اخواني الاعزاء اهل الخبرة والتجربه ...شكد الفترة التقديريه للسفر بعدالاتصال بالكفيل وتوقيعه لاوراقي

[اخر قطعة بالدرزن]

شباب بعد التحية والسلام
ارجو من اصحاب الخبرة وخصوصا اخوتي الاعزاء من المتواجدين بالمنتدى الاجابه على تساؤلاتي " ميخالف اتحملوني اخوكم الصغير "

بعد الاتصال بالكفبل مالتي وتوقيعه على الاوراق اخبره موظف المنظمة ان راح يرسل الموقف بنفس اليوم وانه بعد عشرة ايام الموقف مالته بالموقع راح يتغير ... سؤالي شكد الفترة بين توقيع الاوراق و السفر للي عدهم خبرة وطالعين يفيدونه بهذا الموضوع .....؟؟؟؟؟
لانه عندي كومه التزامات ومااعرف منين ابدي ....علمود ابدي اصفي بالي وبعدين اصفي اموري

[اخر قطعة بالدرزن]

شباب فدوه فد راي فد حجاية فد جلمة ليش هيجي
يالله اليوم جمعه ويجوز مشغولين !!!!

[ليث الحجامي]

اخويه العزيز وبكل صراحه اذا الامنيه مكملانه فلاتصال بالكفيل يعتبر اجراء عادي او خطوه من خطوات الامنيه اخوك من الشهر الخامس متصلين بكفيلي ولحد الان ماكو شي المهم بالسفر تكمل الامنيه يالله الامور تفرج وشكرا

[gheed ... جـهــيـــــــد]

صحيح المهم الامنيه لكن نبقه نكول اكيد الامنيه دتمشي والملف ديمشي مادام طلبوا من المنظمه بامريكا تتصل بكفيلك وخلي اكلك شغله اذا انت مخلص كلشي وباقي عالامنيه فكلش كلش كلش عادي من تكتمل امنيتك يخابروك يكلولك رح تسافر خلال 3 ايام او اسبوع او عشره يعني القصد يصير سفرك قريب لان يخافون تصير عندك شغلات اكسباير بالملف
تحيااااتي

[الهاشمي_3]

السلام عليكم احبائي العينكاويين بالنسبه اليانا اتصلو بكفيلي من بداية شهر/9 /2012 وانا باقي على الامنيه تخلص ولحد الان ماكو شي مع العلم منظمة الهجره في المزه اتصلو علي قبل ثلاثة ايام وسألوني عن عائلتي لان عائلتي رجعتهم لبغداد خوفا على حياتهم وراح يرجعون قريبا لان ام الهجره كالتلي من يكونون بسوريا اتصل علينا وخبرنا بوصولهم فشنو معناها هاي الشغله لان انا باقي بسوريا صارلي ست سنوات ماغادرت سوريا نهائيا ومن اتصلت على الهجره مره ثانيه مانطوني كلمه تريحني فقط كالت من تكون عائلتك بسوريا اتصل علينا ارجوكم اخواني شنو تحليلكم وتوقعاتكم وجزاكم الله خير وييسر امركم وعجل سفركم امين

[مروان الشويلي]

حبيبي اخر قطعة خلي اسولفلك علية وانتة كول هااي خوش اغنية اسمع

اني الاتصال بلكفيل وتوقيع الاوراق تم في شهر ال7 من سنة 2011 واليومك لاحس ولاخبر فلاتعب روحك اجراء روتيني

[اخر قطعة بالدرزن]

حلوة شباب
اني كام يقرة الاحباط عندي 1000
على العموم دخولكم للموضوع والمشاركة كلش كافي والله ان شاء الله يسهل امركم

[um shaheen]

اخويه العزيز
اسفه اذا احبطت معنوياتك بس احنه الكفيل من 2009 موقه وراها كل 6شهور بس يخابروا ويتاكدون منه
بس اتمنى انه راح الكثير ومبقى الا القليل وانشالله خير




اخويه الهاشمي الله يخليك نصيحه لو تخلي عائلتك ترجع بلكي الله يحددولك السفر لتنطيهم حجه رحمه على الموتالك حرامات كل هذا التعب يروح وهمه كاعديلنه على حجه
تحياتي
اختكم ام شاهين من سوريا

[ALBERT.]

أخوتي الاحبة ...اني قبل شهر خابروني المنظمة وكالولي تعال وقع اوراق تخص صديقك اللي انته كافله.وكالوا لازم تجي اليوم لان لازم نرجع الجواب للواشنطن دي سي اليوم قبل نهاية الدوام الرسمي.

والله رحت وقعت الاوراق وسئلت الموظفه عن المدة التقريبية للوصول ...كالت ماكو احد يعرف يجوز شهر يجوز اقل يجوز اكثر.وبعد ملحيت عليهه كالت حتى اكون صريحة وياك أكو ناس كفيلهم وقع الاوراق مالتهم من 2011 ولحد الان ما اجانه اشعار بتجهيز السكن والاستعاد لاستقبالهم لحد الان.
فهذا يدل على انه شي ما اله علاقه بشي.
وربي يسهل للجميع

[salam83a]

بشهر الخامس كفيلي وقع اوراقي ولحد الان انتظر الامنية

[اخر قطعة بالدرزن]

شباب بالبدايه اشكركم على الردود وعلى سرعه الرد
بس اني الموظف مال المنظمة كال لكفيلي بالحرف الواحد
" صاحبك كمل كلشي والامنية مالته وصلت بس بقه نرتبله مساءلة الحجوزات مال الطيارات "
زين هاي وين وهذيج وين شنو خمس اشهر شنو 3 اشهر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[مغتربون فى مصر]

اخى انى كالو لكفيلى بعد اسبوعين يجى وهاى صارلى خمسة اشهر انتظر

[اسطنبولي]

لازم تكمل الامنيه يله وتوقيع الاوراق مال الكفيل شي عادي ولا يقدم ولا اي اخر

[um shaheen]

اخويه انشالله خير
بس بالنسبه للكفيل مالتنه وقع بشهر السابع 2009وبوكتها كلوله بنص الثامن همه هنا يعني بنفس السنه يعني ب 2009 شنو رأيك اخويه
وبهاي السنه كالولنه الهجره مال سوريا انه احنه ننتظر اجراءات السفر وره اقل من شهر كالو اكو جزء من الامنيه صار اكسبايرولحد الان هذا المواااال
اني مو احبط معنوياتك بس اكول الا تخلص الامنيه لان المنظمه بامريكا كلشي متعرف
وانشالله يارب السفر لكل المنتظرين
تحياتي
اختك ام شاهين من سوريا

[ALBERT.]

اخي مع اعتزازي وتقديري لكفيلك بس احب اكلك انه المنظمة هنا كلشي متعرف عن حالة سفرك ولا تعرف شنو المقصود بالامنية ...
كل اللي تعرفه انه اكو كيس راح يوصل وهذا الشي يعرفوه قبل 3 اسابيع الى شهر .
طبعا يجي الكيس من الفرع الرئيسي للمنظمة تفاصيل كيسك.ومدير المنظمة راح يدز اشعار بالتفاصيل بايميل الى الاشخاص اللي يقومون باجراء اللازم.
شخص يقوم بعمل فايل الك وشخص يبدي يحير بشغلة السكن ومن يكتمل الملف ينحط على الميز مال موظف اللي راح يكون الكيس ووركر مالتك.

تحياتي

[الهاشمي_3]

الاخت العزيزه ام شاهين السلام عليكم اختي انا جدا ممنون منك على هذه النصيحه الطيبه والتي احسها من كل قلبك وان شاءالله خابرت عائلتي بان يرجعون لسوريا باسرع وقت ولو الاطفال داومو مدارس ببغداد ومرتاحين بس على كلامك ماريد انطيهم حجه بس ارجع واكول الامنيه مالتي بالموقع بعدها انتظار ياترى شنو الغايه من هذا الاتصال من الهجره مااعرف وظليت محتار بس لايطلع بعدين مجرد استفسار والله اعلم جزاك الله كل خير اختي ام شاهين وربي ييسر امر سفرك وسفرنا وسفر جميع المنتظرين امين**** اخوكم ابو افنان الهاشمي سوريا