السلام عليكم اخوان اني عضو جديد بس متابع الكم منذ عام سلامي لجميع اهلنة العراقيين اخوكم ابو سل

[ابو سلسبيل]

السلام عليكم اني اخوكم ابو سلسبيل المقيم في سوريا اني عائلتي متكونة من 6 افراد مقدم على un من 2010 ولحد الان ملفي  قيد الدراسة بدات افقد الامل اخوان ارجو اعطائي معلومة مفيدة للي مطالعلة توطيين واشكركم على بذل جهدكم    علما اني لم اغادر انا وعائلتي سوريا نهائيا                                   
                                                   مع جزيل الشكر اخوكم ابو سلسبيل
                                                                                                                                     

[Gray wolf]

اهلا وسهلا بك اخي ونور المنتدى بوجودك .. يعني من 2010 لحد الان بدون توطين؟؟ شعجب كان الله في عونك .افضل تكثر من المراسلات بالاميل وتدعم ملفك بتقارير طبية ان وجدت (شافاكم الله)  فهذه الامور تدعم من الملف

[Maizar]

اهلا اخوية العزيز شرفت المنتدى. اتفق مع اخونة Gray Wolf بما يخص المناشدات و خصوصا حضرتك مرجعت للعراق رغم كل هاي الظروف و اكيد راح تكون نقطة لصالح قضيتك دعواتنا لكم بالتوفيق و ان شاء الله يرد عليك اصحاب الخبرة و يفيدوك

[ابو سلسبيل]

السلام عليكم اشكرك اخوية وبارك الله بيك والله ما اعرف ليش مرافعين ملفي للتوطين  دائما اراجعهم ونفس الجواب ملفك قيد الدراسة وعلما جددت ملفي قبل شهر  ومن قابلت سالتني الانسة كم سؤال مثل ليش مراجع للعراق وشلون مدبر حالك وجاوبت حالي حال العراقيين العايشين بالضيم والقهر وكالت الله يعينكم بس مجابتلي طاري التوطين وبالنسبة للتقارير ماعندي اي تقرير وشتقصد عا الايميل اراسلهم

[فارس البغدادي]

وعليكم السلام والرحمة والاكرام

اخوية العزيز منور بوجودك والف هلا بجيتك
والله كريم يسهل عليك وتطلع وتخلصون من هالوضع اللي انتوا بي اهناك ويحفظ كل اهلنا بسوريا

[فارس البغدادي]

وعليكم السلام والرحمة والاكرام

اخوية العزيز منور بوجودك والف هلا بجيتك
والله كريم يسهل عليك وتطلع وتخلصون من هالوضع اللي انتوا بي اهناك ويحفظ كل اهلنا بسوريا

[Gray wolf]

ايميل المفوظية العليا لشؤؤن اللاجئين ..و لو الوضع يساعد واكو منظمات انسانية تناشدهم لغرض حسم موضوعك فان وجدت انصحك بمراجعتهم

[ابو سلسبيل]

اخوية GRAY WOLF  اذا تكدر اساعدني بهاي المنضمات والايميل ما اعرفة ارسليا حتى اتواصل وياهم  واكون ممنون منك يا اخوية  بس انتة ششوف اكو نتيجة لملفي يعني اكو امل والامل با لله والله يفرجهة على الجميع

[Gray wolf]

foster@unhcr.org : مفوظية الامم المتحدة السامية لشؤون اللاجئين في جنيف



البريد الإلكتروني joram@unhcr.org      المنظمة في عمان



المفوضية مكتب أمين المظالم جنيف Mediator@unhcr.org   


راسلهم والباقي على الله ماكو غير حل بس كتابة مرتبة

[ابو سلسبيل]

اشكرك اخوية عالمعلومة اراسلهم بالنكليزي لو بالعربي اكو وقت محدد للمراسلة وشنو نو المراسلة اشرح قضية ملفي وضحلي وان شاء الله متقصر

[Gray wolf]

اخوية مناشدة اكتب ودزهة بالاميل واشرح ضرفك الي انتة تمر بيه وانتة اعرف بضرفك من عندي اكيد.. وبالعربي مو مشكلة ولكن الافضل انكليزي طبعا.. الله يسهل عليك علينا والجميع

[abuihab]

اهلا بيك اخي والله يسهل لك وتتوطن باقرب وقت...

[برنسو]

اهلا وسهلا بيك اخوية العزيز ... والله يسهلك امروك وتسافر بالفترة القريبة القادمة .

[um shaheen]

الف هلا بيك اخويه
راسلهم بالعربي بس العنوان سوي بالانكليزي ويارب التوفيق والمفروض من تبعثلهم ترجعلك رساله منهم يكتبون بيها المده المحدد الي تستلم بيها جواب واذا مجتي بعد اقصى مده يومين ارجع ابعثها مره ثانيه الى ان تستلم منهم رساله
تحياتي
اختك ام شاهين من سوريا

[ابو سلسبيل]

السلام عليكم اختي ام شاهين اشكرج على المعلومات المفيدة بس اريد اسال اكتب رقم الملف مالتي من اراسلهم        مع جزيل الشكر

[ابو سلسبيل]

  اشكرك truth is a lie  اخوية العزيز ان شاء الله السفر القريب

[اسطنبولي]

انشاء الله تفرج عليكم يارب وكلهه تسافر وتخلص

[ابو سلسبيل]

اشكرك اخوية اسطنبولي والله ايسهل امور الجميع

[ابو سلسبيل]

اشكرك اخوية برنسو على مشاعرك الطيبة الله ايسهل امرك

[um shaheen]

اخويه العزيز
اكيد لازم تكتب رقم ملفك لان احنه بالنسبه الهم عباره عن ارقام للملفات وتشرحلهم بيها حالتك وناشدهم وانشالله تجيك الجواب وتبشرنه بي اخويه
تحياتي
اختك ام شاهين من سوريا

[Gray wolf]

اخي ابو سلسبيل لازم تكتب رقم ملفك ( رقم اليو ان ) واسمكورقم الهاتف

[ابو سلسبيل]

اشكركم اخواني على تعاونكم معي وان شاءالله اي مستجدات ابلغكم بيهة والله يسهل السفر للجميع كولو امين

[أبو توفي]

أهلاً وسهلاً بك في المنتدى وأن شاء الله ربي يفرج عليك وأوصيك بهذا الدعاء (( اللهم يا مسهل الشديد ويا ملين الحديد ويا منجز الوعيد ويا هو كل يوم في أمر جديد أخرجني من حلق الضيق الى أوسع الطريق بك أدفع ما لا أطيق ولا حولة ولا قوة الا بالله العلي العظيم )) أتمنى من الله أن يفرج همك ويجعل السفر لك عاجلاً غير آجل بقوة الله وأمره



       أخوك أبو توفي

[ابو سلسبيل]

اشكرك اخي ابو توفي على مشاعرك واتمنى التوفيق والسفر العاجل لحضرتك ولكل الاخوة العراقيين ان شاء الله
            


                                                                                                                 اخوك ابو سلسبيل