نقاش/سؤال: الحقول الجديدة في الموقع تتعلق بالامنية وقرب السفر؟

[علي الاجئ]

السلام عليكم جميعاً،

اخوان قبل ما كتب احب اكول للجميع "هذه مو اشاعة، ولا اريد ان اصرح بكيفي" اني بس مجرد اريد استفسر وخلينة نسمع التوقعات ونناقش.

بعد ما تغير الموقع مال الاي او ام اضافوا حقلين جديدة وهي المدينة والمطار... بعض من الاخوان بالمنتدى ظهر لهم رمز المطار، وقسم المدينة. واني بالنسبة الي الحقلين بياض وهدوء!

السؤال هو، تعتقدون المطار ينضاف الى الحقل عند اقتراب انتهاء الامنية، او قروب موعد السفر؟ او يمكن يطلع الرمز بعد التأكد من الكفيل؟

شنو جوابكم اخوان، وشنو تتوقعون؟ والي يحب يشارك تفاصيل الحقول الي بالملف مالتة اهلاً وسهلاً

شكراً الكم جميعاً

[mike67]

حبيبي علاوي والله ما اعرف شكلك احتمال واصله الامنيه ويريدون يمشون هاي الملفات واحتمال يكون مخدر جديد من المنظمه لان يوميا يطلعونه شى جديد واحنا مابيدنا شي غير الانتظار ونكول الله كريم

 وهاي حالة الملف مالتي


  Case Status (حالة الملف)   HOLD (معلق)   
Case Size (عدد الأفراد)   5   
Prescreen Interview Status (المقابلة الاولية)   COMPLETED (مكتمل)   
USCIS Interview Status (مقابلة المحلفين)   COMPLETED (مكتمل)   
Medical Screening (الفحص الطبي)   COMPLETED (مكتمل)   
Security Review (التشييك الامني)    Pending (بالانتظار)   
Travel Status (حالة السفر) NO ACTVITY  (غير فعال ) 
Distination City(المدينة)       
Airpot Code(المطار)  PHX 

[ليث الحجامي]

السلام عليكم اول شي عندي الك سؤال اخويه انت عندك كفيل لولا واذا عندك كفيل هل اتصلو بيه لولا حسب معلوماتي انو الي ماعنده كفيل تطلعله خانت المطار فارغه ارجو الاجابه للتوضيح وشكرا

[nemro]

اي يمكن الي ماعندة كفيل
ميطلعلة رمز
بس لجد يكلك
الي متصلين بكفيلة يطلع رمز
لان ماكو هيجي شي
اني بعد لحد الان متصلين بكفيلي هاي حجي اليوم
لكن طلعي رمز مطار مع تحياتي

[Black Ops]

عزيزي مالها دخل بالامنيه..
ودليل على كلامي
اني ليهسه ماكملت الامنيه بس خانة المطار مكتوبه لان كفيلي موقع الاوراق ومحدد المدينه اني
ابن خالي حيسافر يوم 15 بهذا الشهر مكان المدينه فارغ ليهسه
بين قوسين هاي سووها يلهون بيها العلم
تحياتي

[موزارت]

اخوان ترة مستمرين بالتحديث يعني اول ما نزلت الخانات كانت عندي فارغة والبارحة بالليل اتحدثت يعني تابعو الموقع وان شاء الله الكل تتحدث ملفاتهم وتمشي

[العجيلي33]

السلام عليكم اخوان اعتقد ان بس الي تقريبا واصل للمراحل الاخيره تنكتبله اسم المطار لان اني منتضر الوفد فالمكان فارغ

[نداوي79]

سلام عليكم
اني مستلمة مغلفين يعني الامنية كاملة عندي من 30 -8 واستلام المغلفين يوم 1-10 وليسها مامتصلين بالكفيل  والمطار والمدينة فارغين وكلشي ماكو اعتقد الشغلة مالها علاقة بالامنية بس الها علاقة بالكفيل والاتصال بيه او توقيعه هذا راي 
هسا اكيد يدخلون اعضاء بعد ونشوف رايهم

[gheed ... جـهــيـــــــد]

اعتقد الحقلين لازم تنملي للكل للي عنده كفيل وللي بدون كفيل يعني اللي عنده كفيل حددوله مطار بالمدينه اللي بيها كفيله واللي ماعنده كفيل شلون يظل بله مطار فاكيد من المنظمه تحددله الولايه راح يكتبوله رمز المطار
 واكيد ايضاً اذا الكفيل مموقع الاوراق تبقه الخانه فارغه الى ان يتم التوقيع
هذا الكلام يعني المنطق هيج يكول بس بكل الاحوال نكول هاي الاضافات بعدها جديده ويجوز بعدهم ممضبطيها وبيها اشكالات
تحياتي

[khalhd]

اخوان  اني  طلعلي  الرمز  بس  مال   بس   المطار  HVN  علما   اني  ما  عندي  كفيل  يعني  المنظمة هي الي اشوفلي كفيل     فما  اعرف   هل  معناه انه   اتصلو  بكفيل    ؟؟؟   والا   شلون  حددو   الولاية   

[بلا امل]

اخوان اني كفيلي اموقع وخلصان كلشي صار اكثر من سنه وطلعلي المدينه فارغه وحاله الملف انتضار بس امحدديلي المطار

[علي الاجئ]

شكراً جميعاً على المعلومات القيمة... اتوقع مثل ماكلتوا الشغلة متعلقة بالكفيل وليس الامنية. اني قبل اسبوع اتصلوا بالكفيل الثاني وكلولة الكفيل الاول مكدرنة نحصلة...... والمشكلة كل واحد بولاية الاول بتكساس والثاني بمشكن. واني افضل اروح لتكساس.

وبالنسبة الي كفيلهم موقع ومطلعت المعلومات على الموقع، اكيد راح تطلع لان حسب ماشفت وافتهمت اكو تحديثات مستمرة على الموقع.

[اسطنبولي]

اني عندي كفيل بس بعدهم ممتصلين بي بس بس الخانتين فارغات
اني حسسب اعتقادي مي خلون اسم المطار لو المدينه بس للي سفرهم قريب وانشاء الله خير 

[nemro]

ماكو علاقة اذا متصلين بكفيل او لا
اني اتصلت بكفيلي
قال محد اتصل بية لحد الان لكن طالعلي كود المطار
يعيني ماكو علاقة الاتصال بكفيل بس مجرد انت كاتب اسم كفيل لو لا وبس