اخوان منين نشتري جنط اليو ان شو ياهو الي أسألة يصفن بوجهي

[m.r_aliraqiii]

تحياتي اخوان شلونكم

منو يعرف محل مضبوط    يبيع جنط اليو ان  بعمان او نفس المقاسات الي يعرف  لا يبخل علينة  عيوني  والاستفادة للجميع


تحياتي

[mhamed noor]

اخي العراقي اكو واحد بوزسط البلد اسمه عابدين مقابل دخله الشابسوغ

[m.r_aliraqiii]

تسلم عيوني بس اكو نقطة دالة     لو شنو يعني اتمنى توضح احبيب اني كالولي   با البلد يم الجامع الحسيني ساعتين افتر ما لكيتة

[اسطنبولي]

up

[mhamed noor]

اكو اشاره وانت جاي من اتجاه المدرج الروماني للجامع الحسين يجيك كشك شرطه تخلي الكشك الشرطه بظهرك وكانوا طاله للحبيبه  على اليسرى ببدايه الشارع اتوقع يا رابع محل او خامس محل

[ابو مرتضى]

حبيبي

مثل ماوصفولك الاخوان واكو بجبل الحسين مكسيم مول على نفس دوارفراس

وبلتوفيق

[صكر بغداد]

السلام عليكم .......... اخوان بنسبه للجنط اي محل هيه جنطه عاديه كل جنطه لازم يكون وزنه 23كل شخص اله جنطتين كل وحده 23 كيلو وحده  5كيلو هاند باك وبسسسسسسسس ......... بنسبه محل عابدين بعد اشاره الي بيه مطعم هاشم مال فلافل معروف اي واحد بل شارع تسئلوه يدليكم بعد محلات الذهب الي عل شارع العام .......... واني اكول مو مهم هذا المحل اكو هواي محلات جنطه عاديه وسلام عليكم

[m.r_aliraqiii]

اي شكرررررررررررررا اخوان هسة اندليت بشرفي هههههههههه


عزيزي البرشلوني  انتة طبكت على صفحة لو بعدك  اذا طبكت  اشعل  دبل اشارة احسنلك  ماشي هههههههههههههههههههههه



صراع الدهر بيني وبينك  ههههههههههههههه
تحياتي

[مروان الجاف]

عزيزي روح لجبل الحسين يم ماكس مول واحد يبيع جنط بس كله اريد جنط مال اليو ان هو ينطيك اني قبل لا اسافر رحت اشتريته مناك الوحده ب11 انطانياها ب10 وياها الهاند باك هيه تاخذ وزن 23 انت بس كله اريد جنط مال اليو ان هو يعرفه بلا قياسات بلا مدوخ نفسك لان همه مسويه على القياسات مظبوط اني اخذته مناك ولا تسوي وزنه زايد ديري بالك لان احنا زيدناها وبمطار شيكاغو كامو يحجون عالوزن


 تحياتي الك

[Abnaa Al-Iraq]

اني استغرب شنو الداعي شكل الجنطة اذا كان الوزن ميتعدى 23 كيلو هل مهم ان تكون الجنطة بمقاسات هخم حددوها ؟؟؟

الكثير منه عنده جنط مختلفة الاحجام زين هاي شراح يسوي بيها ؟؟ خصوصا اذا كانت جديدة وتم شراءها من عمان ؟؟؟

[immigrant1972]

عيوني انت ...الي عندة جنط كبار اكبر من القياسات المطلوبة يذبها للزبل عدل وكبل    بس شوكت من يجي موعد السفر 

[deniz]

اكو بكارفور دائما يسون عروض على جنط السفر  وخوش انواع بس هسة اسعار الجنط مرتفع علمود موسم الحج والعيد والسفر واذاعندك مجال بعد العيد  اسعارها تنخفض

[alzandawi]

اخواني بس لمعلوماتكم تره هاية الجنط اليو ان يوصون عليهة لانه خفيفة  يمكن وزنهة كيلو او كيلو ونص حتة متاخذ  من الوزن الي يحددوه يعني مو حاسبين للشخص 23كيلو والجنطه وزنهة 5 كيلوات