اولا طبعا ماكو حرامي يكول اني حرامي واني استغرب على بعض الاخوة اللي اخذوا على نفسهم وتنرفزوا بسرعة وكتبوا شلون حجي ماشلون حجي طبعا اكيد هذا دليل على ................... عموما , كل شخص مشتغل وية الامريكان ويعرفهم كلش زين ويعرف تعاملهم , اكيد يعرف انه ماعدهم شي اسمه حظ وماكو شي اسمه سستم اسرع من سستم , نهائيا ماكو هيج شي وكل الامور تأثر بالتجييك الامني لان التجييك الامني اهم مرحلة باللجوء من بعد التأكد من قوة قضيتك وصلاحيتها للخروج من العراق والتأكد فعلا انك شخص مهدد , وهذا مثال بسيط جدا على مايملكوه , في يوم من الايام اني دا اسوي سكريننك للباج مالتي مال TITAN وسألوني سؤال كالوا انت موقوف قبل ؟؟؟ كلتلهم لا مموقوف ابد ولاداخل سجن وهاي حقيقة لان اني مااتذكر هذا الموضوع جان يفتح الفايل من كدامه وطلعلي ورقة وكلي هاي الورقة تثبت انت موقوف يوم واحد بهذا التأريخ بصراحة اني انصدمت لان حقيقة مااتذكر صاير هيج شي وياية , بعدين اتذكرت انه اني توقفت يوم واحد بالتوقيف من جنت بالاعدادية اخذونا الانضباط لان جان ماعدنا هوايات ومشايلين هويات وبذاك الوقت جانوا الانضباط يشدون وية الطلاب ويكرهوهم , شنو رأيكم ؟ منين جابوا هاي الورقة ؟ ومنين حصلوا عليها ؟ علما ان الورقة هي ورقة تثبت اني متوقف مو محكوم بحكم جنائي او قضائي , فياناس خلوا الله بين عيونكم ولا كل واحد يحجي حجي من عندة , واللي ممشتغل وياهم وميعرفهم شنو ليجي يفتي براسنا ويطلع حجي من عندة ويكول حظ ومااعرف شنو واكو ناس بهاي السنة اسرع وناس نايمة عليهم طابوكة , شوية كونوا منطقيين .
