هذا دليل اخر للتسريع ويارب للكل بحق لا اله الا الله محمد رسول الله
البارحة كنت اتصل بكفيلي في ولاية كنتاكي وكال حاليا المنظمة دتجيب اللاجئين بسرعة حتى دتكعدهم في بيوت الكفلاء الى ان تلكيلهم شقق او بيوت
اكيد راح يطلع واحد يكول عادي هو شغل الكفيل من ضمنه استقبال المكفول في بيتا
الجواب انه اللي ديجون بمكيات كبيرة ومديلحكون على الالتزامات وياهم من ناحية تاجير الشقق والبيوت وتاثيثها فدتصير انه يكعدوهك يم كفيلهم لفترة لحين تاجير البيت او الشقة
السؤال اخواني ارجوا الاجابة عليه
وهي انه اذا واحد يوصل امريكا بخير وسلامة يارب يوم للكل اكو مستمسكات عراقية ويا فهل يكون محتاجها ويا هناك؟ يعني اقصد
هوية الاحوال المدنية - الجنسية العراقية - بطاقة تموينية - بطاقة سكن
لان بصراحة هاي المستمسكات جبناها ويانا اثناء سفرنا لتركيا وهيا حاليا ويانا فاذا نستفاد من عدها هناك راح نخليها واذا منستفاد فليش واحد ياخذها يرجعها للعراق افضل
