حالة السفر بالانتظار والملف فعال

[المملكي ريال مدريد]

السلام عليكم إخواني البارحة تدرون بية نزلت موضوع اكتملت بي الامنية تكدرون اتشوفو تقريبا صالها شهر بالانتظار بعد ما كانت مكتملة هليوم فتحت الموقع لكيت حالة السفر صايرة بيندنك صايرة انتظار اكدر اعرف شنو الي مار بهيجي حالة وأشكركم

[um shaheen]

الف مبرووك ويارب موفق اخويه حظر الجنط ان شاء الله قريبا جدا تكون يم الوالد والوالده يارب يحفظهم الك ويحفظ الهم ويسعدكم ان شاء الله
تحياتي
اختك ام شاهين من سوريا

[المملكي ريال مدريد]

هههههههه ام شاهين اشكرج اني امي محظرتلي جنطتي ورايحة ههههههه وصالها سنة وشهرين مطاخها هههه اشكرج ان شاء الجميع يخلصون ياربي لان كلنة بضيق

[steven_siv]

الف مبروك

[Glendale]

الف مبروك اخويــه وان شاء الله سفرك باقرب وقت

[المملكي ريال مدريد]

أشكركم بس اكدر اعرف شكد وينطون موعد سفر لو هم اكو اشهر لو أكو وقت تقريبا محدد من اصير حالة السفر بالانتظار

[akram usa]

خوية مبروك وهسة من اليوم وفوك افتح ايميلك وشوف ايميل اوزان الحقائب وراها من اسبوعين الى ثلاثه ينطوك موعد سفر والله وياك وادعيلنا

[تقوى الله]

 الف مبروك اخويه
 وان شاء الله عن قريب تبشرنه بموعد السفر

[Mr.Miller]

انت على جدول السفر اخوية وانتظر بضرف اسبوع راح يبلغوك بموعد الرحلة وتروح تستلم خط الرحلة بس اشو دينطون مواعيد بعيده يعني عندي صديقي البارحة استلم خط رحلة 29 /11 رحلته هم مو مشكلة المهم خلصت الامنية وراح انتظار السنين  ,,,, بس ممكن تكلي صارللك شكد حالة الملف فعال والامنية بالانتظار ؟؟؟ اكون ممنون

[good55]

الف مبروك اخي الكريم وان شاء الله السفر القريب

[المملكي ريال مدريد]

اخوية مستر ملر اني الملف دائماً فعال الامنية اكتملت شهر السابع بداية شهر التاسع رجعت انتظار والبارحة اكتملت وهليوم تحول موعد السفر بالانتظار ياربي بلكي يخابروني او يدزولي ايميل

[Writer]

بالخير حبيبي وان شاء الله السفر وتخابرني مناك

بالتوفيق ان شاء الله

الكاتب

[Mr.Miller]

اخوية مستر ملر اني الملف دائماً فعال الامنية اكتملت شهر السابع بداية شهر التاسع رجعت انتظار والبارحة اكتملت وهليوم تحول موعد السفر بالانتظار ياربي بلكي يخابروني او يدزولي ايميل

اي عادي بعض الاخوان يضوجون من ترجع انتظار بالعكس  هاي خلصت  اول امنية  فتحول الموقع مكتمل ورها دزولك الامنية ماقبل السفر رجع انتظار  من وصلت امنيتك ماقبل السفر راسا اكتملت بالموقع وتحول السفر بيندك .... وهذا الحجي متأكد منه مليون بالمية .

[المخضرم 2006]

الله يصبرك على هالمر ،،كلنا بالهوى سوى

[فارس البغدادي]

الف الف مبروك اخوية العزيز انشاء الله سلامة الوصول وتقر عينك بشوفة الوالدين وتوصلنا سلامنا الهم

[(Isabella)]

الف مبرووووووووووووك وان شاء الله ما بقى شي ويتصلون بيك هالايام يا رب

[السفر املي]

بالتوفيق اخوية وربي يسهل عليك وتوصل بالسلامة يارب ويسهل امرنة بجاه هاي الايام المفترجة

بس ممكن اخوية تنطيني تفاصيل ملفك شوكت فحصت مرة ثانية وشوكت قابلة محلفين اذا مو زحمة عليك والف مبروك اخوية

[المملكي ريال مدريد]

أشكركم شباب وان شاء كلنة هل السنة نروح بس اريد اسأل سؤال من يصير السفر بالانتظار يعني شنو الفارات وراها يلة يخابرون الواحد لو هم أطول هذا الإجراء واشكركم

[mr_aliraqi83]

اني من شهر السابع اتحول السفر الى انتظار ولحد الان ماكو شي..

[kansas]

مشاهدة الملف الشخصى  رسالة شخصية (غير متصل) رد: حالة السفر باﻻ‌نتظار والملف فعال « رد #19 في: اليوم في 17:05 »رد مع الاقتباس _________________________________________اني من شهر السابع اتحول السفر الى انتظار ولحد اﻻ‌ن ماكو شي..
مرحبا مستر العراقي 83
حابه اسالك انت على يا مكان بغداد لو سوريا لو الاردن لان ما معقوله من شهر 7لهسه سفر عندك انتضار ومتصلت بيهم دزيتلهم ايميل ..... حالتك غريبه اخي اذا على بغداد اوعمان ..... بس اذا سوريا فبسبب الوضع نكدر نكول معقول ..... والله يسهلك

[صبراً جميلاً]

الله يوفقك اخويه ان شاء الله تعالى هانت و الله يعوض صبرك خير

[المملكي ريال مدريد]

شكرًا للكل طبعا بس مستر عراقي اتوقع حالتة خاصة لان هواية 3 اشهر السفر بالانتظار وماكو شي وحتى الامنية اصير اكسباير اكو احد مار بنفس الحالة وشكرا

[ابو سلسبيل]

انكلك اخوية ان شاء الله مبروك ويوم سفرك القريب ولكل المنتظرين   اخوك ابو سلسبيل

[mr_aliraqi83]

اني بشهر السابع عدت الفحص وبعد كم يوم اكتملت الامنيه واتحول السفر الى انتظار..وبشهر الثامن خابروني كالو مستعد تسافر باقرب وقت كتلهم طبعا مستعد كالو اتحظر راح نحجز ونخابرك وصارت سكته بعد كم يوم خابرتهم كالو الامنيه صارت اكسباير؟؟؟؟خبلوني وفعلا رجعت بالموقع الى انتظار..زين شنو الفلم يمته لحكت تصير اكسباير!!!المهم بيوم 20_9 فتحت الموقع لكيت الامنيه مكتمل ملحكت اخابرهم وثاني صادف يوم جمعه فتحت الموقع لكيتها راجعه انتظار وحاله المف صارت معلق؟؟؟؟؟؟؟؟بس بقى السفر انتظار ..وكل ما اخابر او ادز اميلات نفس الكليشه انت تنتظر امنيه ومرتين رحتلهم كل واحد يحجي شكل مرة انت بالمراحل الاخيرة ومرة انت عندك تسريع ومرة انت فعلا ملفك واصل مرحله سفر بس ملكينالك حجز ومن هالخرابيط..وكفيلي من يراجع منظمتنا بكاليفورنيا يكولوله اوراقه كامله بس عنده تجييك امني...وهاي كل السالفه اسف عالاطاله بس ها اللي صار..اني مقدم من عمان واستلمت محلف 24_12_2011 عدت فحص مرتين

[المملكي ريال مدريد]

شكرًا اخوية مستر العراق على مرورك وان شاء مبقة شي ويخابروك اني مصالي غير يومين بس السفر انتظار اذا طولت فد اسبوعين ادزلهم ايميل وربك يسهلها

[كرستيانو 5]

الف الف مبرروك اخي العزيز احسب شهر تقريبااا ساافر
لانه انته سنكل مو عائلة السنكل من بغداد التسفير اقل .

[المملكي ريال مدريد]

كرستيانو اخوية صحيح حجيك السنكل شوية بطئ بلكي الله خلال هل الشهر اخلص بجاه رب العالمين والكل ياربي