اخوكم من سوق الشيوخ جديد

[رياض ركابي]

احب اسلم عالجميع واشكر الجميع لتوضيح امور كثيره عن الهجره اخوان عندي سؤالين اول شي الكوم ابروفل اتاخر صارله شهرين ونص ما جايني السؤال الثاني انه اطلعت على كيفية ملىء الفورم i-360 بس ماعرفت شنو الطريقه الصحيحه تحياتي للكل اخوكم رياض من سوق الشيوخ

[رياض ركابي]

عذرا لتكرار الموضوع بسبب الحاسبة والنت

[سارة نبيل]

اهلا وسهلا اخي ان شالله تستفيد من وجودك بين اخوانك الطيبين يا طيب

[رياض ركابي]

شكرا اختي المحترمة

[عراقي هواي]

كل الهلا بيك اخويه العزيز وهلا بسوك الشيوخ اهل الكرم والطيب اهلنا

عيوني انت انشالله تستلم الكوم ابروفال عن قريب
شي واحد يأخر الكوم فقط اذا المشرف او السوبر فايزر اتأخر بالرد عليهم

انا بخصوص الفورم 360 لا تشيل هم احنا حاضرين وباي وقت خل يطلع الكوم وسهله بربع ساعه تنملي وتأمر امر

عراقي هواي

[فارس البغدادي]

يا هلا ببني ركاب

والله اخوية اتمنيت اساعدك بس اني اي او ام والشباب الخيرين اللي اهنا ما يقصرون انشاء الله

سلامي

[steven_siv]

اخي العزيز اهلا وسهلا بتواجدك بمنتدى عنكاوا
الكوم ابروفل قبل كان ب 30 يوم 40 يوم ويجي ونظرا للتغيرات اللي صارت والزخم والعدد الكبير للمقدمين صار يتاخر شويا بس يمكن شوي بعد ويجيك برايي 3 اشهر وماريد اكول 6 لان كان عندي صديق هيج اتاخر الكوم مالتة المهم ماعندك غير الانتظار بس ال 1 360 فورم جدا بسيط واي حقل بي ماتفتهمة اسال ونساعدك بي وتحياتي اللك

ستيفن كركوكي

[Gray wolf]

اهلا وسهلا بك نورت المنتدى

[رياض ركابي]

اشكركم اخوان جزيل الشكر على الترحيب وانا اتشرف بالانضمام بالمنتدى وباعضائه المحترمين انه حبيت اسال عن نمبر تو بالنسبه للبارت ون والبارت ثري بالنسبة للبارت ون اخلي عنوان الكفيل واسمه لو بس اسمه وبالنسبه للبارت ثري اخلي عنواني ولو اطول عليكم بس احب اعرف عنوان الدي اتش ال اللي اخلي بمكان الكفيل لان كفيلي من النوع اللي مايفتح ايميله فكلت اخلي عنوان الدي اتش ال علمود اسرع يجيني الباكج عليه