السلام عليكم اخواني واخواتي الطيبين المحترمين ,,,
بداية احب اوجه دعائي الكم وخالص امنياتي بالسفر القريب للجميع وتسهيل وتيسير اموركم ان شاء الله ونكون كلنا هناك قبل نهاية السنة
ثاني شي : حبيت اسوي هذا للكروب بلأخص للي استلموا نتيجة المحلف بهذا الشهر العاشر لهذه السنة من الي اجاهم موافقة كاملة او موافقة مشروطة بالأمنية الي هي الــDeferral letter ,,, وحتى نتواصل كلنا ونشوف شنو اخر اخبار المستجدات من بعد استلام هذه النتيجة وحتى الكل يستفاد سواء كانوا ضيوف او اعضاء ,,,وخلي كلمن يشارك يحجي عن قضية ملفه من اول مقدم يعني تواريخ فقط واذا حب يكتب رقم الكيس مالته حتى جماعة الي نفس كيسه هم يستفادون وان شاء الله نكون خفيفين الظل عليكم ونفيد بعضنا البعض بهيج كروب وتحياتي وسلامي للجميع مع امنياتي ودعائي لكم بالسفرر بأذن الله ,,, ابدي اني بالكيس مالتي والي قدمت بداية سنة 2010 واليكم التفاصيل ,,,
Case No:117
Case Status: Hold
Case Size: 1
Prescreen Interview Status: 9\2011
Medical Screening: 11\2011
USCIS Interview Status: 8\2012
Security Review: Pending
واستلمت موافقة المحلف قبل اربعة ايام اي في 15\10\2012 وكانت النتيجة موافقة ولكن مشروطة بالأمنية ولهذه اللحظة لم يتصلوا بالكفيل
اتمنى ان اكون مبخلت عليكم بالمعلومات وهذا كل مايخصني بطلب لجوئي لل IOM\Baghdad واي شي يصير من اتصال او مستجدات راح نتواصل اكيد بأذن الله ,, واتمنى اكون مطولت عليكم بس حبيت افيد واستفاد من هذا المنتدى الرائع ,,
مع خالص احترامي للأدارة هذا الموقع اعضائه الطيبين المحترمين ,,, تحياتي للجميع أخوكم (BMW M5)
