ماهي المدة بين الاتصال بالكفيل وموعد اللسفر؟

[man84]

ماهي المدة بين الاتصال بالكفيل وموعد اللسفر؟ لحد الان اتصل بيهم يكلولي امنية مطالعة اكو احد يخابرو للكفيل اذا امنيتة مطالعة الله يخليكم  كل واحد يكلي قصتا

[man84]

حيييييييييييل وامنيتك طالعة؟

[michigan]

اخويه ماكو احد يكدر يكلك المده الصحيحه العلم عند الله تعالى
يمكن مده قريبه ويمكن مده بعيده انت وحظك

[man84]

هو صح كل واحد وبيد الله بس اريد اسال هو معناها الاتصال بالكفيل يعني الامنية طالعة لعد ليش كلما اخابر يكولولي الامنية مطالعة

[michigan]

اخويه الاتصال بالكفيل اجراء روتيني من قبل المنظمه ما اله علاقه بالتجييك الامني  الي تابع للحكومه الامريكيه

[الصابر76]

اني مكمل كل المقابلات وفحص طبي عايد ولحد الان ما متصلين بالكفيل يمتى يتصلون ما ادري

[Humvee]

اخويه العزيز بس احب اوضحلك شي

شغل المنظمه هو :

المقابله الاولى + المقابله الثانيه + صدور امر المحلف + الفحص الطبي + التثقيفيه + الاتصال بالكفيل

والي مو من شغل المنظمه هوه ( التجيك الامني )

فه الاتصال بالكفيل ماله علاقه بموعد السفر لان همه ديسون تسريع فه التسريع يصير على شغلهم الي ذكرته الك اما موعد السفر مربوط في الامنيه والزخم الي على الولايه الي انت مقدم عليها

اني كفيلي وقع قبل شهرين والامنيه انتظار والملف هولد ( معلقه ) وماعرف شنو قصدهم بلمعلقه

تحياتي الك

[عذاب]

لا توجد اي فترة محددة بين اي مرحلتين ب IOM بشكل عام و  بشكل خاص مرحلتي الاتصال بالكفيل و موعد السفر
عذاب

[ورد الشام]

أخي صاحب الموضوع
المنظمة اتصلوا على كفيلي شهر العاشر 2011 ووقع الاوراق ونفس الحكي مال 3شهور او 6شهور او سنة وتكون اهنا
ولحد الان الامنية بالموقع مامكتملة

[عازفة الصمت]

اني اتصلو بكفيلي بشهر 5 و هسة احنة بالتاسع و ليهسة لا حس ولا نفس
و عادي الحجي مالتهم ان رح يطلعون و هذا الخريط و مابقالهم من 3 الى 4 اشهر
بس اني اكللك اشبع حجي من عدهم و اوكع ع صفحة لانه كلة جذب بجذب
ولكن تفائلو بالخير تجدوه و الله ااعلم

[man84]

اشكركم اخوان بشرتوني الله يكون بعون الكل

[abn_albld]

لايوجد اي فترة محددة لان عمل المنظمة هو متعلق بشكل غير مباشر مع الدوائر المانحة للفيزا فمثلا انا اتم الاتصال بكفيلي قبل حوالي شهرين ونصف وقالو له ان فلان سيصلكم بعد سنة !!! (اي مابين آذار وحزيران 2013)
اتمنى لك سرعة الطيران
اخوك
ابن البلد

[مشتول]

اني بانتظار الامنيه من شهر التاسع 2011 يعني صار سنه و لحد الان ماكو اتصال بالكفيل...شنو معناها اخواني؟؟؟؟

[مشتول]

ها اخوان ممكن احد يجاوب هل هذا شي طبيعي سنه وماكو اتصال بالكفيل زين ليش

[man84]

اشكركم اخوان على ردودكم وانشالله السفر القريب للجميع بس احب اسمع تجارب بعد من غير ناس

[man84]

اشكركم اخوان على ردودكم وانشالله السفر القريب للجميع بس احب اسمع تجارب بعد من غير ناس

[سميراميس1960]

اتصال بالكفيل 8\6\2011  يعني سنه  واكثر من 3 شهور

والى الان الامنية ماوصلت

[اسطنبولي]

انته وحضك ماكو وقت معين 

[Maizar]

اخي اني مكنل المقابلات و الامنية و الفحص الطبي كلها مكتملة ولحد الان متصلو بالكفيل وذكرت بموضوع سابق صديقي سافر لتكساس- دالاس بشهر الثامن وصل الولاية ومحد اتصل بكفيله و عندي صديقي في بغداد وقع كفيله الاوراق وماكو اي تقدم من هذاك الوقت. بالنسبة الي راح يسال كفيلي اليوم او باجر على ملفي هناك واذا نطاني خبر راح انشره ان شاء الله