومية هسه بالبلديات بالامن العامة القديمة [/font][/b]

[عراقي هواي]

ابن البيطار ارخص اور قفاصة

[محارب]

عالخير عيوني
هذا الايميل اجاني واحد مثله وبعدين اجتي وراهه الفيزا تهلهل
لاتتاخر
بس ما انصحك بعياده اور لان يجبروك على اللقاحات وهيه مو اجباريه
ويكولون تعليمات السفاره (طبعأ كذب)
روح لابن البيطار احسن

[(Isabella)]

الف مبروووووووك بالتوفيق انشاء الله وتكمل الفحص وعدم المحكوميه وتجيك الفيزه باسرع وقت يا رب