اخوان والدي راح للمراجعة مال فحص الطبي.. ارجو الدخول والمشاركه

[zalatan1111]

السلام عليكم

اخواني مثل ما يعرف البعض انه احنا عدنا الفحص الطبي للمره الثانيه .. وبعد 3 شهور اتصلو بوالدي للمراجعه
اولا
اليوم كان موعد المراجعه .. راح وطلع ضغطه مرتفع زائدا مشكله بالاذن وسووله تحليل دم .. وباجر تطلع النتيجه
هل هاي الامور تأثر على السفر او لا ؟؟

ثاني شغله احد من افراد عائلتي تنتضر مولود .. وممنوع تسوي اشعه .. كالو اذا ما تسوي اشعه يتأجل ملفها لحد ما تولد وتسوي اشعه ..
زين هل هذا الشي يأثر على جميع الملفات لو بس ملفها ؟؟

ثالثا اليوم بالمستشفى شفت اوراقي ومكتوب expiry date : 2014 بسنة 2014 .. شنو هذا الاكسبايري مال شنو ؟؟
واني مسوي فحص قبل 3 شهور .. معقوله الفحص يطول سنتين ؟؟

ورحت سالت المسؤول بالمستشفى جان يكلي اكسبايري لحد 2014 .. زين هسه شنو ؟؟والله مدا افتهم !

اني مو دايخ ولا ضايج .. بس دا احسها صارت لويصه .. ورح تروح علينا الشغله

ارجو الرد والمشاركه

[zalatan1111]

up

[Had]

أخي العزيز
نتائج الفحص الطبي لا تأثر على نتيجة الملف ، بدليل والدي (والذي هو الان في أمريكا) عمره 89 سنة ، ولديه سكر وضغط وكلسترول عالي ، وعامل عملية شرايين تاجية ، بالأضافة إلى انه كان يتعالج من سرطان البروستات.
فأرجو عدم القلق ، وبالتوفيق والصحة ان شاء الله

[zalatan1111]

شكرا اخوان على الردود وعلى دعواتكم حبايب .. ربي يحفظ كل ابهاتنا واهاليتنا ويبعد عنهم كل شر ..

بالنسبه للاخ rawaan يكول انه ممكن تاثر
والاخ had يكول ما تأثر

والمشكله انه اثنينكم صارت وياكم هاي الحاله ..

؟؟؟؟؟؟؟؟؟؟

[zalatan1111]

اي افتهمتك اخويه

اعذرني ابن عمي بس والله خايف وشايل هم .. اكيد انت تعرف شنو شعوري

زين وشنو بالنسبه للاكسبايري ديت ؟؟
اني فتحت ملف بالمستشفى وقريت اكسبايري ديت سنة 2014 ؟؟
ما عندك فكره عن هذا الموضوع ؟

[zalatan1111]

الله يسمع منك ابن عمي

بالتوفيق

[اسطنبولي]

اني الي ادري بي الفحص الطبي سنه وي صير اكسباير شنو سوه سنتين بعد احسن