سؤال كيفية استلام نتيجة المحلف رجاءا الدخول

[فارس البغدادي]

مساء الخير

اخوان استلام نتيجة المحلف عن طريق ارسال ايميل من المنظمة اللي لو اروح للمنظمة استلم الظرف لو هاي الرسالة اللي اسمها ديفرال لتر لو شنو اتمنى تخبروني من خلال خبرتكم واشكركم جزيل الشكر


اخوكم النعيمي

[Gray wolf]

استلام نتيجة المحلف المنظمة تقرر موعدة بعد فترة من مقابلة المحلف تستلم المغلف الي بيه قرار المحلف( قبول او رفض او تعليق)واحتمال بيه الموافقة الامنية..تمنياتي لك بالتوفيق

[فارس البغدادي]

اكلك عينتين

يعني يتصلون بيا واروح للمنظمة استلم المغلف ؟

[كاسـ الحنون ـبر]

اخويه انت وين بيا دوله حته نعرف شلون نكدر نساعدك

[فارس البغدادي]

بغداد

[العراقي72]

السلام عليكم .. أخي العزيز راح أجاوبك لأن أنته من بغداد .. المحلف ينطيك النتيجة بنفس اليوم الراح تقابل بيه بس ميكولوك شنو النتيجه ويحتفظون بيها جماعة الأي أو أم ويبلغوك بيها خلال 60يوم ( موافقة أو تأجيل يعني ديفيرال لتر أو رفض ياستار ) .
طبعا يرسلون ألك أيميل وبيه أتاجمنت ( ملف أعلى الرساله ) بيه صورة من قرار المحلف وراح تشوفها وتقره التاريخ بنفس اليوم القابلت بيه ولتسألني ليش لعد يأخروك 60 يوم لأن ماأعرف هذا أجراء خاص بالمنظمة .

تحياتي وتمنياتي للجميع بالسفر العاجل .

[فارس البغدادي]

ممنون للشباب الحلوة واحب اكول لاخوية عراقي

اني قابلت صارلي اكثر اسبوعين والله كريم

[العراقي72]

ممنون للشباب الحلوة واحب اكول لاخوية عراقي

اني قابلت صارلي اكثر اسبوعين والله كريم

ربي يسهلك أمرك بجاه الحبيب محمد صلى عليه وسلم .. والله يسهل أمر الجميع ويارب يسهلي امري وياكم . آمين
تدلل أخوية وأن شاء الله يجيك الرد منهم بأسرع وقت ( خلال 60 يوم مو أكثر ) . هسة تشوف . أكو عالم جتها وره شهر أو وره 20 يوم آني أجاني وره شهر ونص .. تره عادي . أصبر أن الله مع الصابرين .
تحياتي الك .....

[فارس البغدادي]

الله يبارك بيك وكثر خيرك وكثر الله من امثالك وينولك اللي بالك وبالي وبال الجميع

هو اني سالت لان الية الاستلام ما مفتهمها لذلك سالت ...واما عن الصبر فاحنا صابرين باذن واحد احد وشعدنا غير الصبر نصبر ونصيح الله كريم
وهو ارحم الراحمين