فوائد امريكا

[الفرج2]

   صارلي عشرة ايام تركت التدخين وان شاء الله مستمر , هاي اول مره بحياتي انجح يمكن لان الجكاير غاليه ؟؟

[amy44]

ههههههههههههه بل التوفيق

[الفرج2]

  شكرا على الدعاء

  وشكرا على المرور

[steven_siv]

واني تركت البلنكو من اول يوم وصلت اهنا لان هم غالي 

[الفرج2]

واني تركت البلنكو من اول يوم وصلت اهنا لان هم غالي 

   ههههههههههههههههههههههههههههههههههها

  شكرا على مرورك

[AboDiana]

خوش خطوة ... بالتوفيق

[fort carson]

اني صارلي سنتين و سبوعين من تركت التدخين
بالمناسبة (بلنكو)  شنو

[Wingo]

خطوة ممممممتااازة
أبدعت
إن شاء الله تقدر تكمل المشوار و تنسى التدخين نهائياً

[sadmh76]

البلنكو يعني الابيض والزحلاوي ههههههههههههههههه . تحياتي

[تيولب]

مبروك الجكاير مضره للصحه دي امريكا يااااااابه هههههههههههههههه

[teeba]

الف مبروووك بس لان غاليه هاي حلوه  والله زين سويت

[um shaheen]

والله خوش خبر يارب يديم الصحه عليك ان شاء الله
 ;)اتريد ادزلك من سوريا هههههههه
تحياتي
اختك ام شاهين من سوريا

[صبراً جميلاً]

كثثثثثثثثثثثثثثر من شرب المي بكل وقت

[lucky11]

تترك الجكاير
ليش يابة شنو مو حلوة
وثاني شي اكو واحد يترك كتال ابو
اتشاقة لا تزعل اذا غالية دخن لف احسن

[امين عبد الله]

 لا يمعود ابد مو خوش خبر،، تركت المتعة الوحيدة بالحياة،،بصراحة قهرتني

[Abdullah2006]

الف مبروك

ومبروك لابو البلنكو ههههههههههههه

[الفرج2]

  اشكركم اخواتي واخواني على ردودكم الحلوه , واتمنى لكم الصحه الجيده والموفقيه والفرج القريب , مرتين ضعفت ردت اروح اشتري لكن بعدين كلت لا , خليها تمشي عدله هيجي صمود ونصر احسن .

[علاوي السعدي]

والله زين اسوي ترك التدخين ضروري باميركا
لانه صحة الانسان هناك غاليه وما تقدر بثمن

[Ali leo]

والله حبي زين ما سويت

لان انت بالمستقبل القريب حتى لو بعدك ماكاطع الجكاير راح اتحاول تكطع لان وين ماتروح ممنوع التدخين وراح اتحس بروحك من باكيتين باليوم الى نص باكيت وتتعود الى ان تكطع بس هيه المشكلة مو اهنا

المشكلة انت من ترجع للعراق كزيارة ما راح ترجع اتدخن لان الي دا اشوفهم اهواي هوه بس يوصل للعراق بد يشرب من جديد من وره الناس والوضع


ههههههههههههههههههههههه

مبروك اخوية

عضو عين كاوة
علي ليو

[ابو علاوي]

احـــــــــــــسن خطوة وهذا اخوية العايش في كلفورنيا بس ايريد جكاير ايكول من تجي جيبلي فد 40تكة كلواز اصفر لو اي جكاير حارة اشوية والله خبلني ياريت الله يهدي ويتركهة بس نصيحة ابتعد عن المدخنين وحاول تركض الصبح او تروح للجم وكثر شرب الماء حتة شكو كاربون وقطران يبدب ينسحب من جسمك وانشاء الله اشوف فرق ابصحتك وحركت جسمك لان راح ازيد نسبت الاوكسجين بالدم وبالمقابل راح اتكون عندك طاقة زايدة وراح يبدي وزنك يصعد انشاء بعد ماترجعلهة هما اتكون الضروف وتحت اي ضغوط

[ريم عبد]

الف مبرووووك اخي الفرج وهذا الخبر احسن من خبر السفر
لان التدخين مؤذي للصحه وللجيب وللبيئه
فانت ضربت 3 عصافير بحجر واحد وصرت من اصدقاء البيئه

وبالنسبه للاخ fort carson الي سال عن البلنكو
البلنكو هوه شراب ملطف يكون بشكل حبيببات سوداء تنقع بالماء لفتره فتنفش الحبيبات وتصبح بها اهداب
ويؤخذ الماء ويضاف اله ماء الورد والسكر ويعتبر ملطف ومنظف للامعاء وعادة يشرب بالافطار برمضان في ايام الصيف لان ينعش الجسم ويعوض فقدانه للسوائل

[برنسو]

خطوة صحيحة بالاتجاه الصحيح ... بالتوفيق صديقي .



تحياتي .... برنسو

[هذا عراقي]

بلتوفيق ياورد خوش خطوة وان شاء الله تستمر وتنجح بترك هذا المرض

[TARA80]

الف مبروك وان شالله تستمر على هذي الارادة وتقوى اكثر ..
ليش هو بيش الباكيت هناك بحيث بطلتها لان غالييه

تحياتي

[الفرج2]

شكرا جزيلا على ردودكم الحلوه يا حلوين ,


   السبب الرئسي لترك التدخين الرائحه الكريهه و مضارها  ............. وبعدين الباكيت 6 دولارات .

[السهل الممتنع]

الله يقوي ارادتك وايضا اللي يدخن بغير مكان المخصص له يخالف لذا تركها افضل

[web.Man]

عمي الفرج2 هاي شجاي تبدع ...مبطل جكاير وراح تلعب رياضة ...كلك تفاؤل ،ذكرتني بشعبولة ابو ثرب هبطل السكاير واكون انسان جديد هيييييه
الاخت ريم عبد ...ههههههههههههههههههههههههههههه والله احسن تعريف ممكن للبلنكو ... ولكن فقط للتصحيح المقصود بالبلنكو عند الاخوة مو شراب ملطف يكون بشكل حبيببات سوداء تنقع بالماء لفتره فتنفش الحبيبات وتصبح بها
اهداب.........وانما البلنكو اللي تغني عليه ام كلثوم هل راى الحب سكارى واللي خاطبه ابو نؤاس بقوله دع عنك لومي فان اللوم اغراء  وداوني بالتي كانت هي الداء .......يعني كسر بجمع هو هم شراب بس مال حبيبات واهداب وتنفش لا....يتكاسر بالماي ...وينشرب..