معقولة!!!!!

[Black Ops]

الله بالخير...
,
,
تعرفون من التحديق الواحد كلشي يسوي..
,
,
بعد متابعتي لاكثر من اسبوع او عشر ايام
يومياً موقع المهجومة يتوقف الساعه 1 صباحاً ويرجع يشتغل الساعة 5 صباحاً
يعني بالجلفي 4 ساعات يومياً تحديث للملفات والله اعلم يجوز يحدثون ستلايتات يجوز او دناكل!!
والاغرب من هذا ماكو اي تغيير بالنسبه للاعضاء العنكاويين
تره 4 ساعات مو قليلة يومياً شديحدثون روح اهلهم
,
,
يعني يوماً دنسهر للـ 5 الفجر نكول بلكت يغلطون والامنيه تكتمل
,
بس الظاهر الجماعة ديحدثون روح اهاليتهم
,
,
ويستمر الاجئ العراقي بانتظار الامنية
.
.
.
اخوكم من غرفة الحدث على الجربايه
وديــ

[/b]

[Black Ops]

اهلاً صديقي..
يعني نضرياً لو كان شخص واحد يعمل 4 ساعات من الممكن ان يحدث اي ملفات كانت بعدد 100
ما بالك موقع لمنظمة الهجرة والتعدين!!
اكيد اكو ستاف مو اقل من 5 الى 10 افراد يعملون
والتوقيت الي يتوقف بيه الموقع يدل على ان التحديث بامريكا يصير لان مامعقولة اكو موظفين بعمان يداومون من الوحدة الى الخمسه الفجر
.
الى الان ماشفنا خلال هالايام اكو تغيير بالامنية ابداً ماندر

[/b]

[Wingo]

أني صرت أفتحه مرة الصبح او الظهر فقط
و قبل ما أفتحه أعمل جلسة تحضير لنفسيتي فد نص ساعة حتى لا أتفاجأ لانه الموقع مثل ما هو ما ممتغير نهائياً 
بس السؤال إذا التحديث يصير بأمريكا ليش لكن يغلطون بإملاء الكلمات البسيطة مثل Destination , Airport ؟؟

[اسطنبولي]

ههههه والله دفره بيهم همه والموقع مالتهم مليت اني من الموقع مالتهم وصالي كم يوم مفتحه احسن شي
مرتاح من عنده 

[تيولب]

شعار المنظمه الجديد لا للتحديث نعم للتحديق  

[Black Ops]

أني صرت أفتحه مرة الصبح او الظهر فقط
و قبل ما أفتحه أعمل جلسة تحضير لنفسيتي فد نص ساعة حتى لا أتفاجأ لانه الموقع مثل ما هو ما ممتغير نهائياً 
بس السؤال إذا التحديث يصير بأمريكا ليش لكن يغلطون بإملاء الكلمات البسيطة مثل Destination , Airport ؟؟

صديقي الله بالخير..
مثل ماتعرف اغلب موظفي هالمنظمة امريكان من اصول عربية مثل ماشفنا اردني لبناني مصري فاكيد الغلطه منهم
والي اكد كلامي الموقع خلال هالايام فقط يتوقف بالتوقيت الي ذكرتة.. برأيك اكو موظفين بعمان يعملون بهيج توقيت؟؟

[Black Ops]

منورين حبايبي الموضوع ويارب الفرج على الجميع

[سندباد البر والبحر]

هههههههه والله روان انت وصاحب الموضوع اثنينكم عسل هاي يكولوها المصريين الله يضحكم دائما ضحكتوني ويه هالكابه

[omar1979]

السلام عليكم
زين الموقع هسة مديشتغل واكف صارله هواية شنو السبب هم تحديث

[ابومريومة]

أني صرت أفتحه مرة الصبح او الظهر فقط
و قبل ما أفتحه أعمل جلسة تحضير لنفسيتي فد نص ساعة حتى لا أتفاجأ لانه الموقع مثل ما هو ما ممتغير نهائياً 
بس السؤال إذا التحديث يصير بأمريكا ليش لكن يغلطون بإملاء الكلمات البسيطة مثل Destination , Airport ؟؟

قوية مالت جلسة التحضير النفسي

هاي راح احتاج اسويها لان كاعد يدمرني الموقع ميقبل يكلب خلقته اتخيلة واحد طافرة روحه مني

[Glendale]

السلام عليكم

اني ملاحظ هذا الشي انه صارين يتأخرون ,,,,, لكن المشكله حسب توقعي ان الجماعة عاملين داتا بيز خاصة بالموقع فهم يعملون بكب للداتا بيز الاصليه وبعدها يعمل فل ريستور للداتا بيز الخاصة للموقع واكيد الفل ريستور يتاخر لانه لا يعمل تعديل بل يقوم بأنزال جميع البيانات التي صار عليها تعديل والتي لم يتم التعديل عليها . وهذا الأجراء يكون اوتوماتيكيـا لا يحتاج الى تدخل اي شخص.

[AboDiana]

منورين حبايبي الموضوع ويارب الفرج على الجميع
وانشاء الله فات الكثير وما بقى الا القليل ... وتفرج انشاء الله

[Black Ops]

بعد ماكو تحديثات بقونا على السيريلات القديمه لكم عمي صرنا كاسباير والله

[steven_siv]

نصيحة مني انسى الموقع وابو الموقع سبق وكلتها هسة فرضا فتحت الموقع وشفت كلشي مكتمل تكدر تجاوبني يمتى تسافر ؟ اتحداك متكدر لان السفر صاير حظ وانت من يجيك موعد السفر يخابروك يخابروك يعني وين السفر يروح الموقع اني ابد مامقتنع بي ولااريدة

[نيوتن]

أني صرت أفتحه مرة الصبح او الظهر فقط
و قبل ما أفتحه أعمل جلسة تحضير لنفسيتي فد نص ساعة حتى لا أتفاجأ لانه الموقع مثل ما هو ما ممتغير نهائياً 
بس السؤال إذا التحديث يصير بأمريكا ليش لكن يغلطون بإملاء الكلمات البسيطة مثل Destination , Airport ؟؟

+1000000

[اسطنبولي]

أخي العزيز أني همين ملاحظ هذا الشي وبهذا التوقيت بالذات بس معقوله 4 ساعات يحدثون بالملفات صح هنه هوايه بس يعني مدتخش عقلي !!!

يعني افرض اليوم صار تحديث ب100 ملف زين مو هذني ال100 ملف احتمال بعد شهرين ما يصير بيهن جديد ويطبكن على صفحه بس تعرف شتوصلت إلى نتيجة الموقع محد يعرف شنو فلمه ...

أخوك من غرفة الحدث جوه اللحاف " لأن الجو بارد الليله بدهوك " 

+1