رجاءا مساعدة بخصوص مقابلات الجي ال اس

[ENG.AHMED]

السلام عليكم
اخواني اني قدمت عالجي ال اس وحددولي موعد امتحان لغة والحمد لله اجتازيته وسوولي البايومترك وكلشي وكلاشي بقت مقابلة السكريننك قبل كم يوم حددولي مقابلة بس ماعرف شنو بيهة وشنو طبيعة الاسئلة وشيريدون وشحيسوون فياريت من الاخوان المتعينيين قبل وعدهم خبرة بهالشي يطوني معلومات كاملة وشنو لازم اكون متحضر لشي معين او اي شي

شكرا

[اسطنبولي]

up

[عذاب]

يسالوك حتة على الولادة مالتك اجيت على راسك لو على رجليك و يسالوك اكثر شي على اذا كانت عندك مشاكل اثناء عملك مع الجيش سابقا ؟؟ لان هسة الستيت ديبارتمينت نحسين مو مثل الحنينين وزارة الدفاع بس تكلهم اني احبكم و اريد اشتغل وياكم يزركوك ب اراك وايد
الا يقلصوك تقليص يسووك بكبر نيلز لمن صار قزم
حظ موفق
عذاب

[ENG.AHMED]

تسلم اخوية عالرد بس ضحكتني مال  نيلز ههههههه س اني اول مرة اقدم عالجي ال اس يعني ماعدي لاسوابق ولا هم يحزنون وية الجيش وبالمناسبة بالنسبة اذا حصلت ركمنديشن منا لسنة اكدر اقدم اس اي في لو هاي هي خلص التقديم اايس يعني

[steven_siv]

ردك حلو عذاب من صدك ضحكت شكد جانت طافرة روحي نيلز نيلز بس الواحد يشتغل

[ENG.AHMED]

ههههههههههه اي والله والضوجة دتقرة فووول فدوة ستيفن متبشرني وتكلي الاس اي في يمددو سنتين بعد هههههههههه

[Mr.Miller]

على وقتي وهذا الشي السنة الماضية مو بعيد .......... اسمك سكنك شنو انطباعك على الجيش الامريكي واذا شفت حركات مشبوة بالقرب من عملك ستشوي تكول ابلغ ال fob MPs  وهاي هيه اسأله تكدر تكول غبية ........... بس انتبة اذا اول مرة تشتغل وياهم راح يقابلك واحد DOD u عراقي يكللك تريد مترجم من توفوت على سكرينك كله لا لان  مرة وكعوا واحد بيه كلوله انت اول مرة تشتغل  احتمال متفتهم الاكسنت مالتهم تريد مترجم كلهم اي المطي  رفضوا على شنو جاي يشتغل اذا يترجمولة !! تحاتي
 

[عذاب]

ههههههههه ولللة حلوة هاي مال مطي قوية صدك مطي

[ENG.AHMED]

ههههههههههههههههه يعني هو جاي كمترجم ويكلهم اريد مترجم يعني شلون رهمهة ههههه عالعموم شكرا عالردود والمعلومات

[steven_siv]

زين شكد الرواتب والنزول وهذول يقبلون واحد عندة كرين كارد

[ENG.AHMED]

الرواتب 1300 دولار والنزول حسب شغلك يجوز يحتاجك سبوع تضل سبوع يجوز يحتاجك بس يومين تنزل يومين هاي حسب ماكلولي همة والله اعلم بعد وبالنسبة للعدهم كرين كارد ماعندي علم بس مة قريت بالمنتدى ميقبلوهم بس اتاكد احسن

[عذاب]

شو قبل شوية دزيتلهم ايميل جاوبوني ماكو اماكن شاغرة 
الله اعلم
عذاب

[ENG.AHMED]

والله بالحقيقة اعتقد كملو العدد المطلوب لان اني دزيتلهم ببداية العاشر وصاحبي قبل سبوع دزلهم اصلا مجاوبو ومن رحت داقابل جان اكو بورد ورة الموضف مسوي جدول مقابلات من يوم تسعة بشهر العاشر الى يوم 18 وجان الديقابلوهم كلهم اصحاب باجات يعني مشتغلين قبل بالجي ال اس وهسة مقدمين مرة لخ بس جان اليوم الداقابل اني بي كاتبين عليه نيو يعني جدد ممشتغلين قبل وجنة احنة بس ثنين بس انت بين مدة ومدة دزلهم ترة ديريدون

[Lawyer]

شلونكم اخوان
بدون زحمة
وين صاير مكان التقديم

[Lawyer]

up

[ENG.AHMED]

اخوية التقديم عن طريق الايميل بس هسة ماكو اذا تدزلهم ميردولك جواب لان اكتمل العدد اعتقد بس هذا الايميل اخذة ودز بلكت وبين فترة وفترة جرب تدز لان هم يريدون بالمستقبل القريب اعتقد

ISMO-OSCI-LN-Program@gls-1.com

[Lawyer]

شكرا اخوية ورحملة والديك
عندي سؤال اخير
اني عندي كرين كارد تتوقع ايقبلوني?

[ENG.AHMED]

والله اخوية اني سمعت من اعضاء بالمنتدى العندة كرين كارد ميقبلو بس هذا مجرد حجي ماكو اي اثبات واني من رحت قابلت مسالوني عدك كرين كارد لو لا فقدم وان شاء الله خير بس بلا زحمة منيلك كرين كارد يعني انت مقدم هجرة ورحت لو شنو

[Lawyer]

اني اس اي في وكنت موظف بالسفارة بس طلعوني لان درو بية مقدم 2009

[ENG.AHMED]

مفهمت يعني انت هسة حاليا بعدك مقدم اس اي في لو قدمت وطلعت لامريكا وشلون حصلت الكرين كارد لعد

[Lawyer]

اني طلعت 2009

[ENG.AHMED]

عالخير عليك حبي بس ارد اسال شنو اخبار الاس اي في هاي هي انسد لو اكو امل ينفتح بعد

[Lawyer]

اخي العزيز
ال اس اي في مينسد لان اكو ناس بعده تشتغل سواء بالسفارة او بالجيش الامريكي