مقابلة iom الاولى

[deniz]

ممكن معلومات عن مقابلة iom الاولى لان اقريائي خابروها الاربعاء وانطوها موعد بالوحدة ونص وهاي اول مرة تروح كان كل مقابلاتها بالمفوضية
وقابلها موظف اردني وسالها عن اعمار الخوات والاخوة وتريخ زواج الوالدين واسم اول مدرسة الى الجامعة واي سنة دخلت بالمراحل الدراسية وباي عمر بس هي بالسنوات ماتعرف وانطته سنوات وكللتهله مو متاكدة بس هي غلطت باسم المدرسة الابتدائية فهل صحيح ياثر بالامنية اذا يطلع مو نفس الاسم يعني هل راخ يسالون عن المدارس وسجل الولادة لو عادي وسؤال ثاني ممكن شوكت راح يقابلوها المحلفين فاذا ماكو زحمة تتجاوبوني لان اني ماعرف لان بعد ملفي بالتوطين وماعرف شي عن iom

[NOORNOORI**]

اسئله واجوبه تتضمن اكثر شي معلومات من الاسم الكامل واسماء الاخوة والاخوات ومواليدهم واين هم حاليا والدراسه من الابتدائيه للاخر شهاده مع ذكر اسم المدرسه والسنه التخرج واسئله عن سبب الخروج من العراق او التهديد وعن الحزب وعن العسكريه وتتواريخ بس شي على شي تكون معلومات فقط الي راح يقابلكم شخص واحد ويظل يسال وانتو تجاوبون وسهله بس اهم شي واحد ميخربط واذا متذكر اتكول تقريبا مو متاكده ونفس الي بالمفوضيه .زبالنسبه للمحلفين كلمن وحظه بس اكثر الناس يقابلون بعد 3 شهور تقريبا

[اسطنبولي]

اخي ماكو اي مشكلة  نفس الحجي الي حجته بل المقابلة مال يو ان تحجي بل المقابلة مال iom
ولمن راح تسوي مقابلة اولى بل iom
ورهه بفتره تقبل محلفين وانشاء الله خير 

[NOORNOORI**]

اتوقع الامنيه ماله علاقه بالمدارس اتوقع وانشالله اهل الخبرة يفيدوكم

[Humvee]

السلام عليكم
اخي العزيز المقابله الاولى خلي ابالك اي اسم اجيبه من عائلتك او اقربائك حيطلب منك مواليدهم ومناطق سكنهم الكامله
ثاني شي تروح اجيب ورقه وقلم وترتب قصتك مال تهديد واهم شي متكثر بلتواريخ والتواريخ الي تذكرها تحفضها لان بلمقابله مال محلفين تنطلب منك
حيسئلك سؤال اني دخت بي انطيني الاماكن الي نمت بيها من سنه 2003 الى الان ؟ اكو ناس تكله بس ابيتنه بعدين اتكله سافرت لفلان مكان طبعآ حيكلك مو سئلتك كتلك وين نايم فه انتبه !
حضر مستمسكاتك جواز كم جواز عندك جيبه جديد قديم شهادة الدراسة اي شي يثبت دخولك قواعد للقوات الامريكيه جيبه
حيكلك ليش تريد تطلع لامريكا ؟ حتكله مهدد حيكلك وبعد ؟ رتب جوابك وحفضه على المقابله مال محلفين دربالك

والباقي اسئله عن قوميتك مواليدك خادم عسكريه اذا خادم الاسئله حطول لان يطلب ابياوحده خدمت وبيا سنه وشهر الخ مع المستمسكات
اذا عندك عدم محكوميه جيبه اذا ماكو ما الا داعي

وتحياتي الك واي شي اني برسم الخدمه

[حسين البياتي69]

ماكو شي جديد نفس الاسئلة تقريبا وانشاء الله البصمة  وتنتضرون محلفين  بس راح ياخذولكم صور من تدخلون   غير الي اخذوها باليو ان وماكو شي يخوف

[deniz]

شكرا اخوان على الاجابات وعلى الروح الطيبة بس قريبتي ابنية هي ووالدتها واني هم بنية ولهسة بعد ملفي بالمفوضية  وماعدنا خدمة بالجيش ومرة ثانية اشكركم على ردودكم  المفيدة وتحياتنا لكم ولكل الطيبين