الرمز HMJ/ JO

[bashar85]

اخوتي اني من  المعلقين جماعة 12-9-2011 وليهسه مفاحص ولا متصلين بكفيلي ,,
ودائما من اراسلهم خلال المدة هذ يرجعولي جواب روتيني انه المحلف مبعد ممتخذ قرار وننتضر نتيجة

بس هاي اول مره توصلني نفس الرسالة لكن برمز جديد اول مره يجيني والي هو HMJ/ JO  ؟؟ هل عدكم علم شنو هذا الرمز ؟ هل واصلكم هذا الرمز سابقا ؟

مع الشكر والتقدير للجميع

بشـــــــار

[ابو سماني]

مختـصـــــر أسم الموظف إلي كاتبلك الرسالة

[bashar85]

شكرا اخوية ابو سماني ,, لعد انشاء الله يطلع هذا الموظف وجه خير علينة لانه ذولة القبله RKH , ADS ماكو هشكل كصتهم فكر عليه ولازكين صارلهم سنه وشهرين ههههههه ,, شكرا اخوية

[mr_aliraqi83]

اني هم قبل شويه اجاني هذا الرمزInquiry/HMJ/JO
واول مرة قبله جان نفسهن المشؤمات..علما اني دزيت استفسر عن الامنيه ليش رجعت انتظار وطبعا اجاني نفس الرد الروتيني

[ام محمد و احمد]

لحد يدوخ هاي مختصرات تخص الملف وفي اي مرحله وله مدلوليه ولكن عجز الكثير من المتابعين والمفكرين في هذا المنتدى عن فك هذه الطلاسم والرموز وارجوكم هي لاتعني اسم موظف ولكن الامر المتفق عليه انه يعني مرحله محدده وبالتوفيق للجميع

[ابو هجران]

السلام عليكم اخي  bashar85  اول شي كل رمز له معنا وانا ليس ابو العريف واترجم اول شي اكولك قبل ناس نزلو على نفس الموضوع ورايحين سالين الموظف IOM  يكول اذا عبر 6 اشهر يعني ملفه ماشي ما عليه اي شي من قبل المحلف والعهده على القائل وتفائل ب الخير تجدوه واسال الرموز الاخ فارس العراق هو يعرف بيهن اكثر تقبل تحياتي يوم سفرك

اخوك

ابو هجران

[bashar85]

اخواني mr_aliraqi83 و ابو هجران واختي ام محمد و احمد ,,, شكرا جزيلا على ردودكم الحلوة ,, واني هم رايي من رايكم ,, يعني هي اكيد مختصرات لفد شي بس اني ما اعتقد مختصرات اسماء !! ممكن هي تكون مختصرات لمراحل معينة يمل بيه الملف ؟ ممكن اعتقد  ,,, يعني معقولة الرموز الاثنين الي جانت تجيني كل اسبوع خلال هذي السنه وشهرين همه اسماء موضفين !!!! يعني معقولة ولا واحد بيهم بالغلط ماخذ فديوم اجازة ومجاوبني احد غيره !!!! والله ما ادري ,, انشاء الله خير

[rainy71]

up

[lyoo]

up