سفر من بغداد

[سوسو اسو]

احد افراد عائلتي الي بمطار بغداد الدولي الي على احتكاك بالمسافرين
كلي انو بال 150 كيس سافرو البارحه من مطار بغداد
والعدد طبعا تقريبي
واني كتله شنو عديتهم ؟؟ 
كال لا بس تقريبا هذا العدد بالاضافه الى انو الي حجو وياه كلوله احنه تقريبا هلكد عددنه
يعني بين قوسين خوش عدد حتى اذا خمنه العدد 100
مابين عزابيه وعوائل

ويوم سفر الجميع يارب

[hamada.iraqlover]

شكرا سو سو على نقل الخبر وجزاج الله خير ... ويارب تكون بشارة خير للكل ويسهل امر الجميع يارب ويبشر الله كل الصــــــــــــــــــــــــابرين

[تيولب]

و الله يا سوسو انت ورده مال الله لان حتى وانت بامريكا منسيتينا الله يوفقج حبيبتي وانشالله تتهنين هناك و انشالله خبرج هذا يصير فال خير علينا
و نسافر امين

[Nawfal_Alfadly]

بارك الله بيج على نقل المعلومة جعلها بميزان حسانتكم يارب - هل الايام سكته السفر من بغداد لاخبر لاجفيه لاحامض حلو لاشربت هيجي وتخلص شوكت ياربي

[تيولب]

بارك الله بيج على نقل المعلومة جعلها بميزان حسانتكم يارب - هل الايام سكته السفر من بغداد لاخبر لاجفيه لاحامض حلو لاشربت هيجي وتخلص شوكت ياربي

تره صدك مدا اسمع احد من بغداد سافر اشو سكته يلفته

[slam hawk]

احد افراد عائلتي الي بمطار بغداد الدولي الي على احتكاك بالمسافرين
كلي انو بال 150 كيس سافرو البارحه من مطار بغداد
والعدد طبعا تقريبي
واني كتله شنو عديتهم ؟؟ 
كال لا بس تقريبا هذا العدد بالاضافه الى انو الي حجو وياه كلوله احنه تقريبا هلكد عددنه
يعني بين قوسين خوش عدد حتى اذا خمنه العدد 100
مابين عزابيه وعوائل

ويوم سفر الجميع يارب

عاشت ايدج خيتوووووووووووووووووووووووووووو الف رحة لوالديج[/size]

[الروح المجروحة]

صح البارحة كان السفر سوبر هواية
ان شاء الله كل يوم هيج ويشملنا احنا هم

[سوسو اسو]

تسلمون اخوتي على كلماتكم الطيبه
ان شاء الله يوم النسمع اخبااار سفركم قريبا
بالتوفيق للجميع

[good55]

الف شكر للاخت الكريمة سوسو اسو على نقل هذه الاخبار المفرحة والتي تبشر بالفرج القريب لجميع المنتظرين السفر

[برنسو]

شكرا جزيلا اخت سوسو على رفدنا بالاخبار المفررررررحة..
اتمنالكم الموووووووفقية والحيااااااااة السعيدة



تحياتي ... برنسو

[هذا عراقي]

اختي مشكورة على اهتمامج بتوصيل المعلومة رغم انشغالكم بحياتكم الجديدة بس هذا دليل على اصلج الطيب

بدون زحمة كال 100 كيس لو 100 شخص مسافرين ؟

[mike67]

شكرا سوسو على نقل الاخبار المفرحه اصيله وما تقصرين

[الصابر76]

بامريكا مبدعه وبالعراق مبدعة ما اعرف شكول

[اسطنبولي]

شكرا ع نقل الخبر وانشاء الله السفر للجميع

[نيوتن]

شكرا  على نقل الخبر وبالتوفيق بحياتك الجديدة
نيوتن

[دبس و راشي]

مرحبا اختي العزيزة سوسو

اولا وقبل كل شيء ,, تمنياتي ودعواتي الكم بالموفقية والسعادة والنجاح في بلد المهجر

وثانيا اذا تسمحيلي ان اكون اكثر دقة من الشخص الي نقللكم الخبر ,,طبعا الي تفضل بي ناقل الخبر صحيح ..ولكن للدقة الخبرية العدد كان 98 شخص  وليس كيس نمبر ..

واليوم كان العدد 17 كيس نمبر ( وليس شخص) ومن ضمنهم 6 عوائل من شمال العراق ( يعني اكراد)

مع تقديري لجهودج الرائعة والمجهود المتواصل الي ده تبذلي للتواصل مع اعضاء هذا المنتدى.

تحياتي

[amaar18]

كلمات الشكر كلها لاتكفي بحقك
اسجل اعجابي وحبي لروحك الطيبه يا طيبه
بارك الله فيك ووفقك بكل خطوه تخطينها

 خالتك
       ام عمار

 

[علي الاجئ]

حلو حلو حلو! ان شاء لله الكل بالعراق يسافرون بأسرع وقت ويشوفون كل الخير في مستقبلهم.

[the dreamer]

بارك الله بيج اختي العزيزة سوس على نقل الخبر

تحياتي
THE DREAMER

[mhamed noor]

الله يوفقج اخت سوسو اسو ويبارك بيج سافرتي وبعدج مناسيه اخوتج الي بعدهم ممسافرين مو مثل غير اعضاء بس اجاء موعد سفر نسى المنتدى والاعضاء الي عشنا عائله وحده واحد يصبر بواحد

[فارس البغدادي]

الله يجعلنا من جماعة 150 او 100 كيس اللي ديسافرون وانشاء الله مابقى شي

[alzandawi]

اللهم زد وبارك مشكورة سوسو

[سارة نبيل]

يا قريب الفرج
شكرا سوسو على الخبر الحلو الله يفح حك ويسعدك حبيبتي

[mustafa ahmad]

ان شاء الله كل الي منتظرين سفر يسافرون وتصير سوالف
ولو ..المنتدى هدوووء بالنسبه للسفر   
مو مشكله والله نفرح للكل اذا بغداد لو دول الجِوار
..تسلمين اختي وبارك الله بيج

[شنايزر]

شكررررررررررا للخبر المفرح

[سوسو اسو]

شكرااااااااااا الكم على دعواااتكم الي
الله ينطيكم على كد نيتكم الطيبه
وبالنسبه للعدد كلولي كيس مو شخص
العوائل اغلبها الام والاب كيس والبنيه كيس والولد كيس
فأكو من يحسبهم 3 كيسات واكو من يحسبهم كيس واحد

وشكرااا لجميع المداخلاااات والتصحيح في حال اذا جان اكو خطأ بالعدد

تقبلو تحياااتي ويوووم السفر ان شااء الله للجميع