اخوان عندي سؤال حول موافقة المحلف وعن موقع الي او ام

[zalatan1111]

السلام عليكم

اخواني .. دا اقرا بالمنتدى هوايا ناس تكول اجتنا موفقة المحلف وناس تكول ما اجتنا .. هيه مو نفسها التشييك الامني ؟؟
زين اني مكتوب عندي بالموقع موافقة المحلف غير مكتمل او غير فعال ؟؟ شنو يعني ؟؟

والسؤال الثاني .. احنا عائلة عباره عن 3 كيسات .. وبس والدي كدر يوس اكاونت على موقع الاي او ام .. بس اني مدا يصير عندي ؟؟ شنو السبب ؟

شكرا

[araby hor]

السلام عليكم

اخواني .. دا اقرا بالمنتدى هوايا ناس تكول اجتنا موفقة المحلف وناس تكول ما اجتنا .. هيه مو نفسها التشييك الامني ؟؟
زين اني مكتوب عندي بالموقع موافقة المحلف غير مكتمل او غير فعال ؟؟ شنو يعني ؟؟

والسؤال الثاني .. احنا عائلة عباره عن 3 كيسات .. وبس والدي كدر يوس اكاونت على موقع الاي او ام .. بس اني مدا يصير عندي ؟؟ شنو السبب ؟

شكرا

انت من وين مقدم ؟؟
انت قابلت محلف لو بعدك ؟؟
شنو نوع الربط بينك وبين باقي الكيسات ؟؟

[zalatan1111]

مقدم من سلطنة عمان لكن ملفي بالاردن ..

وعفوا غلطت بالكتابه .. مقابلة المحلف عندي مكتمل لكن حالة الملف مكتوب ( بأنتضار النتيجه ) !!!!

وحالة الربط ما افتهمت شنيه .. لكن احنا كلنا رايحين لنفس المكان لان عدنا كفيل هناك

[كوستاف]

عيني مقابلة المحلف شي والتجييك الامني شي ثاني وانته هسه مادام الملف مالتك بأنتظار النتيجة فمعناها انه اكو تغيير رح ايصير بملفك هليام

[zalatan1111]

اخويه كوستاف

صار سنة وشويه بانتضار النتيجه

مع العلم انه عدنا الفحص الطبي قبل 3 شهور .. والمستشفى الي سوو الفحص الطبي النا اتصلو بوالدي لمراجعة الفحص الطبي .. وضلو يسألوه عن الضغط وامور ثانيه لحو بيها ..

زائدا بالموقع مكتوب اسم الولايه واسم المطار الي رح ننزل بيه ..

[طبن]

اخي العزيز
تحية طيبة الك والله يوفقك
بس ياريت تجاوبني ...
انت شوكت قابلت محلف يعني بيا تاريخ بالضبط ؟ وشوكت صارت عندك الحالة مكتمل بالنسبة (لمقابلة المحلف )بالموقع ؟
 يعني من المقابلة مال المحلف  ولحد النتيجة مال هاي المقابلة  شكد اخذت عندك وقت بالضبط ؟
ثم بعدها شكد الفترة الزمنية واتصلو بيك على اول فحص طبي ؟
شاكرا لك اخي واتمنى لك الموفقية ولكل الاعضاء
شكرا
طبن

[اسطنبولي]

اخي انتو المحلف موافق عليكم وكاعد تنتظرون تجييك امني بس

[y3soob]

اخوية اذا عندك مشكلة بالموقع دزلهم ايميل برقم الكيس مالتك و انتظر فد اسبوعين راح يجاوبوك و من يمهم يحلون المشكلة. تكدر تتصل بالمنظمة بالاردن و تعرف منهم قرار المحلف اذا لم يتم تبليغك بيه لحد الان.  الي افهم من كلامك انه انتو الربط مالتكم قوي بمعنى تريدون تسافرون كلكم سوية و بالتالي حتى اذا خلصت اجراءات الوالد راح ينتظرون لحد ما تخلص اجراءات الجميع يالله تسافرون. شي لاخ ممكن تكول شنو الاشياء الي بقوا يسالون عنها بالفحص الطبي ؟؟  هل رسوله الى السفارة لو لحد الان بعد بحطاط؟؟

[السهل الممتنع]

اخي العزيز وضعك طبيعي انت قابلة محلف وصدرت الموافقة وتنتظر الامنية لانك فحصت طبيا انتظر لان كل سنة تعمل بصمة وكل 6 اشهر فحص طبي او تسرع ملفك بان يعملو لك دورة تثقيفية وتحديد سفر والسفر ويختلف كل ملف عن الاخر والله يوفقك