اليوم خميس؟؟؟؟؟؟؟

[قحطان ابو نور]

السلام عليكم اخوان الي 8)وم إنشاء الله خميس ولا اكو خبر ولا احد اتصل وينة علي النعيمي مو كال اكو شي يوم الخميس وعلى اساس 50بالمائة من الملفات خلصانة

[علي النعيمي]

اخوية موجود الخبر حبي اقرا

[اسطنبولي]

صدك اليوم خميس وماكو اي خبر بس لا هذا الخبر الي كلو عليه استراليا طالبة 10000 لاجئ

[ساعة الفرج]

اخ علي اكتب الخبر هنا ياريت خلي نشوف الخبر

[S.aladhami]

50% من الملفات مكتمله و حيبدون يخابرون كل من مكتمله اوراقه على سفر .. اليوم رحنا للiom و كالو ديبدون يشتغلون بكل الملفات القديمه و الجديده و ديشتغلون ليل نهار ... وكالو الي دينتظر امنيه فـ هذا الشي مو بيدنا لان الامنيه تطول و خاصه على القديميين مثلي 2007و 2008و 2009 لاسباب محد يعرفها ...

[s350thebest]

 

يا الله.

[nuhad78]

همة اتصالاتهم تبدي بين ساعة 1 الظهر لساعة 3 ونص الظهر

انا دائما يتصلون بية بهاي الاوقات

[وردة الكرادة]

كاعدين ننتظر الخميس واجة الخميس وكلشي ماكو هاي مكابلة التليفون وكاعدة شوكت يدك ماادري

[عراقي تركي]

up 1000000 times

[سوسو اسو]

ميخاااالف اخواااان صح مليتو وتعبتو وزهكتو وحقكم
بس مبقه الا القليل
الله يسهل امركم جميعاااااااااااا يااااااارب

[عمر ماتركس]

جيب ليل واخذ عتابه
خلوها على الله ولتسمعون الحجي لان كلها حاله من حالكم

[علي الاجئ]

اخوان اسف على السؤال الي يمكن زحمة... بس شنو المفروض يصير يوم الخميس؟

[espero]

عمي على كيفكم ويانه
موضفه تكول للاخ سيف ماكو هيجي حجي مال 50 بالمية
ناس تكول اربعين بالمية
كل واحد منزلي موضوع ايكول اليوم خميس ...عمي ندري اليوم خميس قابل اليوم ثلاثاء !!! الي مامتاكد من خبر لاينزله فدوه العينكم .....
مادري شلون تحجون ..بس تريدون تصدكون بالي يصرفلكم ...الاخ علي سال الموضفه عن علاقة الفحص الطبي بالامنية ...تكوله ماله علاقه !!!
يطلعون شباب يكولون لا ..هي مارادت تكول ....!!!!!! زين وين الصدك ؟؟؟؟؟

[Refugee]

سلام عليكم ياعينكاويين
شكرا للاخ علي النعيمي ولكل واحد ينقل خبر مفرح لهاي الناس اللي كتلهه القهر وصبرهم خلص من ورة منظمات الاي او ام وغيرهم
بس اخوان صدكوني كل هذا اللي تسمعو هو تخدير اعصاب ومرات يصير اثارة للاعصاب لانه لمن تقرة الخبر يصير عندك بصيص من الامل
وبعدين كلشي متلكه لاهذا ولاهذا ترجع تنشد اعصابك من جديد وهاي على كولة واحد من الاخوان جيب ليل واخذ عتابة وشوكت تخلص ماندري
والله اني اكول راح يخلص العمر وشغلة السفر ماخلاصانه
انتو دريتو اني قبل كم يوم نشرت خبر انه اني بعمان صارلي سبعة اشهر ومخبر المنظمة بعمان وبالعراق ودازيلي مقابلة محلف ايغداد بربكم هاي صايرة دايرة بس نرجع وانكول النه الله فاخوان احنه كل واحد وشغلته تختلف عن الثاني خلو عينكم بعين الله وبطلو من سماع الاخبار اللي ترجع تشد الاعصاب من سماعهه


                     وشكرا الكم جميعا                                                                   
                                                                          REFUGEE

[ابورحمه]

الله يسهل انشاء الله

[mr alaa]

اليوم خميس

وباجر جمعه

[alkhaldy]

وينك دزمند كال الفحص الطبي يعني الامنية مكتملة الله ينتقم منك ظريتني واتلاعبت بأعصاب الناس صدقتك وخليتني اروح افحص وزوجتي حامل والله اليستر من ضرر الاشعة روح الله لايسامحك دنيا واخرة

[شايلوك]

خطيه دزمند مثل دجاج مكه بالعزه مذبوح بالفرح مذبوح يحجي يسبووه ميحجي ويختفي من المنتدى يسبووه اويلي علينه العراقيين بعد شيسوي الله بينه

[المهاجر الى المجهول]

سلام عليكم
 
اريد اعرف  ليش يبثون دعايات بخصوص يوم الخميس  !!!  

اجه الخميس وكلشى ماكو سكته يالفته    

ضحكتيني ورده الكراده  هههههههه

[اسعد الزبيدي]

  السلام  عليكم  جميعا
  اخواني  الاعزاء  علة  كيفكم    نعم  الخميس  اجة  والحقيقة  همة  بدو  من  يوم  الاربعاء  يتصلون   بالناس  ويسألونهم  ان  اذا  احد  منكم   اي  من العائلة  سافر    ونحن  دنتاكد  من  ارقام  التلفونات  واحتمال  باي  ساعة  نتصل  بيكم   

  اخواني  هذ  الي  صار  وية  عوائل  اعرفهة  كثيرة    وبالاخص  في  جرمانة    ومحد  يحجي    واني  واكف    توني  دا  افوت  للمول  اني  وصديقي    ا في  جرمانة اتصلت  بي  الموضفة  وحجت  ويا  الحجي  اعلاه    اخواني   احتمال  الاغلبية  الي  اتصلو  وياهم  ما  يحجون  او  ما  مشتركين  بالمنتدى

  تحياتي الكم  يا  غوالي