الامنية ــــــــــ والخانتين الجديدتين في الموقع

[ابوفهد]

السلام عليكم
مساء الخير أعضاء منتدى عنكاوا الكرام ... أخواني أخواتي أرجو من الجميع المشاركة وإبداء الرأي للفائدة
بشكل مبسط من خلال اجارءات منظمة الهجرة والي اغلبنه مر بيه والي هية مقابلة 1+2 وفحص طبي وبعد ذلك موافقة المحلف المشروطة بالأمنية وانتظار الأمنية التي طال انتظارها ... هنا نأتي الي الخانتين الجديتين في الموقع ... البعض يقول انه اشاره على قرب السفر والبعض ينفي والبعض يقول قرب وصول الأمنية وهناك من غير مهتم بالأمر حسب متابعتي للمنتدى ...وهنا نريد ان نحكم العقل والنطق في هذا الامر ... موافقة المحلف كانت مشروطة بالأمنية أي ان حالة السفر ومتابعة ملف القضية او أي إجراءات تأتي بعد تأكيد عدم وجود أي شبه ولو كانت قليلة على صاحب الكيس ... ومع العلم ان اغلب من ظهرت في خانتي المطار والمدينة رموز المطارات واسم المدينة هم في حالة انتظار الأمنية وحالة الملف هود ... أذن على أي اساس تقوم المنظمة باعطاء اسماء المدن والمطارات هل الامنية مكتملة وهم من يقوم بعرقلة القضية ام (على كولة البعض مغذي جديد) ام هناك سستم جيدي تتبعة المنظمة ولا علاقة له بالامنية

[نيويورك]

وداعتك اخوية بس ربك يعرف  .. طبعا و همه همين دوخونه يومية شكل .. فري يافراره ...

[the dreamer]

والله وآني أضم صوتي لصوتك

تحياتي
THE DREAMER

[اسطنبولي]

اني اكول بس الي الامنية مالتهم ع انتهاء اي كتبون اسماء المدن والرمز مال المطار

[نيويورك]

اخوك امنيتي خلصانه و ما كاتبين لا المطار ولا المدينة  تايهه السالفه هسه لو بس واحد عراقي يعرف واحد يشتغل بالمنظمة الرئيسية جان خلصنه  سوو  بحق بلكي نلكه واحد هناك يمعودين

[الاخيضر]

الاخوات والاخوة في المنتدى الجميل والمبارك السلام عليكم........
ان تصوري الشخصي حول الخانتين الجديدتين والله اعلم ان من اكتملت له الامنيه فلقد تم تحديث ملفه..ان لي اخت ساكنه في الولايات المتحده وهي كفيلي قد سالت عن قضيتي في مكتب المنظمة وقد تم اخبارها ان الموافقه الامنيه مكتمله وانني بانتظار موعد سفر علما ان الموافقه في موقع المنظمة مازالت غير مكتمل وحالة ملفي فعال..... قد يكون هذا بشير خير بعدم رفض القضية كما بين احد الاخوان ونرجوا من الله ان ننهي هذا الجانب من الانتظار في حياتنا التعيسه في العراق.....ودمتم سالمين

[salam83a]

هاي الخانتين الهة علاقة بالكفالة والولاية فقط

[ابو ايمن المياحي]

هاي الخانتين الهة علاقة بالكفالة والولاية فقط

ممكن التوضيح

[Writer]

الخانتين ما الها اي علاقه لا من قريب ولا من بعيد باي مرحله من المراحل
حددوا المدينة والمطار على اساس التحديد الي انت حددته في المقابله الاولى
والدليل اكو ناس بعدهم ما موقع الكفيل موجود المدينه والرمز عندة

اني اتوقع وجودها اضافة الفقرتين بالجدول مو النه وانما لمركز المعلومات
حتى يعرفون شيجاوبون من تخابروهم او تدزولهم ايميل

والدليل على ان مركز المعلومات معتمد على الموقع هذا حالهم حالنه
اكو واحد خابرهم او دزلهم ايميل وانطو جواب غير الي بالموقع؟؟؟

ارتاحوا ترا هاي مو شغله الرموز الي بقينه 3 سنين نحجي بيها ولليوم احنة مختلفين بمعانيها
يعني برائيي اذا المراحل كلها اكتملت ما راح ياخروك لاي سبب كان

واتمنى للجميع السفر القريب

الكاتب

[ابو ايمن المياحي]

الخانتين ما الها اي علاقه لا من قريب ولا من بعيد باي مرحله من المراحل
حددوا المدينة والمطار على اساس التحديد الي انت حددته في المقابله الاولى
والدليل اكو ناس بعدهم ما موقع الكفيل موجود المدينه والرمز عندة

اني اتوقع وجودها اضافة الفقرتين بالجدول مو النه وانما لمركز المعلومات
حتى يعرفون شيجاوبون من تخابروهم او تدزولهم ايميل

والدليل على ان مركز المعلومات معتمد على الموقع هذا حالهم حالنه
اكو واحد خابرهم او دزلهم ايميل وانطو جواب غير الي بالموقع؟؟؟

ارتاحوا ترا هاي مو شغله الرموز الي بقينه 3 سنين نحجي بيها ولليوم احنة مختلفين بمعانيها
يعني برائيي اذا المراحل كلها اكتملت ما راح ياخروك لاي سبب كان

واتمنى للجميع السفر القريب

الكاتب

اخويةالغالي
تعذرني ومتاسف جدا انو اكلك تحليلك غلط وبالاثبات القطعي
اني من قدمت ماعندي كفيل واصلا ما طلبت ولاية
وهسة همة محدديلي الولاية واسم المطار فاتصور حسب تحليلي الشخصي انو هية الهة علاقة قوية جدا جدا باكتمال الامنية او قرب اكتمال اجرائات الامنية والتحضير للسفر ( للعلم لم احدد مدة معينة ) لان حسب الي قاري ومفتهمي من قوانين اللجوء انو من المستحيل يحددولك ولاية وانت بعدك ممكمل اجرائات الامنيةوفوكاهة وين بالولايات المتحدة الامريكية لالاوفوكاهة منطيك اسم المطار وانت تخيل ماعندك موافقة امنية.
اسف للاطالة

[الهاشمي_3]

السلام عليكم احبائي الطيبين والله انا حسب قناعتي وحسب اخذ مشورة بعض الناس المهمين في امريكا انه هذه الاضافات الجديده المدينه والمطار تتعلق بولاية كفيلك الي انت راح تسكن يمه ان شاءالله وما لها اي علاقه بالامنيه لان التشييك الامني حتى المنظمه في ولايتك ماتعرف بيها فقط تعرف اذا امنية الولايه خلصت اما باقي التشييك فما يعرفون بيها لان مو يمهم ومن تخلص تعرفون انتو قبلهم من الهجره الدوليه وبعدين الكفيل حتى يستقبلكم بالمطاروربي ييسر امر الجميع ويريح بالكم وتسافرون كلكم امين

[mike67]

عيني الهاشمي - 3
 كلامك على عيني وعلى راسي بس الي ماعنده كفيل اشون كاتبيله الولايه واسم المطار

   ارجو التحليل ........؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ابو ايمن المياحي]

عيني الهاشمي - 3
 كلامك على عيني وعلى راسي بس الي ماعنده كفيل اشون كاتبيله الولايه واسم المطار

   ارجو التحليل ........؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

+1

[دييكو]

اني اضم صوتي الى صوت الاخ المياحي لان هذه المعلومة اذا محددين الكفيل والولاية فممحتاجين نعرفها لان اجنا منطيها الى المنظمة واما الكيس مامحدد  الولاية ولا الكفيل فهم الي حددوله الولاية والكفيل اي المنظمة فالشغلة ماممكن المنظمة تدخل بيها او تحددها الا اذا اقتربت الامنية للكيس على الانتهاء وهناك تحديد موعد سفر قريب لصاحب الكيس والا فلماذا تضاف معلومات هي بديهية للمقدم على الجؤ وهذه اتصور ولله العلم انه يا صاحب الكيس حضر نفسك للسفر ولا تتفاجاء ولله العلم

[mike67]

والله ياجماعه ياريت الاخوان والاخوات الي بالمنتدى يبينون ارائهم حتى نشوف شنو قصه الخانتين الجديدات

مع الشكر الجزيل وتمنياتي بالسفر السريع للجميع


      تحياتي
    مايك 67

[تقوى الله]

تفائلوا بالخير تجدوه وان شاء الله التغييرات تكون خير ع الجميع
بالنسبه الي اني بدون كفيل ومحدديلي الولايه والمطار
واكيد ميحددون اذا مجانت الامور على وشك الانتهاء خصوصا للي ماعدهم كفيل

تحياتي

[mike67]

   +1

[سندباد البر والبحر]

 اخواني بس اسال اكو احد من الي قيد الدرساه او تاجيل كاتبيلهم اسم المدينه او المطار اني ملفي هولد والخانتين فارغه ارجو الاجابه اذا امكن

[ابو ايمن المياحي]

اخواني بس اسال اكو احد من الي قيد الدرساه او تاجيل كاتبيلهم اسم المدينه او المطار اني ملفي هولد والخانتين فارغه ارجو الاجابه اذا امكن

اخي اني ملفي قيد الانتضار وحددولي المطار والولاية

[الميرنكي]

مرحبا اخوان
اني رائي ممكن يكون صح وممكن خطأ !! هذه أجراءات يمكن تحديد أعداد الواصلين الى أمريكا بعد أكتمال الامنية لمعرفة استيعاب كل المنظمات الموجوده في الولايات اي حتى لايكون زخم على منظمة دونما الاخريات ؟ هذا تحليل والاخر هو اقتراب اكتمال الامنية  هاي في حالة انه اكو اعضاء كلشي ما كاتبين الهم في الحقلين المضافين ؟

 تقبلوا مروري وشكرا

[الاصيل1]

تحية طيبة

منذ فترة لم اكتب بسبب انقطاع النت مرات ومرات بسبب الاحباط واليأس

اثارني موضوعكم

احبائي  الهجرة الدولية في امريكا لها واجبات  والهجرة الدولية في بلدك تابعة لها ولها واجبات ايضا
من هذه الواجبات 
 اكمال الملف.
الفحص الطبي.
ابلاغك موعد مقابلة مع المحلف.
تسليمك ورقة نتيجة المقابلة مع المحلف.
تحديد الولاية والاتصال بالكفيل.
تسليمك الفيزا بعد صدورها واستلامها من الخارجية.
تهيئة امورك وحجز تذاكر السفر والتنسيق  مع المطارات بتهيئة مرشدين في كل مطار

فموضوع تحديد الولاية  مفرح ...كونه يدل على اجتيازك مرحلة معينة من الامنية  لكنه لايعني صدور الفيزا
لان الجهة التي تصدر الفيزا هي الخارجية وليست منظمة الهجرة الدولية.

يارب تيسر امور الجميع بالسفر العاجل
والله من سنتين ونص كملنا مقابلة المحلفين وللان بانتظار النتيجة كل الي ويانه سافروا
الله كريم
اخوك ابو مريم

[فارس البغدادي]

شفت باحدى القنوات المصرية صورة لسيارة كيا 11 راكب كاتب عليها عبارة تكول

(( محدش فاهم حاكة ))

وهذا اللي ديصير ويانا بالفعل يعني اذا تراجعون الكلام ماكو اثنين نفس حالة الملف مطابقة الخانتين مالتهم كل واحد شكل هسة هم لو يسفرونا بسرعة مو نخلص من هاي الدوخة ومثل ما كال الاخ رايتر 3 سنوات حايرين بالرموز ومحد عرف شنو هيا

كولوا يا الله وبلكي تفض

[ابوفهد]

السلام عليكم
شكرا اخواني العنكاويين ... على مروركم وارائكم الي اقل ما اقول عنها انا تعني لي الكثير
لنعيمـــــــي
الاصيل1
الميرنكي
 ابو ايمن المياحي
سندباد البر والبحر
mike67
تقوى الله
دييكو
الهاشمي_3
Writer
salam83a
الاخيضر
نيويورك

[h15]

تحياتي اخواني الاعزاء أرائكم على عيني وراسي بس صدكوني همه المنظمه والموظفين ما عدهم شغل وعمل حتى ايضيفون الهم شغل جديد اكيد هذا الشي الجديد على مود توضيح واستفاده اولا للي ما عنده كفيل توطين حر وثانيا الي عنده كفيل راح يعرف وخبره مثل ما اكدوا الى كفيلي وثانيا كل فقرة  في الموقع اكيد الها علاقه بالامنيه واي اجراء يعتبر امنيه والي ما عنده مقابله واضافوا اله الفقرتين يعني عنده موافقه امنيه اولى  وسوف يقابل اكيد واضافة الىه الفقرتين بعد مراح يتحول الى دوله اخرى ابدا من الي ينتظر موعد مقابله وفد وهذا الكلام مضبوط ومناك وان شاء الله خير واني حاضر الى اي سوال اخوكم ابو مازن

[h15]

تحياتي اخواني الاعزاء أرائكم على عيني وراسي بس صدكوني همه المنظمه والموظفين ما عدهم شغل وعمل حتى ايضيفون الهم شغل جديد اكيد هذا الشي الجديد على مود توضيح واستفاده اولا للي ما عنده كفيل توطين حر وثانيا الي عنده كفيل راح يعرف وخبره مثل ما اكدوا الى كفيلي وثانيا كل فقرة  في الموقع اكيد الها علاقه بالامنيه واي اجراء يعتبر امنيه والي ما عنده مقابله واضافوا اله الفقرتين يعني عنده موافقه امنيه اولى  وسوف يقابل اكيد واضافة الىه الفقرتين بعد مراح يتحول الى دوله اخرى ابدا من الي ينتظر موعد مقابله وفد وهذا الكلام مضبوط ومناك وان شاء الله خير واني حاضر الى اي سوال اخوكم ابو مازن