موضوع هام وخطر الكم ياجماعة بغداد بس موكلكم

[BMW M5]

السلام عليكم اخوتي واخواتي الاعزاء ...
اخوان اكو نبي نصلي عليه وبالعجلة الندامة .. ياجماعة بغداد الي تريدون تروحون للمنظمة وتظاهرون او تطرحون مشاكلكم مفكرتوا شراح تكولون للجندي العراقي الي بالدخول وراح توكفون بالسرة ومراح تكدرون ضربون السرة لأن الموظفين هواية وحتى لو وصلتوا ورة دخلة الموظفين فهمين الة يصيح الاسامي واكيد ولا اسم بيكم حيكون موجود بالقائمة وراح يسألوكم شعدكم وتكب الهوسة ويطلعون الحرس العراقي اول شي الحرس الاوغنديين ميخاطرون بحياتهم على كم عراقي ديظاهر فراح يطلعون العراقيين بس وتعرفون التعامل شلونه وراح تزحفون شوية شوية عالشارع وانتوا تدرون الوضعية بغداد شلونهة هسه وبس يحسون هاي الهوسة مال شنو راح تصير امور احنه في غنه عنها وان استجابوا الكم المنظمة وطلع فد شخص منهم فة مستحيل مستحيل راح يفوت هيج عدد على مسؤؤليته لأن ميعرف شراح يصير جوة داخل المنظمة او بالقرب منها واذا دخل كم واحد من الاخوة نيابة عن الباقيين فراح يهدئوهم بكم حجاية ويطلعوهم وبالتالي راح نجيب العين على نفسنه ويصير مكان المقابلة الوصول الة جدا خطر والمقابلات هسه لبعض الكيسات ماشية وبيهة كم تغيير وانتوا دتلاحظون ودتشوفون الاحصائيات مال السفر فيا اخوان الي صابر خمس سنوات او اربعه او تلاثة او سنتين او سنه ميكدر يصبر هالكم شهر على نهاية السنه ونشوف شحيصير عسى ولا عل بمشون الكيسات النايمة حتى يمشون البقية اسرع ولتتوقعون بهيج شي المنظمة حتساعدنا.. المنظمة ممخولة بأن تحل هيج نوع من المشاكل بصورة سريعة حتى لو يخاطبون الجهات الامنية الي بأميركا او الامم المتحدة او اي جهة امنية تخص ال اي او ام  فمناك راح يجاوبوهم ويكلولهم حجاية وحدة والي هي علة ومشكلة كل الاخوة الي هي التجييك الامني.. اكبر مسؤول ميكدر يتلاعب بيهيج شغلة حتى لو كان شخص واحد عنده مشكلة مراح يكدر يسويلة شي اذا ميجيلة الاوكي مال التجييك الامني مالته فخلي نكول يا الله ونذبها بالظلمه ونخلي الي خلقنا وخلق اشخاص المنظمة والي خلق امريكا يكون الحل والتسهيل بأيدة  والي كاتبة يصير وهذا الحجي كله لسلامتكم وخوفنا عليكم لأن من المستحيل نقارن نفسنه ووضعنه بنفس الوضع الي بعمان المنظمة بعمان من تفوتلهة حالهة حال اي دائرة عدنا هنا  او شركة من الشركات مو محصنه وخابصين الدنيا مثل هنا هنا الوضعية تختللللللللف والوضع هسه جدا جدا خطر مو مال نسوي هيج شي بهيج مكان بهيج بلد بهيج وضع وارجع واكول صلوا على النبي وصفوا بالكم ولتخلون مثل هيج منظمات تخربط حياتكم ماكو احد بينه مرايد السفر بس اكو شي اسمه الحياة دتمشي ومواكفه عليهم ... وجدا اسف على الاطالة واتمنى الحجي عجبكم وفادكم بعض الشيء وهذا الشي من واجبي عليه وعلى الكل ان نحجي بيه لسلامتنا كلنا وتجنب الامور الي مو بصالحنا لاسمح الله واتمنى من كل كلبي ودعاء جماعي نكول يارب ياكريم نكون السنه التجي الجديدة كلنا هناك وكلب على كلب وعائلة وحدة تحياتي للجميع والسفر القريب بأذن الله .

[امير البغدادي]

تحيه طيبه والله صح كلامك الوضع موزين والله اني من سنه 2008 مقدم ولحد الان تجيك امني نصبر والله كريم ان الله مع الصابرين  وشكرا

[الفرج2]

      كلام حلو وعين العقل وان الله مع الصابرين.

[سعداوي]

والله كلامك صحيح و منطقي اني هم حالي من حالكم و اشوف ما عدنا غير الصبر لانه ممكن تتعقد الامور اكثر ما هي معقده و نكوم حتى اذا واحد تتسهل اموره ميكدر يوصل و يطب و يخلون الف شغله تعلاقل دخوله فما عدنا غير نصبر و الله كريم

تحياتي

[megalove]

أني مع كلامك أخي العزيز ولا نؤيد أي تجمع بباب المنظمة في بغداد لأن هذا الشيء راح يفتح كل العيون على البرنامج وهذا ابدا مو بصالح الاعضاء المراجعين وهناك عوائل و اطفال ممكن أي تجمع راح يلغي مقابلاتهم--- رغم أني تقديم شهر 11 سنة 2008 لكن معارض بشدة للاعتصام امام موقع المنظمة في بغداد حفاظا على سلامة المراجعين و استمرارية البرنامج
يعني اتصور اذا صار خرق امني ووقعت ضحايا فأقل نتيجة متوقعة يتم نقل مراجعة الملفات و المقابلات الى عمان و شوف شوديك و شيجيبك
وهذا الشي حصل مع الطالبين للجوء الى بريطانيا من العاملين مع قواتها بقوا ما بين 3 اشهر الى 6 اشهر في عمان لمعالجة طلباتهم

هذا الشيء سلبي بالكامل و ما فيه اي بارقة امل --- حاليا التسريع موجود و الامل بالسفر أضعاف ما كان ب 2011

اخوكم megalove

[Ali leo]

شباب السلام عليكم

انا بالبداية جنت من المؤيدين لهاي الفكرة وفكرت انسوي مظاهرة على الاي او ام  بس مثل ما كال الاخ بي ام العراقيين الي همه راح ايطلعون علينة يعني ايفرقون الجماعات
هاي اذا بس ضرب وشتم علينة الف الف الحمد الله والشكر احنة خايفيين ايلزمونة ويحققوون ويانة انتم منو وانتم شنو ومثل ما تعرفون اكو اهواي جهات تحب هيجي شغلات والمعنى في قلب الشاعر يعني بين قوسين يطبون ويستنكون اي واحد يعجبهم ياخذونة

واذا لا والله طلعت بس ضرب فراح ايرجعونة على الشارع اشوي اشوي ويخلونة الي ما يشتري يتفرج والصحافة تنكلب
انا ما ااايد هذا الشي لان الباب مالت الدخول راح ينعرف وراح تنلاص على اخواننا في الي راح ايقابلون ولو هو الباب معروف بس مو الكل اتعرفة

هاي فقرة انتهينة منها نجي هسه على الفقرة الثانية

وهيه فقرة الموظفين الي يشتغلون بالاي او ام من راح ايشوفون هيجي اضراب ومظاهرات يعني تعتقدون ماراح تأثر على بقية الاخوة وراح تاثر عل بقية الكيسات وراح اتاثر على المقابلات مال شهر التاسع والعاشر

راح اتكولون وين الحل انت كاعد تكتب وتنطينة بس السلبيات وين الايجابيات

انا اكلكم بيها ايجابيات من يستقبلون جم واحد من المتظاهرين وهذولة ايجوز بس همه راح يستقبلونهم ويساعدوهم ما راح اينقلون معاناتنا انا احجيلكم هذا الحجي عن تجربة صارت وياي والي راح يدخل للمنظمة هاي اذا دخلوا راح يحجي بس عن نفسة لان هوه لايعرف رقم الكيس مالتي او مالتك او مال فلان او مال غير شخص وهل هذا الشخص هوه اهنا موجود بالعراق او بغير دولة

يمعودين انتم شتحجون دخليها سكتة قابل احنة عمان لو بيروت بوية لاتتوهمون احنة بغداد بغداد وما اسولفلكم عن الوكي وتصرفاتة اشلون اتصير بين قوسين اقصد جماعة الباب العراقيين يعني مكرم السامع بس يكلولة شو شو يضلون ينبحون علينة مو لو مو لو انا غلطان مو هوه هذا الحجي الصحيح

احنة لازم نستمر مثل ما بدينة اتحدى اي واحد ايكول انا ما ادري كل احنة نعرف انوا الاي او ام يطول يجوز اقل شي سنتين ونادرا ماطلعت كيسات باقل من هاي المدة لان عدها ظروف خاصة وانا وانتة نفس الكيس وداعتك انتم مترجم وانا مترجم هذا اشتغل اهنا وهذا اتهدد منا فاحنة ليش انجذب على نفسنا ونريد كلشي ايصير بيوم وليلة بس شسوي هوه صبر احنة العراقيين ما عدنة


انا اتوقع هاي المظاهرات الى الناس الي اجاها رفض اكثر من الف مرة اكول اي حقهم خلي يسون مظاهرات لان هاي جزاتها وين يرحون بس انتم الجدد ياعمي تهدوا وحطوا رجليكم بالكاع انتم استوكم سجلتوا وتردون اتسووون مظاهرات يابة الله كريم وانشاء الله يوم السفر للكل والكل تقابل وتصير اسوالف وداعتكم

شكرا لصاحب الموضوع

تقبلوا مروري

علي ليو

[بريق الامل]

والله كلامك صحيح اخويه الوضع ابغداد صعب ويختلف عن عمان هوايه والواح يصبر ويخليها يم رب العالمين هو ارحم بعبده وانشاء الله الفرج القرب للجميع كولو ااااااااامين

[michigan]

لا يوجد اي وجه للشبه بين برنامج iom في بغداد وبين دول الجوار باستثناء ان طالبي اللجوء هم عراقيون وخصوصا الجانب الامني اذن يجب ان يكون التعامل بمنتهى السريه لسلامه المراجعين وتطبيق شرط سريه المعلومات المتفق عليه مع المنظمه والا ستكون العواقب وخيمه على الجميع

[BMW M5]

شكرا لردودكم ومروكم الجميل اعزائي وهو هذا عين العقل احنه شنريد قابل غير سلامة الجميع

[BMW M5]

أني مع كلامك أخي العزيز ولا نؤيد أي تجمع بباب المنظمة في بغداد لأن هذا الشيء راح يفتح كل العيون على البرنامج وهذا ابدا مو بصالح الاعضاء المراجعين وهناك عوائل و اطفال ممكن أي تجمع راح يلغي مقابلاتهم--- رغم أني تقديم شهر 11 سنة 2008 لكن معارض بشدة للاعتصام امام موقع المنظمة في بغداد حفاظا على سلامة المراجعين و استمرارية البرنامج
يعني اتصور اذا صار خرق امني ووقعت ضحايا فأقل نتيجة متوقعة يتم نقل مراجعة الملفات و المقابلات الى عمان و شوف شوديك و شيجيبك
وهذا الشي حصل مع الطالبين للجوء الى بريطانيا من العاملين مع قواتها بقوا ما بين 3 اشهر الى 6 اشهر في عمان لمعالجة طلباتهم

هذا الشيء سلبي بالكامل و ما فيه اي بارقة امل --- حاليا التسريع موجود و الامل بالسفر أضعاف ما كان ب 2011

اخوكم megalove

اشكر مرورك اخ ( ميكالوف ) احنه نريد بس السلامة للجميع حتى نحافظ على نفسنا ونوصل هناك من غير متاعب وقلق نفسي وشكرا لمرورك وتفهمك الموضوع بالصورة الصحيحة .. تحياتي

[الصابر76]

اوافقك بالرأي اخي العزيز


تحياتي

[BMW M5]

شباب السلام عليكم

انا بالبداية جنت من المؤيدين لهاي الفكرة وفكرت انسوي مظاهرة على الاي او ام  بس مثل ما كال الاخ بي ام العراقيين الي همه راح ايطلعون علينة يعني ايفرقون الجماعات
هاي اذا بس ضرب وشتم علينة الف الف الحمد الله والشكر احنة خايفيين ايلزمونة ويحققوون ويانة انتم منو وانتم شنو ومثل ما تعرفون اكو اهواي جهات تحب هيجي شغلات والمعنى في قلب الشاعر يعني بين قوسين يطبون ويستنكون اي واحد يعجبهم ياخذونة

واذا لا والله طلعت بس ضرب فراح ايرجعونة على الشارع اشوي اشوي ويخلونة الي ما يشتري يتفرج والصحافة تنكلب
انا ما ااايد هذا الشي لان الباب مالت الدخول راح ينعرف وراح تنلاص على اخواننا في الي راح ايقابلون ولو هو الباب معروف بس مو الكل اتعرفة

هاي فقرة انتهينة منها نجي هسه على الفقرة الثانية

وهيه فقرة الموظفين الي يشتغلون بالاي او ام من راح ايشوفون هيجي اضراب ومظاهرات يعني تعتقدون ماراح تأثر على بقية الاخوة وراح تاثر عل بقية الكيسات وراح اتاثر على المقابلات مال شهر التاسع والعاشر

راح اتكولون وين الحل انت كاعد تكتب وتنطينة بس السلبيات وين الايجابيات

انا اكلكم بيها ايجابيات من يستقبلون جم واحد من المتظاهرين وهذولة ايجوز بس همه راح يستقبلونهم ويساعدوهم ما راح اينقلون معاناتنا انا احجيلكم هذا الحجي عن تجربة صارت وياي والي راح يدخل للمنظمة هاي اذا دخلوا راح يحجي بس عن نفسة لان هوه لايعرف رقم الكيس مالتي او مالتك او مال فلان او مال غير شخص وهل هذا الشخص هوه اهنا موجود بالعراق او بغير دولة

يمعودين انتم شتحجون دخليها سكتة قابل احنة عمان لو بيروت بوية لاتتوهمون احنة بغداد بغداد وما اسولفلكم عن الوكي وتصرفاتة اشلون اتصير بين قوسين اقصد جماعة الباب العراقيين يعني مكرم السامع بس يكلولة شو شو يضلون ينبحون علينة مو لو مو لو انا غلطان مو هوه هذا الحجي الصحيح

احنة لازم نستمر مثل ما بدينة اتحدى اي واحد ايكول انا ما ادري كل احنة نعرف انوا الاي او ام يطول يجوز اقل شي سنتين ونادرا ماطلعت كيسات باقل من هاي المدة لان عدها ظروف خاصة وانا وانتة نفس الكيس وداعتك انتم مترجم وانا مترجم هذا اشتغل اهنا وهذا اتهدد منا فاحنة ليش انجذب على نفسنا ونريد كلشي ايصير بيوم وليلة بس شسوي هوه صبر احنة العراقيين ما عدنة


انا اتوقع هاي المظاهرات الى الناس الي اجاها رفض اكثر من الف مرة اكول اي حقهم خلي يسون مظاهرات لان هاي جزاتها وين يرحون بس انتم الجدد ياعمي تهدوا وحطوا رجليكم بالكاع انتم استوكم سجلتوا وتردون اتسووون مظاهرات يابة الله كريم وانشاء الله يوم السفر للكل والكل تقابل وتصير اسوالف وداعتكم

شكرا لصاحب الموضوع

تقبلوا مروري

علي ليو

صح كلامك اخ ( علي ليو ) اكو من يحتاج لهيج شي بس راح يظرهم اكثر من ما ينفعهم وبلكي نلكالنه فد وسيلة نشكي بيهة مشاكلنا ولكن بغير طريقة نشوف شظامتلنة الايام الجاية وخير في ما اختاره الله اشكرك لتفهمك الموضوع وتقديرك لهيج حالة بالصورة الصحيحة واحنه كلنه نفس الشغل والكل مهددين مثل متفضلت بس منكدر نغير شي على كولة المثل المصري ( دي امريكا يابة ) تحياتي الك وللجميع والسفر القريب بأذن الله

[m.r_aliraqiii]

الكلام  الي صار كلة صح ومنطقي  لان  يا جماعة   بغداد  ديمقراطية او ديمقراطية او من تصير هيج تجمعات كلشي يروح  الغيرة والدين والمذهب عبالك ديفرقون   حيوانات مو بشر حشى السامع

اذاا كان اكو تنسيق مسبق مع اجهزة  امنية  او غير ذلك تمام تصير بس اذا  ماكو  لا والله لحد يروح ولا يخطي لان  جدآ خطر خصوصا   الجيش والشرطة  ميصدكون تصير هيج سوالف حتى يكومون يعتقلون الناس
تحياتي

[جورجيا]

اصبت وبارك الله فيك

[BMW M5]

الكلام  الي صار كلة صح ومنطقي  لان  يا جماعة   بغداد  ديمقراطية او ديمقراطية او من تصير هيج تجمعات كلشي يروح  الغيرة والدين والمذهب عبالك ديفرقون   حيوانات مو بشر حشى السامع

اذاا كان اكو تنسيق مسبق مع اجهزة  امنية  او غير ذلك تمام تصير بس اذا  ماكو  لا والله لحد يروح ولا يخطي لان  جدآ خطر خصوصا   الجيش والشرطة  ميصدكون تصير هيج سوالف حتى يكومون يعتقلون الناس
تحياتي

صحيح كلامك صديقي .. شكرا الك

[mike67]

عين العقل اخويه العزيز
لان وضعنا في العراق مايسمح بهيج امور لان بعد ما وصلنا لهيج مرحله
 واني من المؤيدين لكل كلمه كلتها والله يبارك بيك



    تحياتي

[michigan]

اخواني الشغله موشغله جيش وشرطه والتعامل وياكم وانما اذا تجمعتوا  على شكل مظاهره راح يكون جواب المنظمه كالتالي .....

انتو مو تكولون احنه مهددين لعد شلون تسوون تجمع وتفضحون نفسكم وتخلون بشرط السريه الي متفق عليه  مع المنظمه اذن انتو
 
لستم مهددين اذن  شرط اللجوء الاساسي انتهى مما يؤدي الى الغاء البرنامج من الاصل

[BMW M5]

عين العقل اخويه العزيز
لان وضعنا في العراق مايسمح بهيج امور لان بعد ما وصلنا لهيج مرحله
 واني من المؤيدين لكل كلمه كلتها والله يبارك بيك



    تحياتي

اشكرك اخ مايك على مرورك وتفهمك الموضوع

[Ali leo]

اخواني الشغله موشغله جيش وشرطه والتعامل وياكم وانما اذا تجمعتوا  على شكل مظاهره راح يكون جواب المنظمه كالتالي .....

انتو مو تكولون احنه مهددين لعد شلون تسوون تجمع وتفضحون نفسكم وتخلون بشرط السريه الي متفق عليه  مع المنظمه اذن انتو
 
لستم مهددين اذن  شرط اللجوء الاساسي انتهى مما يؤدي الى الغاء البرنامج من الاصل

+1

[ابو علاوي]

السلام عليكم اخوتي واخواتي الاعزاء ...
اخوان اكو نبي نصلي عليه وبالعجلة الندامة .. ياجماعة بغداد الي تريدون تروحون للمنظمة وتظاهرون او تطرحون مشاكلكم مفكرتوا شراح تكولون للجندي العراقي الي بالدخول وراح توكفون بالسرة ومراح تكدرون ضربون السرة لأن الموظفين هواية وحتى لو وصلتوا ورة دخلة الموظفين فهمين الة يصيح الاسامي واكيد ولا اسم بيكم حيكون موجود بالقائمة وراح يسألوكم شعدكم وتكب الهوسة ويطلعون الحرس العراقي اول شي الحرس الاوغنديين ميخاطرون بحياتهم على كم عراقي ديظاهر فراح يطلعون العراقيين بس وتعرفون التعامل شلونه وراح تزحفون شوية شوية عالشارع وانتوا تدرون الوضعية بغداد شلونهة هسه وبس يحسون هاي الهوسة مال شنو راح تصير امور احنه في غنه عنها وان استجابوا الكم المنظمة وطلع فد شخص منهم فة مستحيل مستحيل راح يفوت هيج عدد على مسؤؤليته لأن ميعرف شراح يصير جوة داخل المنظمة او بالقرب منها واذا دخل كم واحد من الاخوة نيابة عن الباقيين فراح يهدئوهم بكم حجاية ويطلعوهم وبالتالي راح نجيب العين على نفسنه ويصير مكان المقابلة الوصول الة جدا خطر والمقابلات هسه لبعض الكيسات ماشية وبيهة كم تغيير وانتوا دتلاحظون ودتشوفون الاحصائيات مال السفر فيا اخوان الي صابر خمس سنوات او اربعه او تلاثة او سنتين او سنه ميكدر يصبر هالكم شهر على نهاية السنه ونشوف شحيصير عسى ولا عل بمشون الكيسات النايمة حتى يمشون البقية اسرع ولتتوقعون بهيج شي المنظمة حتساعدنا.. المنظمة ممخولة بأن تحل هيج نوع من المشاكل بصورة سريعة حتى لو يخاطبون الجهات الامنية الي بأميركا او الامم المتحدة او اي جهة امنية تخص ال اي او ام  فمناك راح يجاوبوهم ويكلولهم حجاية وحدة والي هي علة ومشكلة كل الاخوة الي هي التجييك الامني.. اكبر مسؤول ميكدر يتلاعب بيهيج شغلة حتى لو كان شخص واحد عنده مشكلة مراح يكدر يسويلة شي اذا ميجيلة الاوكي مال التجييك الامني مالته فخلي نكول يا الله ونذبها بالظلمه ونخلي الي خلقنا وخلق اشخاص المنظمة والي خلق امريكا يكون الحل والتسهيل بأيدة  والي كاتبة يصير وهذا الحجي كله لسلامتكم وخوفنا عليكم لأن من المستحيل نقارن نفسنه ووضعنه بنفس الوضع الي بعمان المنظمة بعمان من تفوتلهة حالهة حال اي دائرة عدنا هنا  او شركة من الشركات مو محصنه وخابصين الدنيا مثل هنا هنا الوضعية تختللللللللف والوضع هسه جدا جدا خطر مو مال نسوي هيج شي بهيج مكان بهيج بلد بهيج وضع وارجع واكول صلوا على النبي وصفوا بالكم ولتخلون مثل هيج منظمات تخربط حياتكم ماكو احد بينه مرايد السفر بس اكو شي اسمه الحياة دتمشي ومواكفه عليهم ... وجدا اسف على الاطالة واتمنى الحجي عجبكم وفادكم بعض الشيء وهذا الشي من واجبي عليه وعلى الكل ان نحجي بيه لسلامتنا كلنا وتجنب الامور الي مو بصالحنا لاسمح الله واتمنى من كل كلبي ودعاء جماعي نكول يارب ياكريم نكون السنه التجي الجديدة كلنا هناك وكلب على كلب وعائلة وحدة تحياتي للجميع والسفر القريب بأذن الله .

+1 طبعا وتدرون اشون راح يتعاملون ويانة  على اساس الجلاليق والكفخات والله هاي سياست البلد ونتو اعرف مني بيهة وانا اخوكم من جماعت 2009 واكثر واحد مختنك بيكم لاني ما احب العراق ابصراحة من زغري الهذا كبري وحتة اولادي يعتقدون همة مو عراقين والحمد الله صبرت وانشاء الله اشوكت الله يقسملي السفر اروح وما عندي كل مشكلة من استنفذ اخر نفس وية منضمت الiom عود ادور غير طريق واهم شي واحد  يحفض كرامتة وما يخصرهة على ايد كم جندي وشرطي ما يستحي وانتو شوفو ابعينكم لازم من اتفوت من السيطرة اتنزل الجامة واسلم وتبتسم حتة اتفك رقبتك والله كريم

[نوار التميمي]

الكلام جدا منطقي .. واذا صار تجمع وامدافع على البوابه اتوقعو الحرس يستخدمون القوه ضدهم .. عوفو سالفه المضاهره الله يخليكم .. هو اني بعمان وما رحت لهاي المضاهرة لان ادري كل واحد راح بالمضاهرة انطوه ابره مخدره مال كم شهر وما قدمو سفره ولا ساعه ولا اخرو ساعه .. مع العلم اني صارلي 3 سنين دا انتظر الموافقه الامنيه 

[BMW M5]

انشاء الله يثبتون على رأي حلو وميفكرون بهيج شي بعصبيه  يفكرون بتأمل وشيصير بالمستقبل

[BMW M5]

انشاء الله يثبتون على رأي حلو وميفكرون بهيج شي بعصبيه  يفكرون بتأمل وشيصير بالمستقبل

[rezgar-77]

كلامك صحيح 100% وحتى اللي صار بعمان مراح يغير اي شي من وضعيتهم لان هذوله امريكان واللي مشتغل وياهم اكيد يعرف مدى التزامهم بالقوانين.

[ليث النصرالله]

اخوان السلام عليكم والله كلام الاخ صحيح وميحتاج هذا كله صديقي عماد صارله 3 سنوا منتظر وهسه خابرو وانطو موعد سفر يوم 18 بهذا الشهر يعني الكل راح يسافرون بس حسب الاولويه ومراح يغلطون بااي واحد بس يحتاج صبر

[عراقي هواي]

عداك العيب
 عمي

[the dreamer]

كلام جميل , كلام معقول , مقدرش أقول حاجه عنو
هذا عين العقل , وحنى صبرنا صبرنا , بقت على هل كم شهر

واسأل الله بحق نبينا محمد ( ص ) وآله الطيبين الطاهرين بالفرج عنا بالقريب العاجل