حبيبي كاسبر السلام عليكم و رحمة الله و بركانه
طبعا ولو اني جنت ناوي ما ادخل للمنتدى بعد بسبب الحظر اللي سوولياه بدون اي سبب بس موضوعك جذبني ،
حبي ولاية اركانسا هي ولايتي ان شاء الله تعالى ، بس اني مو بلتل روك اني ب سبرنغديل بعد 3 ساعات عن لتل روك ،
ليتل روك مدينه حلوه و الطبيعه بيهه تجنن ما شاء الله و صديقي اللي هوه كفيلي همينه كمل دكتوراه بجامعة ليتل روك ( من افضل 100 جامعه في اميركا ) بس هوه حاليا انتقل للعمل في كاليفورنيا فالمنظمه قررت تكفلني بس مقرهه بسبرنغديل ، حبي الولايه رخيصه و الايجار و السكن و الخدمات مناسبه جدا و الحياة فيها حلوه و خصوصا لاصحاب العوائل و الاطفال .
الولايه بيهه سنتر الوول مارت و احلى غابات اميركا و احسن مكانات للصيد في ميركا ،
صديقي الدكتور اللي هسه بكاليفورنيا يشتغل استاذ جامعي هناك اللي هوه نفسه كان كفيلي ، يتمنى يرجع لو يلكه فرصة عمل في اركانسا و يكول عشت بيهه احلى ايامي و شفت بيهه ارقى و اطيب اميركان ممكن الواحد يشوفهم ، تمنياتي لك و لاصدقائك بالتوفيق و اي سؤال اني حاضر ان شاء الله ما اقصر.
نسألكم الدعاء لنا بسرعة السفر.
مودتي و احترامي لحضرتك.
