الى من سافر ومن سيسافر

[الفرج2]

    روح اشترك ب  Netflix        دولارات8  بالشهر   وشوفلك يوميه فلم واحد مو اكثر مره طلع السبتايتل الانكليزي  ومره بدون سبتايتل  وشوف نفسك شلون تتقوى باللغه الانكيزيه المستخدمه يوميا من الناس .  اسميها    every day life language .

[الفرج2]

أخويه العزيز زين ممكن توضيح أكثر عن هذا الشي ؟؟؟ يعني معلومات أكثر ؟؟؟

   
اي طبعا ممكن وبرسم الخدمه , هذا الموقع يعرض مختلف وانواع الافلام اللي تريدها , تشترك بيه ب 8 دولارات بالشهر ومن تفتحه يعرضلك مجموعه من الافلام تكدر توقف الفلم او تقدمه او تعيده او اي مقطع منه . بيه سبتايتل باللغه الانكليزيه وهذا الستايتل اصلا سووه للاطرش اللي ما يسمع , لذلك يكتبون نفس الحجي تماما مثل ما يكوله الممثل حتى اللهجه العاميه يكتبوها . وبهاي الحاله انت تسمع لبتلفظ وطريقة الكلام وبنفس الوقت تقره الكلام مكتوب , فكلما تعيده وتحفظ الكلام كلما تتحسن لغتك وانت بكيفك شكد ما تكدر تعيد تستفاد وتكدر تعيد الجمله راسا بعد ما تسمعها وانت وشطارتك تكدر تتصرف بكيفك وحسب حاجتك للحفظ , حتى اذا يوميه تشوف ربع الفلم كلش كافي .


  واني الممنون .
 

[الفرج2]

  طبعا احب اضيف شي مهم جدا ,, هو  اذا ما عندك خلك وصبر وطولة بال فهذا معناه انك ما تتعلم اللغه , لان تعلم اللغة يبدو بطيء جدا جدا لأنك ما تعلمت لغتك الا بعد ان كضيت عمرك طويل يلله صارت مألوفه عندك .

[الفراتي]

بالنسبة لعمان الادرن يقول انه هذه الخدمة غير متوفرة لبلدك على العموم الف شكر  وهذا موقع حلو بيه مئة قصة وتقدر تقرأها وتسمعها ايضا من فوق اعلى الصفحة بالبطئ وعلى السريع اقصد بالسريع باللهجة العادية والبطئ واحد ثاني يقرأ بطئ وان شاء الله يعجبكم قصص قصيرة وبسيطه http://www.rong-chang.com/qa2/ جاي ادرس احد الاخوة عليها الان وكلش مستفاد منها وللعلم هو اعمى يعني سماعي بس يعني اللي الله مان عليه ويشوف يقدر يستفاد اكثر  وها تذكرت انه بيه مفردات وقواعد طبعا لكل قصة على حدة 
وشكرا

[Refugee]

سلام عليكم
حبيبي الفرج 2 اكلك انت داثما سباق لفعل الخير  والله ينطيك على كد طيبة كلبك ونيتك الصافية
بس انت كلت هو الواحد منيلله خلك طويل حتى يصبر مثل ماصبر وهو طفل بيبي حتى يتعلم  .
اذا كاعد هسه خلي اشوفك عالماسنجر

[ابو هفال]

غاشت ايادي

[اسطنبولي]

عاشت ايديك

[غربه]

اكو هوايه برامج تعليم اللغه تكدر تنزلها ع تليفونك كتابه الكلمه ولفضها ومعناها يعني صوت وصوره وحتى كتابتها بالعربي
وهالبرنامج مجاني تكدر تثبته وبي دروس هم مو بس كلمات
ومجاني بلا 8 دولارات وبلا اشتراك نت .....

[sniper elite]

الفرج 2 شكرا على هذا الموضوع للأخوان الي لغتهم ضعيفة ...
بس ليش ال8 دولارات ؟؟
هسة انت اي فلم تنزله من الأنترنت تكدر تنزل وياه سبتايتل انكليزي وعربي وفرنسي والماني وهندي .. وهم تقدم و تأخر يعني حاله حال اي فلم تشغله بالكومبيوتر ...

ع العموم شكرا ع الموضوع والله ينطيك على كد نيتك .

[نيوتن]

شكرا ع الموضوع الله يوفقك
نيوتن

[eng ali]

اخويه كلام صحيح مليون بالميه السبتايتل كلش تفيد والله اني قبل يمكن 8 سنوات بالديفيدي سويتها واستفاديت جدا من اللهجه المهم اجاوب احد الاخوه ليش ال8 دولارات لان موقع راقي جدا وافلامه حديثه حبيبي انت وبنقاء عالي .

eng ali
tampa-florida

[سوسو اسو]

    روح اشترك ب  Netflix        دولارات8  بالشهر   وشوفلك يوميه فلم واحد مو اكثر مره طلع السبتايتل الانكليزي  ومره بدون سبتايتل  وشوف نفسك شلون تتقوى باللغه الانكيزيه المستخدمه يوميا من الناس .  اسميها    every day life language .

اي فعلاااا  كالو عليه خوش فيكه

[reem90]

فعلا مبين مميز عاشت ايدك وفدوه لعينك خويه خلي اجرب لان لغتي تعبتني

[الفرج2]

فعلا مبين مميز عاشت ايدك وفدوه لعينك خويه خلي اجرب لان لغتي تعبتني

 بسلمون اخواتي واخواني الاعزاء على الردود الحلوه .

 بس اختي العزيزه ريم هاي مال فدوه لعينك ما اقبلها لان انت اختي العزيزه الغاليه ولذلك راح اكلج

  فدوه لعينج بعد لا تكولينها رجاءا , اختي الغاليه , الصحه والسلامه لك اخت عزيزه

[rezgar-77]

حبيبي الفرج
يسلم ايدك عالموضوع وبالمناسبة اني قويت انكليزيتي وصرت مترجم من خلال هاي الطريقة.

[كرادي مغترب]

السلام عليكم

طبعآ هذه الموقع اني هم مشترك وياهم بس اول شهر مجانآ !!!

وكل شهر تنزل افلام جديدة بس اني التلفزيون مالتي بي ابلكيشن مال نت فلكس بس اربط نت ع التلفزيون يشتغل اوتوماتيك

واكو موقع ثاني اسمة بندورا هم بي افلام حلوة وكله HD

واعتقد هذه يشتغل بس امريكا و كندا

والي يريد يشترك لازم يكون عدكم حساب على الدبت كارت

[البلدوزر]

دوما مبدع

[الفرج2]

السلام عليكم

طبعآ هذه الموقع اني هم مشترك وياهم بس اول شهر مجانآ !!!

وكل شهر تنزل افلام جديدة بس اني التلفزيون مالتي بي ابلكيشن مال نت فلكس بس اربط نت ع التلفزيون يشتغل اوتوماتيك

واكو موقع ثاني اسمة بندورا هم بي افلام حلوة وكله HD

واعتقد هذه يشتغل بس امريكا و كندا

والي يريد يشترك لازم يكون عدكم حساب على الدبت كارت

 اي صحيح اول شهر مجانا , شكرا على المرور والتوضيح

وشكرا للاخ العزيز بلدوزر
وشكرا لك اخي مغترب

وشكرا للاخ الغالي رازكار


كلم شكرا على مروركم . اتمنى لكم الموفقيه وراحة البال .

[eng ali]

بصراحه اني بعدني بالمجاني ماشي لان العرض مال اول شهر بالمجان يخلص بتاريخ 15-11 -2012 والله اعلم

[الفرج2]

بصراحه اني بعدني بالمجاني ماشي لان العرض مال اول شهر بالمجان يخلص بتاريخ 15-11 -2012 والله اعلم

  اي هذا موقع يفيد اذا واحد ما يعرف معنى كلمة ما , يوقف الفلم وينقل الكلمه من السبتايتل  ويطلع معناها وهكذا .

  شكرا جزيلا على المرور .

[abuihab]

نشكر الاخ العزيز الفرج على روح المساعدة الي يحملها للناس...وأشكر كل الردود للأعضاء...

ملاحظة : في بعض افلام الفديو  لموقع اليوتيوب توجد هذه الخاصية للترجمة و لمختلف اللغات...(اذا وجد مفتاح مكتوب عليه  cc او  مرسوم عليه خطين في اسفل الاعدادات للفديو ...تستطيع من خلاله أختيار اللغة الانكليزية لتظهر ترجمة E مشابهة للكلام تماما)...
ولو مو 100%    حرفية...

أرجو الاستفادة من هذه الملاحظة...وابلاشششششش.........
تحياتي...

[تيولب]

شكرا على المعلومه

[steven_siv]

أخويه العزيز زين ممكن توضيح أكثر عن هذا الشي ؟؟؟ يعني معلومات أكثر ؟؟؟

+1

[انته بروحي صدكني]

شكراً على الموضوع الجميل

[frank martin]

موضوع جميل وعاشت ايدك عليه صديقي وربي يوفقك ويوفق الجميع

تحياتي !