اخواني الي بسوريا

[ام احمد سوريا]

اهلي واخواني وخواتي اني من الاعضاء القدامى من سنه 2008 وكنت ادخل واشارك وبعد فتره تركت الموقع لان روحي طكت من الانتظار والملل بسبب انتظار السفر والاي او ام لكن من رجعت نسيت عنواني ودخلت باسم جديد واني متابعه وياكم واقراه يوميا كل شي ينزل ع الموقع واني من الي قابلوا الوفد بشهر 5  بسنه2010 بصراحه كنت اتمنى ادخل وافرحكم بشي لان اعرف انتوا اشكد تعبانين وتتمنون شي يفرحكم واني نفس الشي ما اصدك اشوف شي يفرحني او خبر ينطيني امل وصبر بس مع الاسف صار سنين ننتظر ونفس الشي راوح مكانك والى متى هل انتظار القاتل ما اعرف الله يسهل امركم اجمعين ويفرحكم لان اعرف اشكد انتوا هسه تعبانين لان الحال من بعضه
اخواني اليوم والخميس اتصلت ع الاي او ام وكان الجواب نفسه اول شي تاخذ رقم الملف بعدين تكولي النظام عاطل وشوكت يتصلح يابه والله متعرف احتمال يومين واحتمال شهرين اخواني احد يعرف شنو الي كاعد يصير يعني فوك القهر والانتظار بكل لحظه تفرج علينا لو حجايه تفرحنا يجي النواب النظام عاطل ومتعرف اشوكت يتصلح ارجوا من الاخوان الي عنده خبر ويعرف شنو وليش السبب يكتبلنا حتى نعرف شنو تاليها لان والله ادمرنا وتبهذلنا
مع التقدير والشكر لكل اعضاء المتدى

[برنسيسة]

اختي العزيزة حالنا من حالج اصبري وخلي عينج بعين الله
لان احنا عجزنا بعد ماعدنا وسيلة ثانية نستخدمها والجماعة مطنشينا وهسه طلعت سالفتهم الجديدة النظام عاطل
ما نكول غير لا حول ولا قوة الا بالله العلي العظيم
 

[وفاء علي]

كل مره يطلعون سالفه.والله اعلم .









  وفاءعلي/سوريا/2009

[العزاوي 55]

اهلا بالاخت ام احمد
اليوم انا واحد الاصدقاء اتفقنه نروح للمهجومهiomطبعا التكسي من جرمانا للمهجومه 200 ليره بالكوه وصلنا
اخذو الاغراض وخلوه بالكيس هاي الكليشه مالتهم اكيد كلكم تعرفوه سألونه شتردون كنالهم نستفسر عن
ملفاتنه اصعد فوك انزل اول غرفه على الشمال وصلنا الحمد لله جالسين 3 بنات 2 وولد كاعد بنصهن اتفضلو
يابه هيج وهيج شغلتنه كالت بدكم تسامحونه لانه ما في شبكة نت  طيب وشلون كالت بكره اتصلو يمكن
يتصلح كتله هل من المعقول دائره مهمه ينقطع عنها النت من اسبوع ومحد يكدر يرجعه كالت العطل مو من عنا
من المؤسسه للاتصالات
وتالي رجعنه ايد ورا وايد كدام والله لا يوفق الاتصالات ولا الiomولا؟؟؟؟؟؟؟؟؟؟؟؟؟؟؟؟

[نورضياء]

خـــــــــــــــير انـــــشـاء الـلـه
اســتغــفــر الـلـه يـــــــــــارب
الـعـالمـــين

[ام احمد سوريا]

اخوانيووخواتي اشكركم ع الرد بس اريد اكول اكيد اكو شي كاعد يصير لان النت شغال بسوريا وشمعنى بس يعطل على هيج منظمه مهمه  ومعقوله من يوم الثلاثاء عاطل ولحد الان وليش كاعد ياخذون ارقام الملفات وبعدين تكول عاطل ما اكول غير حسبي الله ونعم الوكيل

[Taim]

up

[اسطنبولي]

ههههههه والله عيب عليهم دائرة هجرة معروفه ودائرة تمشي ملفات الناس وحياة الناس بيديهم انترنيت ما عدهم  هههههه

[العجيلي33]

اخوان اني اليوم هم اتصلت بلهجره لان عندي استفسار بشان الكيس لان دخلت علموقع ولكيته متكون من خمس اشخاص  واحنا سته فخابرتهم كالو انطينا رقم الكيس ونشوف شنو واحنا نخابركم لان شبكه ماكو ومخابروني

[h15]

اختي العزيزه صحيح المنظومه عاطله لحد هسه اني اتصلت وطلعت الي ريحانه واخذت ارقم الكيس وكالت فد يومين واذا ما تاصلت ارجع اتصل بينه وان شاء الله خير اما انتي افتحي ملفك على موقع الهجرة مال عمان وانظري ملفك شبيه بعد ان تسجلي بي ان شاء الله خير انتي فاحصه اخر فحص وشوكت ويا فحص بلكن انفيدك بشي ان شاء الله تحياتي

[ام احمد سوريا]

السلام عليكم اخوايه  هذا الحجي مال منظومه عاطله وفد يومين يتصلح راح يصير اسبوع نسمعه ولحد الان ماكو اي اتصال منهم لان كالوا يومين واذا اشتغل احنا نرجع نتصل وعلى كولتها الموظفه انتي وحظج اشوكت يتصلح اسبوع شهر متعرف
عموما اني من المقابلين وفد بشهر 5/2010 وسويت اعاده فحص ثلاث مرات وبصمه مرتين وكان اخر فحص بشهر الثامن واني مسجله بالموقع وعندي الملف فعال والامنيه انتظار والباقي مكتمل وقبل عشر ايام اتصلت بيهم كالوا الامنيه اكتملت وبعد اكو اجراءات ما قبل السفر هم اشكد يابه اطول والله متعرف اسبوع او اشهر والحبل ع الجرار واحنا بسوريا وجهالنا بلا مدارس ومنعرف باجر شنو ينتظرنا
اتمنى لكل اهلنا الي بالمنتدى الصبر وربي يسهل امركم وامرنا

[الامانـــــي]

حبيبتي ام احمد  خلي املك بالله كبير 
وان شاء الله برحمه الله الواسعه تتيسر اموركم عيوني

امانه شلون الوضع بسوريا ظال فكرنه عليكم وعلى الشعب السوري الشقيق يارب محروسين بكلمه لا اله الا الله

تحياتي حبيبة

[اسعد الزبيدي]

السلام  عليكم  جميعا 
  اختنا  ام احمد  ان  شاء  الله  يعوض  صبرك  وصبرنا  خير  اختي 

[ام احمد سوريا]

اختي اماني اشكرج ع سؤالج  والحمد لله احنا جوه رحمه الله واكيد هو اعلم بحالنا وما نكول غير بس الله ينطينا الصبر ويفرجها علينا وربي يحفظك
واخي  اسعد انشالله ربك يعوض كل هل صبر خير ويستر علينا لان صدك اعصابنا تعبت هاي صار كم سنه لا استقرار ولا راحه