جماعة SIV حصرا ..................... مهم جدا

[الطيار العراقي]

السلام عليكم اخواني واخواتي

اخوتي جماعة SIV اني استلمت الفيزة وقدمت بنفتس (مساعدات ) ومحتاج رايكم لان تعرفون الخبصة والتحضيرات مال قبل السفر ( يارب كلكم تنخبصوها عن قريب ) وعندي  بعض الاسئلة المهمة  ومحتاج مساعدتكم بيها

1. الجنط الكبار(ام 23 كيلو ) هل كل شخص بالغ له جنطة وحدة ام جنطتين ؟؟  
 
2. هل اني اختار موعد السفر ام هم المنظمة يختاروه الي ... يعني اكدر اكللهم اني جاهز للسفر بعد كذا التاريخ

3. واذا ماعندي كفيل اكدر اقترح عليهم فد كم ولاية عسى ولعلى بيها مجال يخلوني بوحدة منهن


اشكر مساعدتكم ويارب السفر السريع للجميع

[الطيار العراقي]

معقولة محد عنده معلومات

[alpha]

حبيبي الطيار اعذرني هسه شفت موضوعك
بالنسبة للاجوبه عن استفساراتك فتعتمد اذا انت مقدم على البنفتس او لا:
1-اذا تسافر عن طريق المنظمة فالمنظمة هي اللي تحدد موعد سفرك مو انت
2-الجنط حسب اللي سافروا جنطة واحدة 23 كيلو للبالغين عدا حقيبة اليد وجنطة اللابتوب
3- المساعدات تعتمد على الولاية اللي انت رايح الها كل ولاية الها قانون خاص بيها
تحياتي

[الطيار العراقي]

اخي بس متاكد جنطة وحدة لان جماعة الاي او جنطتين دياخذون وياهم

[الفرج2]

حبيبي الطيار اعذرني هسه شفت موضوعك
بالنسبة للاجوبه عن استفساراتك فتعتمد اذا انت مقدم على البنفتس او لا:
1-اذا تسافر عن طريق المنظمة فالمنظمة هي اللي تحدد موعد سفرك مو انت
2-الجنط حسب اللي سافروا جنطة واحدة 23 كيلو للبالغين عدا حقيبة اليد وجنطة اللابتوب
3- المساعدات تعتمد على الولاية اللي انت رايح الها كل ولاية الها قانون خاص بيها
تحياتي

 تحدد سفرك بعد ان تستشيرك او تسالك شوكت تفضل

[الطيار العراقي]

هذا جيد بس يبقى موضوع الجنط

[malak.ali]

اكو جنطه واكو جنطتين حسب خط الرحله ورسالة تحديد الاوزان

احنه بوقتنا اخذنا كل شخص جنطتين لان رحلتنا كانت دايركت من عمان لشيكاغو

مختصر مفيد : ماكو احد يكدر يحددلك كم جنطه الا رسالة الاي او ام

[الفرج2]

اكو جنطه واكو جنطتين حسب خط الرحله ورسالة تحديد الاوزان

احنه بوقتنا اخذنا كل شخص جنطتين لان رحلتنا كانت دايركت من عمان لشيكاغو

واحنا أخذنا كل واحد جنطه وحده والهاند باك لان ركبنا 4 طيارات عن طريق فرانكفورت  الوزن 23 كغم

[bashar73]

واحنا حضرناالجنط بس بعدنا مامستلمين الفيزا

ههههههههههههههههههههههههههههههههههههه

[rezgar-77]

حبيبي الطيار اشلونك

حسب معلوماتي انه المنظمة راح تسألك على الفترة اللي اتريد سفرك يكون بيها يعني راح تنطيهم فد فترة معينة بس لازم يكون ضمن صلاحية الفيزا وبالنسبة للكفيل اذا ما عندك كفيل انت راح تختار ولاية او عدة ولايات وهمه راح يختارولك وحدة منهن تناسب وضعك او اصلا راح يختارولك ولاية مو من ضمن اختيارك حسب انسايبية الولاية ويه وضعك الشخصي ولكن المفروض انت مسوي هاي الشغلات قبل لا يصدر الفيزا مالتك.

[اسطنبولي]

انته تطلب موعد السفر الى تريد  وبخصوص الجنط كل شخص يحقله 23 كيلو ولابتوب وجنطه اي شيلهه ع جتفه 

[محارب]

اخي
السلام عليكم

راح يدزولك ايميل وبيه اسئله
اذا كانت الزوجه حامل فبأي اسبوع؟
اقرب مطار ؟
التاريخ الي يناسبك وتكون مستعد طبعا راح تكون مقيد بفترة اكسباير الفيزا
ارقام تلفوناتك ؟

اما الحقائب فحسب خط الرحله
اكو حقيبه واكو اثنين  ما عدا الابتوب والجنطه ال5 كيلو

واي شي تحتاج اني حاظر

[rezgar-77]

السلام عليكم

اكو فد نقطة عالبنفتس احب انوه الاخوان عليها خاصتا الاس اي في اخوان قدموا البنفتس قبل لا يطلع الفيزا مالتكم لانه من يطلع الفيزا عندك مجال 10 ايام من تأريخ صدور الفيزا اتقدم عالبنفتس حتى تتجنب التأخير والوقوع في مشاكل اخرى مثلما صار مع احد الاخوة هو ما كان امقدم عالبنفتس لان كان ينتظر الفيزا حتى يقدم عليها والفيزا مالته صدرت واتأخرت بالسفارة واستلمها بعد 25 يوم من تأريخ صدورها وراحت عليه البنفتس.

[الطيار العراقي]

هسة نكدر نكول
1. اذا رحلتك دايركت   عمان - شيكاغو    او عمان - نيويورك فمن حق كل شخص حقيبتين ام 23 كيلو
2. اذا رحلتك ترانزيت    عمان - دولة اوربية - شيكاغو فمن حقك جنطة وحدة ام 23 كيلو

السؤال الذي يطرح نفسه

اني من جماعة بغداد شلون راح اعرف رحلتي دايركت لو بيها ترانزيت ؟؟ خصوصا ماعندي وقت استلم اميلهم لان يدزوه باخر ايام واني عندي تحضيرات لان عندي عائلة واحتاج اعرف لكل شخص جنطة او جنطين حتى ارتب اموري

[mr alaa]

اخوي الغالي
قبل فترة استلمت فيزا
دزيتها هي والجواز
دزولي ايميل انة تم استلامها وكلولي شوكت تريد تسافر
دزيت ايميل كلتلهم اريد اسرع وقت والمعلومات الي طلبوهة
دزولي ايميل ورة ربع ساعة كالو انة تم اضافة معلومات وراح نحددلك رحلة
دزيتلهم ايميل كلتلهم اكدر اسافر قبل تاسع ؟
ورة ربع ساعة دزولي ايميل كالو مؤقتا حددنة الك موعد سفر يوم 18 بالشهر

اليوم استلمت ايميل بيه المعلومات مال وزن + موعد سفر المضبوط
يوم 18 بالشهر
من عمان لشيكاغو
كل شخص حقيبتين 23 كيلو  للي عمرة اكثر من سنتين
وهاند باك 5 كيلو للي عمرة اكثر من  8  سنوات
دزيتلهم ايميل كلتلهم لابتوب من ضمن هاند باك لو اكدر اشيل لابتوب وهاند باك
دزولي ايميل كالو تكدر ...
بالنسبة للسفر تكدر انتة تحدد المدة المعينة وما اعتقد اليوم
بس كل ما اقرب كل ما احسن

[mr alaa]

هسة نكدر نكول
1. اذا رحلتك دايركت   عمان - شيكاغو    او عمان - نيويورك فمن حق كل شخص حقيبتين ام 23 كيلو
2. اذا رحلتك ترانزيت    عمان - دولة اوربية - شيكاغو فمن حقك جنطة وحدة ام 23 كيلو

السؤال الذي يطرح نفسه

اني من جماعة بغداد شلون راح اعرف رحلتي دايركت لو بيها ترانزيت ؟؟ خصوصا ماعندي وقت استلم اميلهم لان يدزوه باخر ايام واني عندي تحضيرات لان عندي عائلة واحتاج اعرف لكل شخص جنطة او جنطين حتى ارتب اموري

بالنسبة لرحلتك
اتصل على هالرقم
0096277570077
خلود الحماوي هي مسؤولة على ترتيب مواعيد سفر

[الطيار العراقي]

ابو ادم يمكن هذا اكثر رد فادني

[الطيار العراقي]

ابو ادم بيها مجال تتاكد من الرقم .. اعتقد بيه خطأ

[mr alaa]

Kholoud ALHAMAWI

Senior Operations Assistant

International Organization for Migration

Amman-Jordan

Tel No.   +962 6 562 5080 ext. 509

Mob No. +962 77 5700737

Fax No.  +962 6 5625081

Email kalhamawi@iom.int

Website www.iom.int


هاي معلومات الاتصال كوبي بيست من الايميل الك

 

For urgent matters you may contact us during our official working hours from 08:30AM till 04:30PM through the office mobile no. +962 77 57 00 737 from Sundays till Thursdays

وهاي وقت العمل مالتهم من ساعة 8 ونص الى 4 ونص 
وتكدر تتصل على موبايل الي موجود بالاحمر

واي شي تحتاج اني موجود

[bashar73]

ابو آدم انت ذهب يارب يحفظك على هذه الاجابة حماك ربي

[الطيار العراقي]

ابو ادم كلي بيش اجازيك ؟؟ الله يحفظك ويوفقك

[mr alaa]

تجازيني يوم توصل امريكا بالسلامة

[East life]

اخوي الغالي
قبل فترة استلمت فيزا
دزيتها هي والجواز
دزولي ايميل انة تم استلامها وكلولي شوكت تريد تسافر
دزيت ايميل كلتلهم اريد اسرع وقت والمعلومات الي طلبوهة
دزولي ايميل ورة ربع ساعة كالو انة تم اضافة معلومات وراح نحددلك رحلة
دزيتلهم ايميل كلتلهم اكدر اسافر قبل تاسع ؟
ورة ربع ساعة دزولي ايميل كالو مؤقتا حددنة الك موعد سفر يوم 18 بالشهر

اليوم استلمت ايميل بيه المعلومات مال وزن + موعد سفر المضبوط
يوم 18 بالشهر
من عمان لشيكاغو
كل شخص حقيبتين 23 كيلو  للي عمرة اكثر من سنتين
وهاند باك 5 كيلو للي عمرة اكثر من  8  سنوات
دزيتلهم ايميل كلتلهم لابتوب من ضمن هاند باك لو اكدر اشيل لابتوب وهاند باك
دزولي ايميل كالو تكدر ...
بالنسبة للسفر تكدر انتة تحدد المدة المعينة وما اعتقد اليوم
بس كل ما اقرب كل ما احسن

+1
عاشت ايدك ابو ادم المعلومات مفصلة وكافية

[adel sun]

اخي بالنسبه للجنط جنطه لكل فرد اكبر من سنتين اقل السنتين جنطه محموله زغيره 5 كيلو اما الاكبر من سنتين جنطه كبيره 20 كيلو مع جنطه شخصيه 5 كيلو  وموعد السفر انته تحدد التاريخ وهمه راح يتصلون بيك يحددولك موعد قريب او نفسه بس انته الي تحدد التاريخ لاتخلي فتره قليله على تاريخ انتهاء الفيزه خلي اقل شي شهر على نهايه الفيزه احتياط  وبالتوفيق انشاله