موضوع جدا مهم الكفاله

[علاوي السعدي]

السلام عليكم
موضوع الكفاله يوقع الكفيل على الاوراق بالمنظمه الي موجوده بالولايه زين هذي الكفاله همات تصير اكسباير اني كفيلي اموقع كفالتي من بداية السنه 2012 وقبل كم يوم سالت الموضفه كالتلي عليك كفاله اني استغربت كتله كفالتي من زمان موقع عليه الكفيل كالت صارت اكسباير
حسب علمكم شكد وتكمل الكفاله باعتبار كفيلي وقع عليه صارله 10 ايام

[علاوي السعدي]

الووووووووووووووو منو عنده كفيل موقع على كفالة او مطلع على الموضوع يكدر يفيدنه

[ankawa_2010]

اخي العزيز
بعض المنظمات بعد مرور سنة من توقيع الكفيل ترجع المنظمة تتصل بالكفيل لتأكيد الكفالة وتسأل عن اي تغير حصل
هذا ما حصل مع كفيلي حيث اتصلت المنظمة به قبل ايام بعد ان مرت سنة على توقيعه الكفالة

[روزة اليرموك]

هاي شطلعت هاي حتى الكفالة هم بيها اكسباير مو والله طلعت روحنة وحتى عمرنا صار اكسباير من وراهم 

[علاوي السعدي]

اخي عينكاوا 2010 انته اظاهر من جماعتنه اني همات مثلك بس شكد تاخذ وقت علما اني رجعت امنيتي من مكتمله الى انتضار اله علاقه بالكفاله رجوع الامنيه

[علاوي السعدي]

والله يا اختي روز مشكله هي صارت بشغلة السفر كلشي اكسباير خاف نستلم خط الرحله واحنه نصير اكسباير

[um shaheen]

اخي العزيز
احنه من 2009 موقع على اوراق الكفاله بس بين مده ومده يتصلون بي لتاكيد الكفاله واحنه على ولاية كليفورنيا وما اعرف اذا غير ولايات غير شكل
تحياتي
اختك ام شاهين من سوريا

[ankawa_2010]

اخي عينكاوا 2010 انته اظاهر من جماعتنه اني همات مثلك بس شكد تاخذ وقت علما اني رجعت امنيتي من مكتمله الى انتضار اله علاقه بالكفاله رجوع الامنيه

اخي الكريم اني بالظبط اول يوم من ورة سنة اتصلو بكفيلي
بس اني امنيتي من اول تأسيس الموقع هي انتظار النتيجة وباقية لحد هسة بعد مرور سنة و 7 اشهر من استلام الظرف
محتارين بالنتيجة ينظولي 49 لو 50 ههههه

[علاوي السعدي]

اهلا وسهلا اختي ام شاهين الله يعينكم ويعين كل العراقيين بسوريا وانشاء الله تسافرون وتتخلصون من الاوضاع الي عايشين بيه شكرا لمعلومتج

[علاوي السعدي]

حبيبي عينكاوا 2010 انشاء الله النتيجه 100 بخط رحله ونسافر وتتخلص من الانتضار

[اسطنبولي]

اني لحد  هسة الكفيل مموقع اوراقي والله كريم 

[(Isabella)]

والله يا اخويه حيره احنا اتصلوا مرتين بالكفيل ولحد الان مموقع اول مره شهر 10 2011 وثاني مره شهر ال 2 2012 وبوكتها كلوله شهرين اذا اكو تسريع واذا رادت اطول منا لشهر ال7 ولحد الان موقع اي اوراق وكلشي ماكو طبعا احنا فرجينيا

[علاوي السعدي]

اخي اسطنبولي خلي كفيلك يشد حيله يراجع ألمنظمه بين فتره وفتره ويسألهم علا كفالتك وتوقيعه

[علاوي السعدي]

إخوان موضوع الكفاله موضوع مهم جداً والي عنده كفيل لازم نطلب منه يراجع ويتصل بالمنظمات الي  بالولايه علا ملفاتنا وعلا كفالاتنه بلكي الله سهل إلامور وسافرنه الامر بهذا الوقت محرج لانه احنه بنهاية السنه

[omar1979]

السلام عليكم
اني هم اتصلو مرة ثانية على كفيلي وبلغوه ان الكفالة صارت اكسباير واني ولاية كاليفورنيا ولحد الان الامنية بالانتظار

[علاوي السعدي]

عليكم السلام حبيبي عمر بلكي ربي بتجديد الكفاله. أمنياتنه تكمل لانه الكفاله علا ما. اعتقد اله علاقه بالامنيه بالتوفيق

[the dreamer]

الأخ العزيز علاوي السعدي  , بعد مضي سنة على توقيع الكفيل للكفالة , ولم يسافر الشخص المعني , تقوم المنضمة بأمريكا بالأتصال بالكفيل للتأكد بأن الكفيل باقي مستعد لكفالة الشخص ولم يطراء أي تغيير , فهذا أجراء روتيني , فهي أحدى الأجرءات المهمة المهمة لسفر الشخص المعني خصوصاً بعد أكتمال الأمنية والفحص الطبي
أرجو أن تكون قد أستفد من هذه المعلومة
السفر القريب لك ولنا أخي العزيز , كول أنشاء الله

تحياتي
THE DREAMER

[تيولب]

اي هم تصير اكسباير بعد سنه او سنه ونص ممتأكده

[لولي70]

خلوني اكفش شعري اذا صحيح الكفاله اتصير اكسابير


يعني شو اعمل انا اذا هم ما اتصلوا فينا  ؟واني كفالتي صارت لها سنه وخمس اشهر


والله رح اكفش شعري خبلوني وجننوني

[علاوي السعدي]

السلام عليكم انشاء السفر للجميع شكرًا اخي المحترم على المعلومات أكيد احنه نستفاد منكم والله يسهل

[علاوي السعدي]

مرحباً لولو هدي أعصابج هسه شعرج شعليه بالكفاله تكفشيه احجي وي كفيلج خلي يتصل ايراجع ألمنظمه باميركا على كفالتج.              أني اعتقد إعادته الكفاله للتأكد من الكفيل هل مستعد الكفاله مره ثانيه باعتبار مرت على الكفالة فتره طويله من الزمن لو غير رأيه لو سافر من الولايه مؤ صحيح

[um shaheen]

اي اخويه العزيز
اتصال فقط لتاكيد الكفاله يعني بالمختصر المفيد اصلا كفيلنه معتبرها شغله روتينيه
انشالله الفرج على الكل يارب
تحياتي
اختك ام شاهين من سوريا

[علاوي السعدي]

إخوان أني من كتبت الموضوع ماكتبته على انه يهبط معنويات وياثر بحالة النفسي اكثر ما متأثرين انه بس شفت الموضوع مهم واله علاقه بالسفر واكتمال الامنيه والتسهيل للجميع  وربي نسافر اقرب وقت ونخلص

[علاوي السعدي]

الى الاخ اسطبولي وجماعتك الموافقين عليكم المحلفين 2/10 جيرانه انطوهم خط رحله 5/11 وموافقتهم وياكم يوم 2/10 بالتوفيق الكم  سالته على الكفاله كلي أني كفيلي موقع أوراقي قبل الموافقة خلي كفيلك يشد حيله بالتوفيق